Iran‑Israel ceasefire : इराण आणि इस्रायल यांच्यात युद्धबंदी झाल्यानंतर आता जगभरात अणुकार्यक्रमाच्या भविष्यावरून नव्या चर्चा सुरू झाल्या आहेत. इस्रायलने दावा केला आहे की त्यांनी इराणच्या अणुक्षमतांना मोठा धक्का दिला असून, त्यांचा कार्यक्रम काही वर्षांनी मागे गेला आहे. मात्र, यासोबतच फ्रान्ससह युरोपातील काही देशांनी या कारवाईवर आक्षेप घेतला आहे.
फ्रान्सचे अध्यक्ष इमॅन्युएल मॅक्रॉन यांनी इस्रायली कारवाईला “बेकायदेशीर” संबोधले असून, त्यांनी म्हटले की “इराणची अणुक्षमता धोकादायक असली, तरी त्यावरील हल्ला आंतरराष्ट्रीय कायद्याच्या चौकटीबाहेर होता.” मॅक्रॉन यांच्या या विधानामुळे फ्रान्सने स्पष्ट संकेत दिले आहेत की, जागतिक स्थैर्य राखण्यासाठी कायदेशीर प्रक्रिया आणि मुत्सद्दीपणा आवश्यक आहे. दरम्यान, संयुक्त राष्ट्रांतील फ्रान्सचे राजदूत जेरोम बोनाफॉन्ट यांनीही गंभीर इशारा दिला आहे. त्यांनी म्हटले, “जर इराणने लवकरच आंतरराष्ट्रीय अणुकरारात परतण्याचा मार्ग निवडला नाही, तर फ्रान्ससह युरोपमधील अनेक देश त्यांच्यावर पुन्हा निर्बंध लादण्याचा विचार करत आहेत.”
अमेरिकेची सावध भूमिका, ट्रम्प म्हणाले – सत्ताबदल नको!
या सगळ्या घडामोडींच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी आपली भूमिका स्पष्ट करत म्हटले आहे की, “मला सत्ताबदल नको आहे. मला शक्य तितक्या लवकर शांतता हवी आहे. सत्ताबदलासाठी अराजकता अनिवार्य आहे, आणि अराजकता आम्हाला नको आहे.” ट्रम्प हे सध्या नाटो सहयोगी देशांच्या बैठकीसाठी नेदरलँड्समध्ये आहेत. याच वेळी त्यांनी युद्धबंदीबद्दल समाधान व्यक्त करायचे होते, परंतु इराणच्या अणुस्थळांबाबतच्या नव्या गुप्तचर अहवालामुळे त्यांच्या वक्तव्यांना विलंब झाला. या अहवालानुसार, इराणची सर्व अणुस्थळे पूर्णपणे नष्ट झालेली नाहीत, आणि त्यांचा कार्यक्रम अद्यापही सुरु आहे.
जागतिक घडामोडी संबंधित बातम्या वाचण्यासाठी येथे क्लिक करा : Axiom-4 mission Launch : आज राष्ट्रपुत्र शुभांशू शुक्ला इतिहास रचणार; 12 वाजता निघणार अंतराळ मोहीम
इराणची तीव्र प्रतिक्रिया, हेरगिरी व अण्विक कार्यक्रमावर ठाम भूमिका
इराणने यामध्ये इस्रायलवर गंभीर आरोप केले आहेत. इराणच्या अधिकाऱ्यांनी दावा केला आहे की त्यांनी सुमारे १०,००० इस्रायली ड्रोन जप्त केले असून ते देशात हेरगिरी करत होते. यासोबतच, इराणने मोसादसाठी काम करत असल्याच्या आरोपाखाली तीन नागरिकांना मृत्युदंडाची शिक्षा सुनावली आहे. इराणचे परराष्ट्रमंत्री यांनी अण्वस्त्रांबाबत मोठे विधान करत म्हटले आहे की, “आमचा अणुकार्यक्रम भविष्यातही सुरू राहील. आम्ही कोणीही दबाव आणल्यामुळे तो थांबवणार नाही.”
#LIVE: #France‘s @UN envoy @JeromeBonnafont –
.Welcomes #ceasefire between #Iran/#Israel, says must allow for talk resumption..Nuclear program can only be solved through diplomatic means. EU continued to honor #JCPOA even after US withdrawal.
.Iran only non-nuclear state to… pic.twitter.com/cxhYs7DsBP
— Arab News (@arabnews) June 24, 2025
credit : social media
इस्रायलचा दावा – १४ इराणी शास्त्रज्ञांची हत्या केली
असोसिएटेड प्रेसच्या वृत्तानुसार, इस्रायलने अण्वस्त्र प्रकल्पात महत्त्वाची भूमिका बजावणाऱ्या किमान १४ इराणी शास्त्रज्ञांची हत्या केल्याचा दावा केला आहे. यामध्ये अभियंत्यांचाही समावेश आहे. हा आरोप इराणकडून सातत्याने केला जात आहे, तर इस्रायलने यावर अधिकृत भाष्य करण्यास नकार दिला आहे.
जागतिक घडामोडी संबंधित बातम्या वाचण्यासाठी येथे क्लिक करा : 400 kg enriched uranium missing : ‘इराणचे 400 किलो युरेनियम…’ अखेर उपराष्ट्रपती व्हान्स यांनी कबूल केलं सत्य
अणुघटकांमधून निर्माण होणारा जागतिक असंतुलनाचा धोका
इराण-इस्रायल संघर्ष संपल्याचे भासले तरी त्याचे परिणाम अद्यापही जगभरात उमटत आहेत. फ्रान्ससह युरोपियन देशांनी पुन्हा एकदा अणुकराराच्या अनुषंगाने निर्बंधांचा इशारा दिला आहे. अमेरिका शांततेसाठी प्रयत्न करत असली तरी इराणची उग्र भूमिका आणि इस्रायलचा आक्रमक पवित्रा पाहता, पश्चिम आशियात स्थैर्य आणणे हे अजूनही एक मोठे आव्हानच ठरणार आहे.
