अणुकरार हवा असेल तर, आधी इस्रायलला आवरा'; युद्धबंदीसाठी इराणच्या राष्ट्राध्यक्षांचे अमेरिकेला आवाहन
अमेरिका इस्रायलच्या आक्रमकतेला पाठिंबा देत आहे आणि हे आंतरराष्ट्रीय कायद्याच्या सर्व नियमांच्या विरोधात आहे, असा थेट आरोप इराणचे नवनियुक्त अध्यक्ष मसूद पेजेशकियन यांनी केला आहे. जर अमेरिका पुन्हा एकदा संवाद सुरू करू इच्छित असेल, तर त्याला आधी इजरायलच्या आक्रमक कारवायांना लगाम घालावा लागेल, असंही पेजेशकियन यांनी स्पष्ट केलं आहे.
जर अमेरिका युद्धविराम घडवून आणण्यात यशस्वी झाली, तर त्या बदल्यात इराण अणुकरारासंदर्भातील चर्चांमध्ये लवचिकता दाखवेल. आम्ही युद्ध सुरू केले नाही, ना आम्ही कुणावर थेट हल्ला केला आहे. आम्ही केवळ आमच्या देशाचं रक्षण करत आहोत, असंही त्यांनी म्हटलं आहे.“आम्ही कोणत्याही उच्चस्तरीय लष्करी अधिकाऱ्यांची किंवा शास्त्रज्ञांची हत्या केलेली नाही. आम्ही दहशतवादी नाही. आम्ही आक्रमक नाही. आज ईरानला एकता आणि एकजुटीची अत्यंत गरज आहे. संपूर्ण देशाने मिळून या आक्रमणाचा प्रतिकार केला पाहिजे.”
१३ जून रोजी रात्री इजरायलने “ऑपरेशन राइजिंग लायन” अंतर्गत इराणच्या अणु कार्यक्रमाला लक्ष्य केले. याला उत्तर म्हणून इराणने २४ तासांत प्रत्युत्तर दिले आणि १४ व १५ जूनला दोन्ही देशांमध्ये पुन्हा हल्ले झाले. दोन्ही बाजूंनी हलकी हानी झाल्याचे सांगितले गेले, मात्र परिस्थिती तणावपूर्णच राहिली.
पेजेशकियन यांनी सांगितले की, “इजरायलने जेव्हा आमचा देश अस्थिर करण्याचा प्रयत्न केला, तेव्हा आम्ही त्याला कडक प्रत्युत्तर दिले आणि त्यांच्या बाजूने मोठे नुकसान झाले.” त्यांनी यावर कठोर इशारा देताना सांगितले की, जर इजरायलने पुन्हा अशीच कारवाई केली, तर यावेळी ईरानचा प्रतिसाद आणखी तीव्र असेल.
पेजेशकियन यांनी ओमानचे सुलतान हैथम बिन तारीक अल सईद यांच्याशी फोनवर चर्चा करत असताना सांगितले की, जर अमेरिका आपल्या सहयोगी इजरायलला नियंत्रणात ठेवण्यात अपयशी ठरली, तर इराणला परिस्थिती अधिक गंभीर होईल. इराणने कतार, सौदी अरेबिया आणि ओमान यांना देखील आवाहन केले आहे की, ते माजी अध्यक्ष डोनाल्ड ट्रम्प यांच्याशी संवाद साधून इस्रायलवर युद्धविरामासाठी दबाव आणावा. ही घडामोड संपूर्ण मध्यपूर्वेतील स्थैर्यासाठी महत्त्वाची ठरू शकते. पुढील काळात अमेरिका आणि इराण यांचा पुढील पवित्रा, तसेच ईरानची भूमिका, आंतरराष्ट्रीय राजकारणात निर्णायक ठरू शकते, असंही त्यांनी म्हटलं आहे.
.png "Videos"){kind=small}
