iran pakistan news abbas araghchi clarification ishaq dar thanks 2026
Abbas Araghchi twitter statement Pakistan : मध्य-पूर्वेतील युद्धाच्या (US-Israel Iran War) वणव्यात आता राजनैतिक हालचालींना वेग आला आहे. गेल्या काही दिवसांपासून चर्चा सुरू होती की, अमेरिका आणि इराणमधील तणाव कमी करण्यासाठी पाकिस्तान (Pakistan) मध्यस्थी करणार आहे. मात्र, ३ एप्रिल रोजी ‘द एक्सप्रेस ट्रिब्यून’ आणि ‘वॉल स्ट्रीट जर्नल’ने असा दावा केला की, इराणने शेवटच्या क्षणी इस्लामाबादला येण्यास नकार दिला आहे. या बातमीमुळे जागतिक स्तरावर गोंधळ निर्माण झाला होता. अखेर शनिवारी, ४ एप्रिल २०२६ रोजी इराणचे परराष्ट्र मंत्री अब्बास अराघची यांनी स्वतः समोर येत या सर्व अफवांना पूर्णविराम दिला आहे.
अब्बास अराघची यांनी ‘एक्स’ (पूर्वीचे ट्विटर) वर एक सविस्तर पोस्ट केली. त्यांनी स्पष्टपणे सांगितले की, “अमेरिकन आणि पाकिस्तानी माध्यमांकडून इराणची भूमिका चुकीच्या पद्धतीने मांडली जात आहे. मध्यस्थीसाठी पाकिस्तानने केलेल्या प्रयत्नांबद्दल आम्ही त्यांचे आभारी आहोत. आम्ही इस्लामाबादला जाण्यास कधीही नकार दिलेला नाही.” अराघची यांनी पुढे असेही नमूद केले की, इराणसाठी केवळ चर्चा महत्त्वाची नाही, तर त्यांच्यावर लादलेल्या या बेकायदेशीर युद्धाची ‘कायमस्वरूपी’ समाप्ती होणे ही प्राथमिक अट आहे. केवळ तात्पुरत्या शांततेसाठी इराण झुकणार नाही, असे संकेत त्यांनी दिले आहेत.
जागतिक घडामोडी संबंधित बातम्या वाचण्यासाठी येथे क्लिक करा : Bahrain Bapco: इराणने बहरीनमध्ये घातला धुमाकूळ! ‘घातक’ हल्ल्यामुळे तेल उत्पादन ठप्प, कुवेतमध्ये अंधार; पाहा धक्कादायक VIDEO
इराणच्या या सकारात्मक भूमिकेनंतर पाकिस्तानचे परराष्ट्र मंत्री इशाक दार यांनी त्वरित प्रतिसाद दिला. अराघची यांच्या पोस्टला उत्तर देताना दार यांनी लिहिले, “माझ्या प्रिय बंधू (Dear Brother), तुमच्या या स्पष्टीकरणाबद्दल मी खरोखरच आभारी आहे.” या विधानामुळे इराण आणि पाकिस्तानमध्ये निर्माण झालेला राजनैतिक तणाव कमी झाल्याचे स्पष्ट झाले आहे. पाकिस्तानने यापूर्वीच म्हटले होते की, पश्चिम आशियातील शांततेसाठी अमेरिका आणि इराणमध्ये चर्चा घडवून आणणे हा त्यांच्यासाठी सन्मान असेल. चीन आणि पाकिस्तानने मिळून प्रस्तावित केलेल्या ‘पंचसूत्री उपक्रमा’चा हा एक भाग असल्याचेही पाकिस्तानकडून सांगण्यात आले आहे.
Iran’s position is being misrepresented by U.S. media. We are deeply grateful to Pakistan for its efforts and have never refused to go to Islamabad. What we care about are the terms of a conclusive and lasting END to the illegal war that is imposed on us. پاکستان زنده باد pic.twitter.com/AUjBQxOFyA — Seyed Abbas Araghchi (@araghchi) April 4, 2026
credit – social media and Twitter
दुसरीकडे, अमेरिकेचे राष्ट्राध्यक्ष डोनाल्ड ट्रम्प सातत्याने दावा करत आहेत की इराणमधील राजवट बदलली असून ते चर्चेसाठी तयार आहेत. मात्र, जमिनीवरील वास्तव वेगळे आहे. १ एप्रिल रोजी अमेरिकेने एका मध्यस्थ देशामार्फत ४८ तासांच्या युद्धविरामाचा प्रस्ताव इराणसमोर ठेवला होता. इराणच्या ‘फार्स’ वृत्तसंस्थेनुसार, तेहरानने हा प्रस्ताव स्पष्टपणे फेटाळून लावला आहे. इराणचे म्हणणे आहे की, ट्रम्प प्रशासन केवळ वेळ काढण्यासाठी असे प्रस्ताव देत आहे, तर इराणला युद्धावर निर्णायक तोडगा हवा आहे. जोपर्यंत अमेरिकेच्या अटी इराणच्या सार्वभौमत्वाला धोका निर्माण करणाऱ्या असतील, तोपर्यंत युद्धविराम शक्य नाही, अशी ठाम भूमिका इराणने घेतली आहे.
जागतिक घडामोडी संबंधित बातम्या वाचण्यासाठी येथे क्लिक करा : US Pilot Rescue : इराणच्या जबड्यातून वैमानिकाची सुटका! अमेरिकेचा थरारक ‘रेस्क्यू मिशन’; ट्रम्प यांचा शत्रूला सज्जड दम
आता सर्वांचे लक्ष इशाक दार आणि अराघची यांच्यातील पुढील संवादाकडे लागले आहे. चीनच्या पाठिंब्याने पाकिस्तान ही मध्यस्थी यशस्वी करतो की ट्रम्प यांच्या आक्रमक भूमिकेमुळे हा संघर्ष अधिक चिघळतो, हे पाहणे महत्त्वाचे ठरेल. इराणने “आम्ही लढू” असे स्पष्ट केल्यामुळे येणारे काही दिवस जागतिक अर्थव्यवस्थेसाठी आणि सुरक्षेसाठी अत्यंत संवेदनशील असणार आहेत.
Ans: नाही, इराणचे परराष्ट्र मंत्री अब्बास अराघची यांनी स्पष्ट केले आहे की त्यांनी पाकिस्तानला कधीही नकार दिलेला नाही; माध्यमांनी चुकीची माहिती पसरवली होती.
Ans: इशाक दार यांनी अराघचींचे आभार मानले आणि त्यांना 'बंधू' संबोधून दोन्ही देशांतील गैरसमज दूर केले.
Ans: इराणने अमेरिकेने दिलेल्या ४८ तासांच्या तात्पुरत्या युद्धविरामाचा प्रस्ताव अधिकृतपणे फेटाळून लावला आहे.
.png "Videos"){kind=small}
