Indian Navy: आयएनएस सुदर्शनीचा लिस्बन दौरा संपला; पोर्तुगालहून पुढील थांब्याकडे कूच, जाणून घ्या ‘Lokayan 26’ मोहिमेचे महत्त्व

Indian Navy : भारतीय नौदलाचे प्रशिक्षण जहाज आयएनएस सुदर्शनी लिस्बनच्या तीन दिवसांच्या दौऱ्यानंतर २५ ऑगस्ट रोजी पोर्तुगालहून रवाना झाले. हा दौरा लोकायान-२६ या महासागरीय मोहिमेचा एक भाग आहे.

• लिस्बन दौऱ्याची यशस्वी सांगता
• ‘लोकायन-२६’ महासागरीय मोहीम
• सागरी मुत्सद्देगिरी आणि सहकार्य

भारतीय नौदलाचे (Indian Navy) प्रसिद्ध नौकायन प्रशिक्षण जहाज ‘आयएनएस सुदर्शनी’ (INS Sudarshini) आपला लिस्बनचा ३ दिवसांचा महत्त्वपूर्ण मुक्काम यशस्वीपणे पूर्ण करून २५ ऑगस्ट रोजी पोर्तुगालहून पुढील गंतव्यस्थानाकडे रवाना झाले आहे. भारतीय नौदलाची महत्त्वाकांक्षी आंतरराष्ट्रीय सागरी मोहीम ‘लोकायन-२६’ (Lokayan 26) अंतर्गता हा दौरा आयोजित करण्यात आला होता. पोर्तुगालमधील पोंटा डेलगाडा आणि त्यानंतर राजधानी लिस्बन या दोन्ही ऐतिहासिक बंदरांना भेट देऊन आयएनएस सुदर्शनीने सागरी मुत्सद्देगिरीचा (Maritime Diplomacy) आणि जागतिक सौहार्दाचा संदेश पुन्हा एकदा जगासमोर मांडला आहे.

लिस्बनमधील या तीन दिवसांच्या वास्तव्यादरम्यान आयएनएस सुदर्शनीच्या कमांडिंग ऑफिसर यांनी पोर्तुगीज नौदलाच्या उच्चपदस्थ अधिकाऱ्यांची भेट घेतली. यामध्ये पोर्तुगीज नौदल अकादमीचे कमांडंट रिअर ॲडमिरल मिगेल बेसा पाचेको आणि डेप्युटी फ्लीट कमांडर रिअर ॲडमिरल जोआओ पाउलो सिल्वा परेरा यांच्याशी द्विपक्षीय चर्चा झाली. या उच्चस्तरीय बैठकांमध्ये भारत आणि पोर्तुगाल या दोन ऐतिहासिक सागरी राष्ट्रांमधील सहकार्य वाढवणे, दोन्ही देशांच्या नौदलांमधील सागरी प्रशिक्षण अधिक बळकट करणे आणि व्यावसायिक संबंध अधिक दृढ करणे यावर सविस्तर मंथन झाले.

जागतिक घडामोडी संबंधित बातम्या वाचण्यासाठी येथे क्लिक करा : Nepal Flood: नेपाळमध्ये निसर्गाचा कोप! भोटेकोशी नदीला महापूर; 1000 लोक गेले वाहून; 30 पोलीस बेपत्ता; भयानक VIDEO VIRAL

सागरी प्रशिक्षणार्थींचा संवाद आणि ‘डेक रिसेप्शन’चा थाट

या दौऱ्याचे सर्वात महत्त्वाचे वैशिष्ट्य म्हणजे दोन्ही देशांच्या युवा कॅडेट्स आणि प्रशिक्षणार्थींमधील व्यावसायिक देवाणघेवाण. भारतीय नौदलाच्या सागरी प्रशिक्षणार्थींनी पोर्तुगीज नौदल अकादमीला प्रत्यक्ष भेट दिली. या ठिकाणी त्यांनी पोर्तुगीज नौदल कॅडेट्ससोबत संवाद साधून पारंपरिक नौकानयन (Sailing), महासागरीय प्रवास आणि मोठ्या तीन-मस्तूल जहाजांवरील (Three-masted Barque) कठीण प्रशिक्षणाचे आपले अनुभव सामायिक केले. या परस्पर देवाणघेवाणीमुळे दोन्ही देशांच्या भावी नौदल अधिकाऱ्यांमधील सामंजस्य आणि मैत्री अधिक दृढ होण्यास मदत झाली आहे.

The Indian Navy’s sail training ship #INSSudarshini concluded her three-day port call at Lisbon, Portugal, as part of her ongoing #Lokayan26 transoceanic expedition. Defence Ministry said that the engagements reinforced the institutional ties and mutual understanding between… pic.twitter.com/QDmX9h9CIY — All India Radio News (@airnewsalerts) August 26, 2026

credit – social media and Twitter

दौऱ्याच्या पार्श्वभूमीवर आयएनएस सुदर्शनीच्या मुख्य डेकवर एका भव्य ‘डेक रिसेप्शन’चे आयोजन करण्यात आले होते. या सोहळ्याला पोर्तुगीज लष्करातील वरिष्ठ अधिकारी, विविध देशांचे मुत्सद्दी, स्थानिक प्रशासकीय अधिकारी आणि पोर्तुगालमध्ये राहणाऱ्या भारतीय समुदायाचे (Indian Diaspora) नागरिक मोठ्या संख्येने उपस्थित होते. भारतीय संस्कृती, नौदलाचा गौरवशाली इतिहास आणि ‘वसुधैव कुटुंबकम्’ या तत्त्वाचे दर्शन या कार्यक्रमाच्या माध्यमातून घडवण्यात आले.

जागतिक घडामोडी संबंधित बातम्या वाचण्यासाठी येथे क्लिक करा : RSS: मोहन भागवतांच्या ‘विश्व एकता’च्या महोत्सवावरून अमेरिकेत राजकीय रणकंदन; न्यूयॉर्कचे महापौर ममदानींचं ‘या’ विरोधात मोठं वक्तव्य

‘लोकायन-२६’ मोहीम आणि सागरी मुत्सद्देगिरीतील योगदान

भारतीय नौदलाचे ‘आयएनएस सुदर्शनी’ हे जहाज केवळ एक प्रशिक्षण माध्यम नसून ते भारताचे ‘सांस्कृतिक आणि मुत्सद्दी दूत’ म्हणून कार्य करते. ‘लोकायन-२६’ मोहिमेअंतर्गत हे जहाज हजारो सागरी मैलांचा प्रवास करत विविध देशांच्या बंदरांना भेटी देत आहे. गेल्या सात महिन्यांच्या कालावधीतील लिस्बन हा या जहाजाचा १५ वा बंदर दौरा ठरला आहे. तागस (Tagus) नदीच्या पात्रातून लिस्बन बंदरात प्रवेश करताना जहाजाने सादर केलेले पारंपरिक नौकानयनाचे प्रात्यक्षिक उपस्थितांचे लक्ष वेधून घेणारे ठरले.

पोर्तुगालसारख्या ऐतिहासिक सागरी परंपरा असलेल्या देशात आयएनएस सुदर्शनीची उपस्थिती ही भारत-पोर्तुगाल यांच्यातील शतका जुन्या सागरी संबंधांना उजाळा देणारी ठरली आहे. या यशस्वी दौऱ्यानंतर जहाज आपल्या पुढील नियोजित आंतरराष्ट्रीय बंदराकडे रवाना झाले असून, सागरी सुरक्षा, जागतिक शांतता आणि आंतरराष्ट्रीय नौदल सहकार्याचा भारतीय संदेश घेऊन आपला प्रवास पुढे चालू ठेवत आहे.