शनिवार, 14 नोव्हेंबर 2026
Friends Celebrate Diwali with 384 Orphans and Senior Citizens ( मित्रांनी ३८४ अनाथ आणि ज्येष्ठ नागरिकांसोबत दिवाळी साजरी केली ) फोटो सौजन्य AI
गेल्या ११ वर्षांपासून अविरत सुरू असलेल्या या ‘सेवायज्ञा’चा प्रवास अवघ्या ८० ड्रेसपासून सुरू होऊन यंदा ३८४ गरजूंपर्यंत पोहोचला असून, समाजातील दानशूरांच्या सहकार्यातून अडीच लाख रुपयांचा निधी संकलित करण्यात आला आहे.
दरवर्षी नित्यनियमाने हा उपक्रम राबवला जात असल्याने आश्रमातील ड्रेस मिळताच लहान मुलांच्या आणि वृद्धांच्या आनंदाला पारावार उरला नव्हता. या सामाजिक कार्यात सोहनलाल सुतार, मितेश डागा, अंजली जसपाल, पांडुरंग सुपेकर, केतकी टाकळकर, भूषण संखे, अजित चव्हाण, मंगेश सांडव, डॉ. रेवती देशमुख, डॉ. दीपा पिलखाने, डॉ. शमिका जोशी, आनंद मोदानी, राजेश शिंदे, डॉ. ममता कोटेचा, पद्मजा शिंदे, निलेश कवठेकर आणि बालाजी नरगुडे यांनी प्रत्यक्ष उपस्थित राहून मोलाची साथ दिली.
सामाजिक बांधिलकी म्हणून हा कार्यक्रम यशस्वी करण्यासाठी अरविंद श्रीनिवासन, अनिल घाटिया, प्रल्हाद अग्रवाल, सोनोटेक ग्रुप, बरजिस पारेख, मोहित लोळगे आणि महेश तांबे या मित्र मंडळाने विशेष आर्थिक मदत केली. तसेच रोमा गारमेंट्सचे प्रकाश माखिजा यांनी अत्यंत अल्प दरात कपडे उपलब्ध करून देऊन मोठे सहकार्य केले.
भगवान बाबा बालिकाश्रम, योगेश्वरी बालकाश्रम, गजानन बालकसदन, बाबा साई बालकाश्रम, सावली बालगृह आणि असीसी आशा निकेतन येथील मुलांना त्यांच्या आश्रमात जाऊन नवीन कपडे देण्यात आले. तसेच वयोवृद्धांचे दैवत वृद्धाश्रम (जटवाडा रोड) येथील आजी-आजोबांना महिनाभराचा किराणा आणि नवीन कपड्यांचे वाटप करण्यात आले. नवीन कपड्यांसोबतच सुगंधी उटणे, मेहंदी कोन, हेअर ऑइल आणि वॅसलीन यांसारख्या उपयुक्त वस्तूही देण्यात आल्या.
