India Iran Trade: चीनचा पत्ता कट! इराणचे तेल 7 वर्षांनंतर येणार भारतात; असे काय घडले की ‘Jaya Tanker’ने दोन वेळा बदलली दिशा?

US Iran Ceasefire: इराणचे तेल घेऊन जाणारा एक टँकर जो मूळतः चीनकडे जाणार होता, तो आता भारताकडे निघाला आहे, यावरून जागतिक तेल पुरवठा साखळीत पुन्हा स्थिरता येत असल्याचे संकेत मिळत आहेत.

• ७ वर्षांचा वनवास संपला
• चीनला मोठा झटका
• पेट्रोल-डिझेल स्वस्त होणार?

Iran oil ship Jaya coming to India : जागतिक राजकारणाच्या पटावर भारताने एक मोठी मुत्सद्दी खेळी जिंकली आहे. अमेरिका आणि इराण यांच्यात दोन आठवड्यांच्या ऐतिहासिक युद्धविरामाची घोषणा होताच, त्याचे सर्वात मोठे फळ भारताच्या पदरात पडले आहे. गेल्या सात वर्षांपासून इराणवरील अमेरिकन निर्बंधांमुळे भारताला ज्या स्वस्त तेलापासून मुकावे लागले होते, ती प्रतीक्षा आता संपली आहे. बुधवारी, ८ एप्रिल २०२६ रोजी जागतिक तेल बाजारात मोठी खळबळ उडाली, जेव्हा चीनकडे (China) जाणारा इराणचा एक महाकाय टँकर अचानक भारताच्या दिशेने वळवण्यात आला.

चीनचा रस्ता सोडला अन् भारताचा मार्ग धरला!

लंडन स्टॉक एक्सचेंज ग्रुप (LSEG) आणि केप्लर शिपिंग डेटाच्या ताज्या अहवालानुसार, ‘जया’ (Jaya) नावाचे कुराकाओ-ध्वजांकित तेल जहाज आग्नेय आशियाई समुद्रातून चीनकडे जात होते. मात्र, राजनैतिक हालचाली आणि इराणवरील निर्बंध शिथिल झाल्यामुळे, हे जहाज आता भारताच्या पूर्व किनाऱ्याकडे (East Coast) वळवण्यात आले आहे. सरकारी मालकीच्या इंडियन ऑइल कॉर्पोरेशनने (IOC) या जहाजावरील कच्च्या तेलाची खरेदी पूर्ण केली असून, या आठवड्याच्या अखेरपर्यंत हे ‘काळे सोने’ भारतात पोहोचणार आहे. चीनसाठी हा मोठा धक्का मानला जात असून भारतासाठी हा एक धोरणात्मक विजय आहे.

जागतिक घडामोडी संबंधित बातम्या वाचण्यासाठी येथे क्लिक करा : War Update: सीझफायर केवळ नाटक? करारनंतर अवघ्या काही तासांतच इराणच्या Lavan Islandवर भीषण हल्ला अन् तेलाचा भडका; पाहा VIDEO

तेल बाजारात १८ टक्क्यांची मोठी घसरण

युद्धविरामाच्या बातमीने जागतिक तेल बाजारात आनंदाचे वातावरण आहे. पश्चिम आशियातील तणाव कमी झाल्यामुळे कच्च्या तेलाचे दर प्रति बॅरल १८ टक्क्यांनी कोसळले आहेत. यामुळे भारतीय रुपयामध्ये तेलाची किंमत साधारणपणे ₹८,७७५ वर आली आहे. अमेरिकेचे अध्यक्ष डोनाल्ड ट्रम्प यांनी इराणविरुद्धची लष्करी कारवाई तूर्तास स्थगित करण्याचा निर्णय घेतला आहे, ज्यामुळे गुंतवणूकदारांमधील भीती कमी झाली आहे. या शस्त्रसंधीमुळे होर्मुझची सामुद्रधुनी पुन्हा एकदा व्यापारासाठी खुली झाली असून, इराणचे परराष्ट्र मंत्री अब्बास अराघची यांनी वाहतुकीला पूर्ण परवानगी दिली आहे.

See more

BREAKING: India is set to receive a shipment of Iranian oil this week, its first purchase from Iran in seven years, Reuters reports. pic.twitter.com/LRBrBPLBu3 — Al Jazeera Breaking News (@AJENews) April 8, 2026

credit – social media and Twitter

भारतासाठी ‘इराणी तेल’ का महत्त्वाचे?

२०१९ मध्ये ट्रम्प प्रशासनाने इराणवर कडक निर्बंध लादल्यानंतर भारताने इराणकडून तेल खरेदी बंद केली होती. इराणकडून मिळणारे कच्चे तेल भारताच्या रिफायनरींसाठी तांत्रिकदृष्ट्या अधिक सोयीचे आणि स्वस्त पडते. इराण भारताला विशेष सवलती आणि पेमेंटमध्ये सूट देत असल्याने, यामुळे भारताचे परकीय चलन वाचते. होर्मुझची सामुद्रधुनी बंद असतानाही भारताने दाखवलेली राजनैतिक चिकाटी आता फळाला आली आहे. भारताच्या पेट्रोलियम मंत्रालयाने या घडामोडींचे स्वागत केले असून, यामुळे देशाची इंधन सुरक्षा अधिक मजबूत होईल, असा विश्वास व्यक्त केला आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran Victory : इराणसोबतचा Ceasefire हा अमेरिकेचा पराभव; Trump यांनी का पत्करली शरणागती, हे ‘या’ 5 मुद्द्यांमध्ये घ्या समजून

काय असेल भारतावर परिणाम?

कच्च्या तेलाच्या किमतीत झालेली ही मोठी घसरण भारतीय ग्राहकांसाठी मोठी बातमी आहे. जर हे दर स्थिर राहिले, तर येत्या काळात पेट्रोल आणि डिझेलच्या दरात मोठी कपात होऊ शकते. मालवाहतूक स्वस्त झाल्यामुळे महागाईवरही नियंत्रण मिळवणे सरकारला सोपे जाईल. चीनकडे जाणारे जहाज भारताकडे वळवणे, हे दर्शवते की जागतिक पुरवठा साखळीत भारताचे वजन आता वाढले आहे. आशियातील ऊर्जा व्यापाराचे केंद्र आता हळूहळू भारताकडे सरकत असल्याचे हे लक्षण आहे.