शनिवार, 14 नोव्हेंबर 2026
US Shooting: फ्लोरिडा विद्यापीठात गोळीबार, दोघांचा मृत्यू; ५ जण जखमी, कॅम्पस बंद ( फोटो सौजन्य : सोशल मीडिया)
टालाहासी (फ्लोरिडा) : अमेरिकेतील फ्लोरिडा स्टेट युनिव्हर्सिटीत (FSU) गुरुवारी झालेल्या गोळीबाराच्या घटनेने संपूर्ण परिसर हादरून गेला. या घटनेत दोन जणांचा मृत्यू झाला असून पाच जण जखमी झाले आहेत. विद्यापीठ प्रशासनाने तात्काळ संपूर्ण कॅम्पस लॉकडाऊन करत आपत्कालीन सतर्कतेचा इशारा दिला आहे.
१७ एप्रिल रोजी, गुरुवारी सकाळच्या सुमारास स्टुडंट युनियन जवळ एक बंदूकधारी शिरल्याची माहिती मिळाली. यानंतर काही क्षणातच गोळीबार सुरू झाला. पोलिसांनी घटनास्थळी तत्काळ प्रतिसाद दिला, तर रुग्णवाहिका, अग्निशमन दल आणि आणीबाणी सेवा तातडीने दाखल झाल्या. जखमींना जवळच्या रुग्णालयात दाखल करण्यात आले आहे, त्यातील काहींची प्रकृती गंभीर असल्याचे आरोग्य विभागाने सांगितले.
पोलिसांनी सांगितले की, मृतांमध्ये विद्यापीठाचे विद्यार्थी नव्हते. सध्या एक संशयित आरोपी अटकेत असून, त्याच्याविरोधात अधिक तपास सुरू आहे. गोळीबारामागचे कारण अद्याप स्पष्ट झाले नसले तरी, तपास यंत्रणांनी सर्व दिशांनी चौकशी सुरू केली आहे.
जागतिक घडामोडी संबंधित बातम्या वाचण्यासाठी येथे क्लिक करा : चीन तैवानच्या जीवावरच उठला; तैवान आणि जपान दरम्यान 6 अणु पाणबुड्यांची तैनाती
Tallahassee Florida State University #FSU press conference states 2 deceased, 5 injured. They are all being treated. A single shooter. Phoenix Ikner, Mother is deputy, he acquired the firearm from her unknown to her. Shooter also was involved with police youth training pic.twitter.com/k7LJC5eFUw — Moni 💕 (@MoniFunGirl) April 17, 2025
credit : social media
घटनेची माहिती मिळताच विद्यापीठ प्रशासनाने तातडीने संपूर्ण कॅम्पस लॉकडाऊन केला. विद्यार्थ्यांना आणि कर्मचाऱ्यांना आपल्या स्थानावरच सुरक्षित राहण्याचे निर्देश देण्यात आले. विद्यापीठाच्या आपत्कालीन अलर्टमध्ये लिहिले होते की, “सर्व दरवाजे आणि खिडक्या बंद करा, आणि त्यांच्या जवळ जाऊ नका.” नंतरच्या अलर्टमध्ये असेही सांगण्यात आले की, “पुढील सूचना मिळेपर्यंत कोणतीही व्यक्ती बाहेर जाऊ नये.” विद्यापीठात सध्या ४२,००० हून अधिक विद्यार्थी शिक्षण घेत आहेत, त्यामुळे घटना अधिक गंभीर बनली होती.
विद्यापीठ प्रशासनाने सर्व वर्ग आणि कार्यक्रम रद्द करण्याची घोषणा केली आहे. कॅम्पसाबाहेर असलेल्या व्यक्तींना त्याठिकाणी न जाण्याचे आवाहन करण्यात आले असून, कोणत्याही आपत्कालीन परिस्थितीत ९११ किंवा FSU पोलिसांशी संपर्क साधण्यास सांगितले आहे.
फ्लोरिडाचे गव्हर्नर रॉन डीसँटिस यांनी या घटनेबाबत तीव्र दुःख व्यक्त करत ट्विटद्वारे म्हटले, “आमच्या प्रार्थना FSU कुटुंबासोबत आहेत. राज्य पोलिस या घटनेची सखोल चौकशी करत आहेत.” अमेरिकेचे अध्यक्ष डोनाल्ड ट्रम्प यांनीही या घटनेवर प्रतिक्रिया दिली. “ही एक अतिशय दुर्दैवी आणि दुःखद घटना आहे. दुर्दैवाने, अशा प्रकारच्या घटना पुन्हा पुन्हा घडत आहेत,” असे त्यांनी रॉयटर्सशी बोलताना सांगितले.
या घटनेनंतर पुन्हा एकदा अमेरिकेतील शैक्षणिक संस्थांमध्ये सुरक्षेच्या उपाययोजनांवर प्रश्नचिन्ह उपस्थित झाले आहे. शाळा-कॉलेजांमधील वाढत्या गोळीबाराच्या घटनांनी पालकांमध्ये आणि समाजात भीतीचे वातावरण निर्माण केले आहे.
जागतिक घडामोडी संबंधित बातम्या वाचण्यासाठी येथे क्लिक करा : चीनने पुढे केला भारताकडे मैत्रीचा हात; 85 हजार भारतीयांना व्हिसा जारी
फ्लोरिडा स्टेट युनिव्हर्सिटीत घडलेली ही घटना शिक्षणसंस्थांमधील सुरक्षेच्या मुद्द्यावर गंभीर चिंतेचा इशारा ठरली आहे. प्रशासन, पोलिस आणि राजकीय नेतृत्वाने तात्काळ प्रतिसाद दिला असला तरी, या घटनांचे मुळ शोधून कठोर उपाययोजना राबवण्याची गरज अधोरेखित झाली आहे. सध्या संपूर्ण कॅम्पसमध्ये कडक सुरक्षा व्यवस्था लागू करण्यात आली आहे, आणि तपास यंत्रणा गोळीबाराच्या मूळ कारणांचा शोध घेत आहेत.
