US-Iran War : अमेरिका-इस्रायलच्या डोळ्यांत फेकली धूळ! इराणने हिंद महासागरातून नौसैनिकांना ‘असं’ उडवून नेलं, भारताची गुप्त मदत? 

US Iran War : मध्यपूर्वेतील अमेरिका-इराण तणाव आता धोकादायक वळणावर पोहोचला आहे. या तणावामुळे जागतिक स्तरावर गंभीर चिंतेचे वातावरण निर्माण झाले आहे.

• अमेरिकेची दादागिरी मोडीत
• हिंद महासागरातील नौसैनिकांना नेलं सुरक्षितपणे मायदेशात
• ‘असा’ खेळला मास्टरस्ट्रोक

Iran Evacuates Naval Personnel from India and Sri Lanka : तेहरान : जागतिक राजकारणात सध्या मध्यपूर्वेतील तणावामुळे गंभीर चिंतेचे वातावरण आहे. अमेरिका-इस्रायल विरुद्ध इराण युद्धाने जागतिक बाजारपेठेत तेल आणि गॅसची टंचाई निर्माण होत आहे. यामुळे जगभरातील लोकांना गोंधळ उडाला आहे. हा तणाव हिंद महासागरातही पोहचला आहे. काही दिवसांपूर्वी अमेरिकेने इराणच्या IRIS Dena या युद्धनौकेवर श्रीलंकन समुद्रात हल्ला केला होता. या हल्ल्या ८४ जणांचा मृत्यू झाला होता. तर १८० लोक समुद्रात अडकले होते. आता मात्र इराणने आपल्या नौसैनिकांना सुरक्षितपणे मायदेशी नेले आहे.

Iran Israel युद्धाच्या भडक्यात भारताला मोठा दिलासा! होर्मुझमधून दोन जहाजे सुखरुप बाहेर; गॅसची टंचाई संपणार?

नेमकं काय घडलं होतं?

इराणची युद्धनौका IRIS Dena वर ०४ मार्च २०२६ रोजी श्रीलंकेच्या गाले किनारपट्टीजवळ अमेरिकेने अण्वस्त्राने सज्ज पाणबुडीच्या टॉर्पिडोने हल्ला केलाहोता. या हल्ल्यात इराणचे ८६ सैनिक मारले गेले होते. यानंतर इराणच्या दुसऱ्या दोन जहाजांना IRIS Lavan आणि IRIS Bushehr ने तांत्रिक बिघाडामुळे कोची बंदरात आश्रय घेतला होता. या जहाजांवर एकूण २६७ नाविक होते.

इराणचे रेस्क्यू ऑपरेशन

• आज इराणने आपल्या नौसैनिकांना सुरक्षितपणे अमेरिकेच्या आणि इस्रायलच्या डोळ्यांत धूळ फूकत एका वेगळ्याच हवाई मार्गाने मायदेशी परत नेते आहे.
• मिळालेल्या माहितीनुसार, इराणने प्रथम मृत नौसैनिकांना चार्टर्ड विमानाने नेले आणि त्यानंतर १८० नौसैनिकांना सुरक्षित नेले.
• यासाठी पाकिस्तान, अफगाणिस्तान आणि कॅस्पियन समुद्री हवाई मार्गाचा वापर करण्यात आला. कॅस्पियन समुद्र ओलांकडून नौसैनिकांना आर्मेनियाच्या राजधानी येरेवान येथे पोहोचवण्यात आले.
• यानंतर आर्मेनियातून जमिनीमार्गे इराणच्या सीमेत सुरक्षितपणे नेण्यात आले.

अमेरिकेचा दबाव

हल्ल्यानंतर अमेरिकेने श्रीलंकेला इराणला मृतदेह सोपवू नयेत असा इशारा दिला होता. परंतु श्रीलंकेने अमेरिकेचा दबाव झुगारून माणुसकीच्या नात्याने नौसैनिकांचे मृतदेह इराणच्या ताब्यात दिले. दुसरीकडे भारताने देखील तांत्रिक बिघाड झालेल्या जहाजांना कोचीत आश्रय दिला. यामुळे हा इराणचा मोठा विजय मानला जात आहे. अमेरिकेच्या नाकाखालून इराणने आपल्या सैनिकांना सुरक्षित बाहेर नेले आहे.

अमेरिकेला इशारा

दरम्यान IRIS Dena वरील हल्ल्याचा इराणने तीव्र निषेध केला असून याचा बदला घेतला जाईल असेही म्हटले आहे. सध्या इराणने होर्मुझची खाडी बंद केली आहे. या खाडीत अमेरिका-इस्रायलची अनेक तेल-गॅस वाहून नेणारी जहाजे अडकली आहे. हा तणाव दिवसेंदिवस वाढतच चालला आहे.

US Iran War : पेट्रोल-डिझेलचे भाव भडकणार? अमेरिकी हल्ल्यानंतर इराण संतापला; तेल-गॅसचे साठे पेटवण्याचा इशारा