भारतीयांना मिळणार रोजगार तर रशियन नागरिकांना…; जाणून घ्या भारत अन् रशियात कोणते करार करण्यात आले?

India Russia 7 Agreements : भारत आणि रशियाचे संबंध अधिक बळकट होत चालले आहेत. नुकतेच पुतिन यांच्या दौऱ्यावेळी दोन्ही देशांमध्ये सात महत्त्वपूर्ण करार करण्यात आले, ज्यामुळे दोन्ही देशांच्या संबंधाना नवी दिशा मिळाली आहे.

• पुतिन यांचा भारत दौरा सफल
• भारत आणि रशियामध्ये सात महत्त्वपूर्ण करार
• रशियन नागरिकांसाठी पंतप्रधान मोदींची खास घोषणा

India Russia Relations : नवी दिल्ली/मॉस्को : भारत आणि रशियाच्या मैत्रीने सध्या संपूर्ण जगाचे लक्ष वेधले आहे. नुकतेच रशियाचे अध्यक्ष व्लादिमिर पुतिन (Vladimir Putin) यांनी भारताचा दौरा केला. यावेळी पुतिन यांचे भव्य स्वागत करण्यात आले. तसेच पुतिन आणि पंतप्रधान नरेंद्र मोदी (Narendra Modi) यांच्यातही खास बैठक झाली. या दोन्ही नेत्यांच्या बैठकीत भारत आणि रशिया संबंधाला अधिक बळकट करण्यासाठी अनेक महत्त्वपूर्ण करार करण्यात आले आहेत. याचा दोन्ही देशांच्या नागरिकांना अधिक फायदा होणार आहे. आज आपण दोन्ही देशांतील सात महत्त्वपूर्ण करारांबाबत सविस्तर जाणून घेऊयात.

पुतिन भारतातून परतताच शांततेसाठी हालचाल; अमेरिका-युक्रेनने रशियासमोर ठेवली नवी अट

शुक्रवारी (५ डिसेंबर) पंतप्रधान मोदी आणि पुतिन यांची दिल्लीतील हैदराबाद हाऊस येथे बैठक पार पडली. यावेळी दोन्ही नेत्यांनी द्विपक्षीय चर्चेनंतर महत्त्वाच्या करारांवर स्वाक्षरी केली. यावेळी दोन्ही देशांत कामगार, स्थलांतर, आरोग्य सेवा, वैद्यकीय शिक्षण, अन्न सुरक्षा, जहाजबांधणी, रसायने आणि खते यांसारख्या मुद्यांवर करार करण्यात आला. तसेच रशियन नागरिकांसाठी पंतप्रधान मोदींनी खास घोषणा देखील केली.

भारत आणि रशियातील सात महत्त्वपूर्ण करार खालीलप्रमाणे 

• सहकार्य आणि स्थलांतर करार
• तात्परते कामगार उपक्रम – सध्या रशियामधील बेरोजगारीचे प्रमाण मोठ्या प्रमाणात वाढत आहे. याच पार्श्वभूमीवर दोन्ही देशांत तात्पुरता कामगार करार करण्यात आला आहे. याअंतर्गत भारतीय कामगांराना रशियामध्ये नोकरीची संधी उपलब्ध होणार आहे.
• आरोग्यसेवा, वैद्यकीय सेवा – तसेच दोन्ही देशांत आरोग्य आणि वैद्यकीय क्षेत्रातील भागीदारी वाढविण्यावर देखील सामंजस्य करार करण्यात आला आहे.
• अन्न सुरक्षा आणि मानक – भारत आणि रशिया संयुक्तपणे अन्न सुरक्षा आणि शेतकरी कल्ल्याणासाठी कार्य करणार आहे.
• ध्रुवीय जहाजबांधणी करार – याचबरोबर भारत आणि रशियात जहाजाच्या बांधणीसाठी आणि त्याच्या प्रशिक्षणासाठी देखील महत्वपूर्ण करार करण्यात आला आहेत. यामुळे मेक इन इंडिया धोरणाला ताकद मिळेल, तसेच तरुणांसाठी रोजगार, कौशल्य आणि प्रादेशिक कनेक्टिव्हिटीला बळ मिळेल.
• याशिवाय दोन्ही देशांतील सागरी सहकार्य वाढविण्यासाठी देखील महत्त्वपूर्ण करार करण्यात आला आहे.
• खत सहकार्य करार – भारत रशियाकडून मोठ्या प्रमाणात युरिया खरेदी करतो. पण या नव्या करारानुसार, आता दोव्ही देश संयुक्तपणे युरियाचे उत्पादन करणार आहे.

रशियन नागरिकांसाठी पंतप्रधान मोदींची मोठी घोषणा

पंतप्रधान मोदींनी पुतिन यांच्यासोबत झालेल्या संयुक्त परिषदेच्या बैठकीदरम्यान रशियन नागरिकांसाठी एक मोठी घोषणा देखील केली आहे. रशियाच्या नागरिकांना आता ३ भारताचा मोफत ई-टुरिस्ट व्हासा देण्यात येणार आहे. हा व्हिसा ३० दिवसांसाठी मोफत स्वरुपात दिला जाणार आहे.

‘ट्रम्पने भारताची माफी मागावी’ ; पेंटागॉनच्या माजी अधिकाऱ्याचे खळबळजनक विधान