Axiom-4 mission Launch : आज राष्ट्रपुत्र शुभांशू शुक्ला इतिहास रचणार; 12 वाजता निघणार अंतराळ मोहीम

Axiom-4 mission Launch Live Updates : ही मोहीम भारतासाठी विशेष आहे, कारण शुभांशू शुक्ला हे आंतरराष्ट्रीय अंतराळ स्थानकावर (ISS) जाणारे पहिले भारतीय बनणार आहेत.

Axiom-4 mission Launch : आज राष्ट्रपुत्र शुभांशू शुक्ला इतिहास रचणार, १२ वाजता निघणार अंतराळ मोहीम ( फोटो सौजन्य : सोशल मीडिया)

Follow Us:

Follow Us:

Axiom-4 mission Launch Live Updates : आजचा दिवस भारताच्या अंतराळ इतिहासातील सुवर्णक्षण ठरणार आहे. भारतीय वायुसेनेचे ग्रुप कॅप्टन शुभांशू शुक्ला हे अमेरिकेच्या स्पेसएक्स आणि अ‍ॅक्सिओम स्पेस यांच्या Axiom-4 (Ax-4) मोहिमेअंतर्गत अंतराळात झेपावणार आहेत. ही मोहीम भारतासाठी विशेष आहे, कारण शुभांशू शुक्ला हे आंतरराष्ट्रीय अंतराळ स्थानकावर (ISS) जाणारे पहिले भारतीय बनणार आहेत.

आज दुपारी १२ वाजता, अमेरिकेतील केनेडी स्पेस सेंटरमधील लाँच कॉम्प्लेक्स 39A येथून Axiom-4 अंतराळयानाचे प्रक्षेपण होणार आहे. स्पेसएक्सच्या फाल्कन-९ रॉकेट द्वारे हे यान आकाशात झेप घेणार आहे. या ऐतिहासिक क्षणासाठी देशभरातून शुभेच्छांचा वर्षाव होत आहे. लखनौपासून बेंगळुरूपर्यंत, शालेय विद्यार्थी, संशोधक, आणि सामान्य नागरिक साऱ्यांचे लक्ष या ऐतिहासिक मोहिमेकडे लागले आहे.

हवामान पूर्णपणे अनुकूल

स्पेसएक्सने आपल्या अधिकृत X (पूर्वीचे ट्विटर) हँडलवरून दिलेल्या माहितीनुसार, प्रक्षेपणासाठी हवामान ९० टक्के अनुकूल आहे. “सर्व काही नियोजनानुसार सुरू आहे आणि हवामान देखील सहकार्य करत आहे,” असे स्पेसएक्सने म्हटले आहे. त्यामुळे अडथळा न येता अ‍ॅक्स-४ मोहिमेचे उड्डाण अपेक्षित वेळेस होण्याची शक्यता आहे.

जागतिक घडामोडी संबंधित बातम्या वाचण्यासाठी येथे क्लिक करा : World Vitiligo Day : समाजातील कलंकाविरोधात आणि सौंदर्याच्या नव्या परिभाषेसाठी एक पाऊल

१४ दिवसांचा अवकाश प्रवास

या मोहिमेमध्ये ग्रुप कॅप्टन शुभांशू शुक्ला यांच्यासह इतर तीन आंतरराष्ट्रीय अंतराळवीर सहभागी आहेत. हे सर्व अंतराळवीर आंतरराष्ट्रीय अंतराळ स्थानकात सुमारे १४ दिवस राहून विविध वैज्ञानिक, जैववैज्ञानिक, आणि अभियांत्रिकी प्रयोगांत सहभागी होणार आहेत. या प्रयोगांचे निष्कर्ष भविष्यातील दीर्घकालीन अंतराळ मोहिमांसाठी उपयुक्त ठरणार आहेत.

शुभांशू शुक्ला – राकेश शर्मांनंतर दुसरे अंतराळवीर

या मोहिमेद्वारे शुभांशू शुक्ला हे राकेश शर्मा यांच्यानंतर अंतराळात झेपावणारे दुसरे भारतीय ठरणार आहेत. मात्र, ISS वर जाणारे पहिले भारतीय होण्याचा मान त्यांना मिळणार आहे. त्यांच्या उड्डाणामुळे भारताच्या अंतराळ प्रवासाच्या इतिहासात एक नवीन अध्याय सुरू होत आहे.

देशभरातून शुभेच्छांचा वर्षाव

देशभरातून नागरिक, वैज्ञानिक, संरक्षण तज्ज्ञ, आणि राजकीय नेते शुभांशू शुक्ला यांना शुभेच्छा देत आहेत. सोशल मीडियावर #Ax4Mission आणि #ShubhanshuInSpace हे हॅशटॅग ट्रेंड होत असून, लाखो भारतीयांनी त्यांच्यावरील गर्व व्यक्त केला आहे.

जागतिक घडामोडी संबंधित बातम्या वाचण्यासाठी येथे क्लिक करा : World Vitiligo Day : समाजातील कलंकाविरोधात आणि सौंदर्याच्या नव्या परिभाषेसाठी एक पाऊल

राष्ट्रीय अस्मितेचे प्रतीक

भारताच्या अंतराळविज्ञान क्षेत्रात आज एक ऐतिहासिक पाऊल पडत आहे. शुभांशू शुक्ला यांचे हे उड्डाण फक्त वैज्ञानिक प्रगतीचे नव्हे, तर राष्ट्रीय अस्मितेचे प्रतीक ठरणार आहे. त्यांच्यासोबत देशाचे स्वप्न आणि वैज्ञानिक भविष्यातील आकांक्षा आकाशात झेपावणार आहेत. आज १२ वाजता जेव्हा अंतराळयान उड्डाण करेल, तेव्हा संपूर्ण भारताचा श्वास क्षणभर थांबलेला असेल कारण, आकाशात भारताचे भविष्य झेपावणार आहे!

Web Title: Nations son shubanshu shukla to launch historic space mission at 12

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com