Israel News : इस्रायलच्या निवडणुकीत नेतान्याहू आणि विरोधकांमध्ये अटीतटीची लढत; सत्तेचे गणित अडकले

Israel News : इस्रायलच्या सार्वत्रिक निवडणुकीत नेतान्याहू आणि विरोधकांमध्ये अटीतटीची लढत झाली आहे. प्राथमिक मतमोजणीत नेतान्याहूंची आघाडी पुढे असली तरी कोणालाही ६१ जागांचे बहुमत मिळालेले नाही. त्यामुळे सरकार स्थापनेत अरब पक्षांची भूमिका निर्णायक ठरण्याची शक्यता आहे.

• नेतान्याहू यांच्या सत्तेला आव्हान ;विरोधकांची जोरदार मुसंडी
• कोणलाही स्पष्ट बहुमत नाही ;अरब पक्ष ठरणार निर्णायक
• सत्ता स्थापनेसाठी आघाड्यांची जुळवाजुळव

Israel News : इस्राईलमध्ये झालेल्या सार्वत्रिक निवडणुकीने देशाच्या राजकारणात आता मोठी उलथापालथ होताना दिसत आहे . पंतप्रधान बेंजामिन नेतान्याहू यांच्या नेतृत्वाखाली सत्ताधारी आघाडीला यंदाच्या निवडणुकीत मोठ्या आव्हानाचा सामना करावा लागत आहे . माजी लष्करप्रमुख गादी आयझेनकोट यांच्या विरोधी गटाने नेतान्याहू यांना जोरदार टक्कर देत मुसंडी मारली आहे .

मात्र निवडणुकीच्या प्राथमिक निकालांमध्ये कोणत्याही गटाला स्पष्ट बहुमत मिळालेले नाही . त्यामुळे इस्राईलमध्ये आता सरकार कोण स्थापन करणार याबाबत अजूनही काहीच ठरलेले नाही . नेतान्याहू यांनी आपण अरब पार्टीचा पाठिंबा घेणार नसल्याचे जाहीर केले आहे . तसेच या निवडणुकीत त्यांच्यासोबत धोकाधडी झाल्याचे नेतान्याहू यांचे म्हणणे आहे .

म्हणजेच निवडणूक पारदर्शक झाली नसल्याचा दावा त्यांनी केला आहे . सगळ्यामुळे इस्रायल मधील सत्तासंघर्ष आता कोणत्या वळणावर जाणार आहे . यावरून जागतिक राजकारणात काय फरक पडणार आहे , याकडे सर्व राजकीय विश्लेषकांचे लक्ष लागून राहिले आहे .

नेतान्याहू यांच्या सत्तेला आव्हान ;विरोधकांची जोरदार मुसंडी

इस्रायलमध्ये २७ ऑक्टोबर या दिवशी मतदान बॅलेट पेपरवर पार पडले . २०२३ मधील हमासच्या हल्ल्यानंतर देशात झालेली ही पहिली सार्वत्रिक निवडणूक आहे . या निवडणुकीत नेतान्याहू यांना सुरक्षा धोरण , युद्ध आणि सरकारच्या निर्णयावरून विरोधकांनी लक्ष केले .

गादी आयझेनकोट यांनी बदलाची हाक देत मतदारांना आकर्षित केले . सुरवातीला विरोधी आघाडीला किंचित आघाडी मिळाल्याचे संकेत मिळाले मात्र , मतमोजणी सुरु झाल्यानंतर चित्र बदलले आणि नेतान्याहू यांच्या आघाडीने आघाडी घेतली . पण त्याचा टक्का जास्त नसल्याने दोन्ही गटात जास्त अंतर नसल्याने काटे की टक्कर निर्माण झाली .

Breaking News: स्पेनमध्ये दोन हायस्पीड रेल्वेची भीषण धडक; ४० हून अधिक मृत्यू, शेकडो प्रवासी जखमी

कोणलाही स्पष्ट बहुमत नाही ;अरब पक्ष ठरणार निर्णायक

इस्रायलच्या संसदेत म्हणजेच नेसेटमध्ये एकूण १२० जागा आहेत . सरकार स्थापन करण्यासाठी किमान ६१ जागांचे बहुमत आवश्यक आहे . प्राथमिक मतमोजणीत नेतान्याहू यांच्या आघाडीला ५६ तर आयझेनकोट यांच्या विरोधी आघाडीला ४८ जागा मिळण्याचे चित्र होते . अरब पक्षांच्या वाट्याला १६ जागा येण्याचा अंदाज व्यक्त करण्यात आला आहे . त्यामुळे सरकार स्थापनेत अरब पक्षांची भूमिका महत्वाची ठरू शकते . यामुळे कोणत्या पक्षाने कोणाला पाठिंबा द्यायचा यावर सत्तेचे गणित अवलंबून राहणार आहे .

Microsoft News : मायक्रोसॉफ्टमध्ये मोठा बदल! ६० हजार कर्मचाऱ्यांसाठी एक्झिट पॅकेज

सत्ता स्थापनेसाठी आघाड्यांची जुळवाजुळव

निवडणुकीमध्ये कोणत्याही गटाला स्पष्ट बहुमत मिळाले नसल्याने आता विविध पक्षांमध्ये चर्चा आणि आघाड्यांची जुळवाजुळव सुरु होण्याची शक्यता आहे . राष्ट्राध्यक्ष आयझॅक हझान्ग यांच्यावर सरकार स्थापनेसाठी योग्य नेत्याला संधी देण्याची जबादारी असेल . तर दुसरीकडे नेतान्याहू यांनी मजबूत उजव्या विचारसरणीचे सरकार स्थापन करण्याचा निर्धार व्यक्त केला आहे . विरोधकांनाही सत्ता स्थापनेचा दावा कायम ठेवला आहे . त्यामुळे आगामी काही दिवस इस्रायलच्या राजकारणासाठी अत्यंत महत्वाचे ठरणार आहेत . अंतिम निकाल आणि आघाड्यांच्या चर्चेनंतर देशाचे पुढील नेतृत्व स्पष्ट होईल .