Bible Prophecy : केवळ निसर्गचक्र नाही! धार्मिक ग्रंथांतील ‘प्रलयाच्या’ खुणा इस्रायलमध्ये? ‘या’ भविष्यवाण्या झाल्या खऱ्या

Israel इस्रायलमधील नेतिवोट शहरात मधमाश्यांच्या थव्यामुळे गोंधळ उडाला. सोशल मीडियावर याला 'आपत्तीचे चिन्ह' म्हटले गेले, मात्र तज्ज्ञांच्या मते ही एक नैसर्गिक घटना आहे. यापूर्वी तेल अवीवमध्येही कावळे दिसले होते.

• निसर्गाचा प्रकोप की दैवी संकेत?
• धार्मिक ग्रंथांचे संदर्भ
• तज्ज्ञांचा खुलासा

Bible prophecies Israel insects 2026 : सध्या संपूर्ण जगाचे लक्ष इस्रायलकडे लागलेले आहे, मात्र यावेळी कारण युद्ध नसून काही ‘विचित्र’ नैसर्गिक घटना आहेत. दक्षिण इस्रायलमधील नेतिवोट (Netivot) शहरात नुकताच निसर्गाचा एक असा अवतार पाहायला मिळाला, ज्याने आधुनिक विज्ञानालाही विचार करायला भाग पाडले आहे. हजारो मधमाश्यांच्या थव्याने अचानक शहरावर ताबा मिळवला, रस्ते अडवले आणि वाहनांवर हल्ले केले. या घटनेचे व्हिडिओ व्हायरल होताच, यामागे काहीतरी ‘दैवी’ किंवा ‘अशुभ’ संकेत असल्याच्या चर्चांना उधाण आले आहे.

नेतिवोटमध्ये मधमाश्यांचे तांडव: विमान वाहतूकही विस्कळीत!

स्थानिक वेळेनुसार, मधमाश्यांच्या या महाभयंकर थव्याने नेतिवोटच्या रहिवासी भागावर हल्ला केला. केवळ लोकच नाही, तर रस्त्यावरून जाणारी वाहनेही या मधमाश्यांनी वेढली होती. परिस्थिती इतकी गंभीर होती की, काही काळ स्थानिक विमान वाहतूकही सुरक्षिततेच्या कारणास्तव थांबवावी लागली. इस्रायली प्रशासनाला तातडीने विशेष पथके पाचारण करावी लागली. ही केवळ एक कीटकांची हालचाल नसून, तो एक संघटित हल्ला वाटत होता, असे प्रत्यक्षदर्शींचे म्हणणे आहे.

जागतिक घडामोडी संबंधित बातम्या वाचण्यासाठी येथे क्लिक करा : Nepal-India Border: नेपाळमध्ये बालेन शाह यांची मोठी ‘घेराबंदी’! भारतीय वाहनांना प्रवेशासाठी मोजावे लागणार पैसे; सीमेवर तणाव वाढला

बायबल आणि कुराणमधील ‘त्या’ ओळींची चर्चा

या घटनेनंतर सोशल मीडियावर एका वेगळ्याच युद्धाला सुरुवात झाली आहे. अनेक वापरकर्ते याला सामान्य निसर्गचक्र मानण्यास तयार नाहीत. बायबलमधील यशया ७:१८ (Isaiah 7:18) या वचनाचा संदर्भ दिला जात आहे, ज्यात प्रलयाच्या वेळी कीटकांच्या थव्यांचा उल्लेख आहे. तसेच, कुराणमधील सूरह अल-अराफ (Surah Al-A’raf) मधील त्या भागाचा हवाला दिला जात आहे जिथे टोळधाड, बेडूक आणि रक्ताच्या पावसाला ‘इशारा’ मानले गेले आहे. नेतिवोटमधील मधमाश्या आणि यापूर्वी तेल अवीवमध्ये दिसलेले हजारो कावळे, हे सर्व इस्रायलच्या विनाशाचे संकेत असल्याचे दावे नेटिझन्स करत आहेत.

See more

🫣 🐝 In the Israeli city of Netivot, tens of thousands of bees swarmed a shopping center Operations were paralyzed, and emergency services had to step in to handle the situation. pic.twitter.com/U2afOlZYCZ — NEXTA (@nexta_tv) April 15, 2026

credit – social media and Twitter

कावळ्यांचे सावट आणि प्रादेशिक तणाव

काही आठवड्यांपूर्वी तेल अवीवच्या आकाशात हजारो कावळ्यांनी मांडलेले फेर धरले होते. ज्यू संस्कृती आणि अनेक लोककथांमध्ये कावळ्यांना मृत्यू किंवा संकटाचे दूत मानले जाते. हमास, हिजबुल्लाह आणि इराणशी सुरू असलेल्या संघर्षाच्या पार्श्वभूमीवर या नैसर्गिक घटनांना ‘अशुभ’ मानले जात आहे. नागरिक याकडे केवळ योगायोग म्हणून न पाहता, भविष्यातील मोठ्या युद्धाची किंवा नैसर्गिक आपत्तीची पूर्वसूचना म्हणून पाहत आहेत.

जागतिक घडामोडी संबंधित बातम्या वाचण्यासाठी येथे क्लिक करा : Airbus H130 crash : इंडोनेशियामध्ये मोठा विमान अपघात! बोर्नियोच्या जंगलात हेलिकॉप्टर कोसळले; 8 जणांचा मृत्यू, पाहा VIDEO

विज्ञान काय सांगते?

दुसरीकडे, पर्यावरणाशी संबंधित तज्ज्ञांनी या सर्व दाव्यांना पूर्णपणे नाकारले आहे. तज्ज्ञांच्या मते, मधमाश्यांचे थवे तयार होणे ही एक प्रजनन प्रक्रिया (Swarming) असू शकते किंवा हवामानातील अचानक बदल आणि अन्नाचा शोध यामुळे कीटक आणि पक्षी अशा प्रकारे मोठ्या संख्येने एकत्र येतात. हे दावे केवळ धार्मिक अन्वयार्थ असून त्यांचा विज्ञानाशी संबंध नसल्याचे त्यांनी स्पष्ट केले आहे. मात्र, श्रद्धेच्या आणि भीतीपोटी पसरलेल्या अफवांच्या वादळात विज्ञानाचा आवाज सध्या क्षीण पडताना दिसत आहे.