War Updates : इराणचा थेट सौदीवर क्षेपणास्त्र हल्ला! ५ अमेरिकन विमाने उद्ध्वस्त? तेहरान ते तेल अवीव स्फोटांनी हादरले! ( फोटो सौजन्य : सोशल मीडिया )
Iran Attack Saudi Arabia Prince Sultan Base : मध्यपूर्वेतील रणसंग्राम (US-Israel Iran War) आता एका अशा वळणावर आला आहे जिथे पूर्ण युद्धाची ठिणगी पडली आहे. ‘वॉल स्ट्रीट जर्नल’ने दिलेल्या खळबळजनक वृत्तानुसार, इराणने सौदी अरेबियातील अत्यंत महत्त्वाच्या ‘प्रिन्स सुलतान’ (Prince Sultan Air Base) हवाई तळावर क्षेपणास्त्रांचा पाऊस पाडला आहे. या हल्ल्यात अमेरिकन हवाई दलाच्या ५ इंधन भरणारी विमाने (Refueling Aircraft) गंभीर जखमी झाली आहेत. जरी या हल्ल्यात कोणतीही जीवितहानी झाली नसल्याचे सांगितले जात असले, तरी अमेरिकेच्या लष्करी ताकदीवर झालेला हा मोठा प्रहार मानला जात आहे.
एकीकडे इराणने सौदीवर हल्ला केला असतानाच, दुसरीकडे इराणची राजधानी तेहरान इस्रायली हल्ल्याने हादरली आहे. तेहरानच्या मध्यवर्ती ‘फिरदौसी चौकात’ कुद्स दिनाच्या निमित्ताने हजारो लोक “अमेरिका मुर्दाबाद” आणि “इस्रायल मुर्दाबाद” अशा घोषणा देत होते. त्याचवेळी तिथे एक मोठा स्फोट झाला. इस्रायलने मध्य तेहरानला लक्ष्य करण्याचा इशारा आधीच दिला होता. या स्फोटामुळे इराणी जनतेमध्ये दहशतीचे वातावरण पसरले असून, रणांगण आता तेहरानच्या गल्लीबोळापर्यंत पोहोचले आहे.
जागतिक घडामोडी संबंधित बातम्या वाचण्यासाठी येथे क्लिक करा : Bounty: माहिती देऊन कोट्यधीश व्हा! इराणचा ‘शहजादा’ रडारवर; मोज्तबा खामेनी, 10 ‘मोस्ट वाँटेड’ नेत्यांवर अमेरिकेने लावलं मोठं बक्षीस
या सर्व तणावाच्या दरम्यान, अमेरिकेचे अध्यक्ष डोनाल्ड ट्रम्प यांनी जी-७ (G7) नेत्यांसमोर एक मोठा दावा केला आहे. ट्रम्प यांच्या मते, इराण आता पूर्णपणे कमकुवत झाला असून तो कोणत्याही क्षणी शरणागती पत्करू शकतो. “मी त्या कर्करोगाचा नाश केला आहे जो आपल्या सर्वांसाठी धोका होता,” असे ट्रम्प यांनी इराणचा उल्लेख करताना म्हटले. तथापि, जर्मनी, ब्रिटन आणि फ्रान्सच्या नेत्यांनी ट्रम्प यांना हे युद्ध लवकरात लवकर संपवण्याचे आवाहन केले आहे, जेणेकरून रशियाला या परिस्थितीचा कोणताही राजकीय फायदा घेता येणार नाही.
#BREAKING: 5 US Air Force refueling planes struck, damaged at Saudi Arabia’s Prince Sultan Air Base: WSJ pic.twitter.com/4Q3RXlLWtB — Anadolu English (@anadoluagency) March 13, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : Hormuz Island: जगातील सर्वात अनोखी चव! होर्मुझचे लोक खातात चक्क लाल मातीचा सॉस; जाणून घ्या यामागील सत्य
इस्रायलची व्यापारी राजधानी असलेल्या तेल अवीवमध्येही शुक्रवारी एकामागून एक अनेक स्फोट ऐकू आले. इस्रायली सैन्याने इराणकडून मोठ्या क्षेपणास्त्र हल्ल्याची शक्यता वर्तवल्यानंतर हे स्फोट झाले. इस्रायल आणि इराण या दोन्ही देशांच्या आकाशात आता फक्त लढाऊ विमाने आणि क्षेपणास्त्रांचा थरार दिसत आहे. २५०० अमेरिकन मरीन सैनिक ‘यूएसएस त्रिपोली’सह मध्यपूर्वेकडे कूच करत असताना, आता हा संघर्ष कोणत्या थराला जातो याकडे संपूर्ण जगाचे डोळे लागले आहेत.
Ans: अमेरिका आणि इस्रायलसोबत सुरू असलेल्या संघर्षाचा भाग म्हणून इराणने सौदीतील अमेरिकन हवाई तळाला (प्रिन्स सुलतान एअरबेस) लक्ष्य केले आहे.
Ans: ट्रम्प यांनी म्हटले आहे की, इराण शरणागती पत्करण्याच्या बेतात आहे आणि त्यांच्या 'ऑपरेशन एपिक फ्युरी'ला मोठे यश मिळाले आहे.
Ans: तेहरानच्या मध्यवर्ती भागातील 'फिरदौसी चौक' परिसरात हा स्फोट झाला, जेव्हा तिथे पॅलेस्टाईन समर्थक रॅली सुरू होती.
