Gaza Tragedy : शाळेच्या पहिल्याच दिवशी चिमुकलीचा मृत्यू; वफा आणि वडील इस्रायली हल्ल्यात ठार

Gaza Tragedy : पश्चिम गाझामध्ये झालेल्या इस्रायली हल्ल्यात आठ वर्षीय वफा अकिला आणि तिचे वडील युसूफ अकिला यांचा मृत्यू झाला. वफासाठी रविवार हा शाळेचा पहिला दिवस होता. मात्र, शाळेत जाण्यापूर्वीच तिचा हल्ल्यात मृत्यू झाला. इस्रायली लष्कराने या कारवाईत हमासच्या सदस्याला लक्ष्य केल्याचा दावा केला आहे.

• शाळेच्या पहिल्या दिवसाचे स्वप्न अपूर्ण
• इस्रायलचा दावा ,लक्ष हमासचा सदस्य
• गाझातील संघर्षात लहान मुलांचे वाढते बळी

Gaza Tragedy : गाझामधील युद्धाच्या भीषण वास्तवाची पुन्हा एकदा माणुसकीला काळीमा फासणारी गोष्ट पुढे आली आहे . ८ वर्षाची वफा अकीला हिच्यासाठी रविवारचा दिवस शाळेचा पहिला दिवस होता . नव्या शैक्षणिक वर्षाची सुरवात करण्यासाठी घराबाहेर पडलेल्या वफाचा हा प्रवास मात्र कायमचा ठरला .

पश्चिम गाझा शहरात त्यांच्या वाहनावर झालेल्या इस्रायली हल्ल्यात वफा आणि तिचे वडील युसूफ अकिला यांचा दुर्दैवी मृत्यू झाला आहे . या हल्ल्यात आणखी काही जण जखमी झाल्याची माहिती आहे .

शाळेच्या पहिल्या दिवसाचे स्वप्न अपूर्ण

८ वर्षाची वफा शाळेच्या पहिल्या दिवशी नवीन शिक्षणाची सुरवात करण्यासाठी निघाली होती . इतर मुलांप्रमाणे तिच्याही मनात शाळा , मित्र – मैत्रिणी आणि नव्या अनुभवांची उत्सुकता होती . मात्र , पश्चिम गाझामध्ये तिच्या वाहनावर झालेल्या हल्ल्याने तिचे स्वप्न क्षणातच संपले आहे .

स्थानिक आरोग्य अधिकाऱ्याच्या माहितीनुसार हल्ल्यात वफा आणि तिचे वडील युसूफ अकीला यांचा मृत्यू झाला आहे . या घटनेत आणखी सहा जण जखमी झाल्याचे सांगण्यात आले आहे . घटनेनंतर परिसरात मोठी खळबळ उडाली असून कुटुंबीय आणि नागरिकांमध्ये शोककळा पसरली आहे .

Gaza : ६२ निष्पाप मुलांसह १०० पॅलेस्टिनींचे मृतदेह दफन; गाझात शोककळा

इस्रायलचा दावा ,लक्ष हमासचा सदस्य

या हल्ल्याबाबत इस्रायली लष्कराने आपली भूमिका स्पष्ट केली आहे . लष्कराच्या म्हणण्यानुसार , कारवाईदरम्यान हमासच्या एका सदस्याला लक्ष करण्यात आले होते . हल्ल्याच्या परिणामाचा तपास सुरु असल्याचेही इस्रायली लष्कराने म्हंटले आहे .

मात्र या कारवाईत एका आठ वर्षाचा मुलीसह तिच्या वडिलांच्या मृत्यूने नागरिकांच्या सुरक्षेचा प्रश्न ऐरणीवर आला आहे . युद्धविराम लागू झाल्यानंतरही गाझामध्ये हल्ले सुरु असल्याने सामान्य नागरिकांचे जीवन अजूनही असुरक्षित असल्याचे चित्र आहे .

US Election : ट्रम्प प्रशासन पुन्हा सुप्रीम कोर्टात; टपाल मतदानावर निर्बंधांचा आग्रह

गाझातील संघर्षात लहान मुलांचे वाढते बळी

गाझामधील संघर्षात सर्वाधिक फटका नागरिकांना आणि विशेषतः लहान मुलांना बसत असल्याचे वारंवार समोर आले आहे . घर शाळा किंवा रस्त्यावर असतानाही नागरिकांना हल्ल्याची भीती कायम आहे . वफाच्या मृत्यूने या संघर्षातील मानवी किंमत पुन्हा अधोरेखित केली आहे . ज्या दिवशी एका चिमुकलीने शिक्षणाच्या नव्या प्रवासाला सुरवात करायची होती , त्याच दिवशी तिचा मृत्यू झाला .

तसेच त्या गाडीमध्ये असलेल्या तिच्या वडिलांचा देखील मृत्यू झाला आहे . गाझामधील एवढी निरागस निष्पाप लहान मूल मरण्याची ही पहिलीच वेळ नसून ,याआधी सुद्धा बऱ्याच मुलांची हत्या झालेली आहे . चुकीचा देशाभिमान , दुसऱ्या धर्माबद्दल द्वेष , जमीन आणि नैसर्गिक स्रोत बळकावण्याची असुरी इच्छा या मुळे संबंध नसताना निष्पाप लोकांचा , लहान मुलांचा आणि स्त्रियांचा मृत्यू होत असल्याने जगभरात यावर दुःख , हळहळ , आणि संतप्त प्रतिक्रिया उमटत आहेत . असे आपल्याला दिसून येते .