हमासच्या दहशतवाद्यांचा क्रूर चेहरा; भररस्त्यात केली तीन नागरिकांची निर्दयी हत्या, Video Viral (फोटो सौजन्य: सोशल मीडिया)
Hamas Killed 3 Palestinians : गाझा : एक खळबळजनक वृत्त समोर आले आहे. हमासच्या (Hamas) दहशतवाद्यांनी गाझातील ३ पॅलेस्टिनी नागरिकांची सार्वजनिक ठिकाणी निर्दयीपणे हत्या केली आहे. या घटनेचा एक व्हिडिओ देखील सोशल मीडियावर व्हायरल होत आहे. सध्या पॅलेस्टाईनला स्वतंत्र मान्यता देण्यावर आंतरराष्ट्रीय समुदायात चर्चा सुरु आहे.
ब्रिटन, फ्रान्स, ऑस्ट्रेलिया, भारत, कॅनडा आणि सौदी अरेबियासह १५२ देशांनी मान्यता दिली आहे. या सर्व घडामोडींदरम्यान हमासच्या दहशतवाद्यांचा क्रूर चेहरा पुन्हा एकदा जगासमोर आला आहे. मिळालेल्या माहितीनुसार, हमासने गाझातील ३ पॅलेस्टिनी नागरिकांना इस्रायलला सहकार्य केल्याच्या आरोपाखाली मारुन टाकले आहे. शिवाय या घटनेचे चित्रीकरण करुन याचा व्हिडिओ देखील सोशल मीडियावर शेअर केला आहे.
व्हायरल होत असलेल्या व्हिडिओत तुम्ही पाहू शकता की, तीन लोकांच्या डोळ्यांवर पट्टी बांधण्यात आली आहे. त्यांना गुडघ्यावर बसवण्यात आले असून त्यांच्यावर बंदूक ताणली आहे. यावेळी लोकांची प्रचड गर्दी देखील पाहायला मिळत आहे. लोक ही घटना व्हिडिओत कैद करत आहेत. न्यूयॉर्क पोस्टने दिलेल्या वृत्तानुसार, हमासच्या एका दहशतवाद्याने सांगितले की, इस्रायलीना सहकार्य केल्याने त्यांना मृत्यूदंडाची शिक्षा देण्यात आली आहे. हमासने गाझा शहरातील शिफा रुग्णालयाबाहेर नागरिकांची निर्घृण हत्या केली आहे.
#BREAKING #Hamas executes three Gazans accused of Israeli collaboration in #Gaza City, moments after UK, Canada, & Australia recognize #Palestine. Crowds cheer as the act, filmed live, starkly contrasts with Western peace efforts, what are your thoughts? #Israel pic.twitter.com/ygZEG1Pjfr — Thepagetoday (@thepagetody) September 21, 2025
हमासने म्हटले आहे की, विश्वासघात करणाऱ्यांना अशीच शिक्षा दिली जाईल. हमासच्य मते इस्रायल नियंत्रित एक गट गाझाच्या रफाहमध्ये तैनात आहे. हा गट हमासविरोधी माहिती इस्रायलला पुरवत होता. यामुळे त्यांना मृत्यूदंड देण्यात आला आहे. यापूर्वी देखील हमासने मानवतावदी मदत लुटल्याच्या आरोपाखाली सहा पॅलेस्टिनींची निर्दयी हत्या केली होती.
या देशांनी पॅलेस्टाईनाला दिली स्वतंत्र राष्ट्र म्हणून मान्यता
भारत, फ्रान्स, ऑस्ट्रेलिया, कॅनडा, ब्रिटन आणि सौदी अरेबियासह आतापर्यंत १५२ देशांनी पॅलेस्टाईनला स्वतंत्र राष्ट्र म्हणून मान्यता दिला आहे. पण इस्रायल, इटली अमेरिका आणि जपान यांसारख्या काही देशांनी याला नकार दिला आहे.
FAQs(संबंधित प्रश्न)
हमासने कोणाची हत्या केली?
हमासने गाझातील ३ पॅलेस्टिनी नागरिकांची सार्वजनिकपण निर्दयी हत्या केली आहे?
हमासने पॅलेस्टिनी नागरिकांची का केल्या हत्या?
न्यूयॉर्क पोस्टने दिलेल्या अहवालानुसार, हमासने इस्रायलला त्यांच्याविरोधी मदत केल्याच्या आरोपाखाली पॅलेस्टिनी नागरिकांची हत्या केली आहे.
