इंडोनेशियात भीषण दुर्घटना! इस्लामिक शाळेची इमारत कोसळली अन् निरागस विद्यार्थी ढिगाऱ्याखाली अडकले

Indonesia School Building Collapse : इंडोनेशियात भयानक दुर्घटना घडली आहे. एका शाळेची इमारच कोसळली असून ढिगाऱ्याखाली अनेक विद्यार्थी अडकले आहे. यामुळे पालकांमध्ये भीतीचे वातावरण आहे.

• इंडोनेशियात इस्लामिक शाळेची इमारत कोसळली
• ५० हून अधिक विद्यार्थी इमारतीच्या ढिगाऱ्याखाली अडकल्याची शंका
• विद्यार्थ्यांना वाचवण्याचे कार्य सुरु

Indonesia News in Marathi : जकार्ता : इंडोनेशियात (Indonesia) भीषण दुर्घटना घडली आहे. एका शाळेची इमारत कोसळली असून यामध्ये ६५ विद्यार्थी ढिगाऱ्याखाली अडकले आहे. मंगळवारी (३० सप्टेंबर) ही घटना घडली. मिळालेल्या माहितीनुसार, इंडोनेशियाच्या इस्लामिक बोर्डिंग स्कूलची इमारत कोसळली आहे. या घटनेने मोठी खळबळ उडाली आहे.

मिळालेल्या माहितीनुसार, इंडोनेशियाच्या ईस्ट जावा प्रांतातील सिदोअर्जो येथील अल-खोजिनी येथे ही घटना घडली. यावेळी विद्यार्थी दुपारची नमाज पठण करत होते.या दुर्घटनेत एका विद्यार्थ्यांचा मृत्यू झाला असून ६५ लोक ढिगाऱ्याखाली अडकले असल्याचे वृत्त समोर आले आहे.

Gaza War : इस्रायल गाझातील संघर्ष थांबवण्यास तयार? येत्या २४ तासांत ट्रम्प-नेतन्याहू करु शकतात युद्धबंदीची घोषणा

आठ विद्यार्थ्यांना वाचवण्यात यश…

घटनेची माहिती मिळताच पोलिस, लष्करी दल आणि आपत्ती व्यवस्थापन विभागाच्या कर्माचाऱ्यांनी घटनास्थळी धाव घेतली. सध्या बचाव कार्य सुरु असून मलबा हटवण्याचे कार्य सुरु आहे. आठ विद्यार्थ्यांना बाहेर काढण्यात यश आले. पण अजून काही विद्यार्थी मलब्याखाली अडकल्याची शक्यता आहे. मृतांचा आकडा वाढण्याची शक्यता व्यक्त केली जात आहे. मलब्यात अडकले विद्यार्थ्यांमध्ये १२ ते १७ वर्षांच्या मुलांचा समावेश आहे. घटनास्थळी पालकांची व स्थानिक नागरिकांची मोठी गर्दी झाली आहे. पालक आपल्या मुलांच्या सुरक्षेची वाट पाहत आहेत.

अनाधिकृत बांधकामामुळे घडली घटना

पोलिसांनी दिलेल्या माहितीनुसार, शाळेच्या इमारतीवर अनाधिकृतपणे अतिरिक्त मजल्याचे बांधकाम सुरु होते. यामुळे बांधकामादरम्यान छत आणि भिंती कोसळल्या.सध्या घटेची चौकशी सुरु आहे. या घटनेसाठी जबाबदार असलेल्यांवर कारवाई होईल असे पोलिसांनी सांगितले आहे. सध्या या घटनेमुळे पालकांमध्ये भीतीचे वातावरण पसरले आहे.

याच वेळी शाळेचे प्रमुख अब्दुस सलाम यांनी सांगितले की, मूळ इमारत ही तीन मजली होती. त्यावर अजून एक मजला वाढवण्याचे नियोजन करण्यात आले होते. घटनेच्या दिवशी तिसऱ्या मजल्यावर कॉंक्रीट ओतण्याचे कार्य सुरु होते, यावेळी अचानक ही घटना घडली. तिसऱ्या मजला खाली कोसळले. यावेळी सर्वात खालच्या मजल्यावर प्रार्थना सुरु होती. यावेळी मोठ्या संख्येने विद्यार्थी नमाड अदा करत होते.

निकृष्ट दर्जाच्या बांधकामुळे घडली घटना

तज्ज्ञांच्या मते, या दुर्घटनेमागे शाळेच्या निकृष्ट दर्जाचे बांधकाम सामग्री व अनधिकृत विस्तार जबाबादार आहे. इमारत जीर्ण झाली असताना बांधकाम सुरु करण्यात आले होते, ज्यामुळे ही घटना घडली. यामुळे शाळेच्या प्रशासनावर तीव्र टीका केली जात आहे. या घटनेने संपूर्ण इंडोनेशिया हादरला आहे.

FAQs(संबंधित प्रश्न)

प्रश्न १. इंडोनेशियात काय आणि कुठे दुर्घटना घडली? 

इंडोनेशियाच्या ईस्ट जावा प्रांतातील सिदोअर्जो येथील अल-खोजिनी येथे इस्लामिक बोर्डिंग स्कूलची इमारत कोसळली आहे.

प्रश्न २. इंडोनेशियाती दुर्घटनेत किती जीवितहानी झाली? 

मिळालेल्या माहितीनुसार, विद्यार्थी नमाज पठण करत असताना ही घटना घडली आहे, यामुळे एका विद्यार्थ्याचा मृत्यू झाला आहे. तर ६५ विद्यार्थी ढिगाऱ्याखील अडकले असल्याची माहिती मिळाली आहे.

प्रश्न ३. काय आहे इंडोनेशियातील दुर्घटनेचे कारण? 

इंडोनेशियाच्या पोलिस अधिकाऱ्यांनी दिलेल्या माहितीनुसार, शाळेची मूळ इमारत तीन मजली असून त्यावर आणखी अनधिकृत बांधकाम सुरु होते. तसेच यामध्ये वापरलेली सामग्री ही निकृष्ट दर्जाची असले, ज्यामुळे ही घटना घडली.

Baba Vanga : 2026 मध्ये सर्व संपुष्टात येणार ! मनुष्य होणार गुलाम…; बाबा वेंगांची पुढील वर्षाची भविष्यवाणी वाचून उडेल थरकाप