Breaking News: स्पेनमध्ये दोन हायस्पीड रेल्वेची भीषण धडक; ४० हून अधिक मृत्यू, शेकडो प्रवासी जखमी

Breaking News : स्पेनच्या टोलेडो प्रांतातील उर्दा येथे दोन हायस्पीड रेल्वेची धडक होऊन ४० हून अधिक प्रवाशांचा मृत्यू झाला आहे. शेकडो प्रवासी जखमी असून बचावकार्य सुरू आहे. अपघातानंतर माद्रिद-अंडालुसिया रेल्वे वाहतूक ठप्प झाली असून दुर्घटनेच्या कारणांचा तपास सुरू आहे.

• एकाच मार्गावर दोन रेल्वे
• बचाव कार्यासाठी हेलिकॉप्टर आणि वैद्यकीय पथके तैनात
• रेल्वे वाहतूक ठप्प ;अपघातांच्या कारणांचा शोध सुरु

Breaking News : जगभरात इतक्या घडामोडी घडत असताना स्पेनमधून एका मोठ्या आणि धक्कादायक रेल्वेच्या अपघाताची बातमी येत आहे . या बातमीने सगळ्यांचे लक्ष वेधून घेतले असून मृतांबद्दल जगभरात हळहळ व्यक्त केली जात आहे . स्पेनमध्ये दोन हायस्पीड रेल्वेची भीषण टक्कर होऊन मोठी दुर्घटना घडली आहे . मध्य स्पेनमधील टोलेडो प्रांतातील उर्दा शहराजवळ बुधवारी ( २८ ऑक्टोबर ) सकाळी हा अपघात झाला या दुर्घटनेत ४० हून अधिक प्रवाशांचा मृत्यू झाल्याचे वृत्त असून अनेक जण जखमी झाले आहेत .

अपघाताची तीव्रता पाहता मृतांचा आकडा आणखी वाढण्याची भीती व्यक्त केली जात आहे . रेल्वेची डबे रुळावरून घसरून जवळच्या उतारावर कोसळल्यावर बचावकार्य अधिक कठीण झाले आहे . या घटनेनंतर संपूर्ण परिसरात भीतीचे वातावरण निर्माण झाले आहे .

एकाच मार्गावर दोन रेल्वे

मिळालेल्या माहितीनुसार , सकाळी ८.५४ वाजण्याच्या सुमारास हा भयानक अपघात झाला . रेन्फे ( Renfe ) कंपनीची एव्हीइ ( AVE ) हायस्पीड रेल्वे आयर्यो ( Iryo ) कंपनीच्या रेल्वेला मागून धडकली .आयर्यो रेल्वेमध्ये १४७ प्रवासी ,तर रेन्फे रेल्वेमध्ये ३९७ प्रवासी करत होते . धडकेची तीव्रता इतकी मोठी होती कि काही डबे रुळावरून घसरले आणि उतारावर कोसळले . अपघाताच्या वेळी रेल्वेची हालचाल थांबलेली होती .अशी प्राथमिक माहिती देखील समोर आली आहे .

US Midterms 2026 : अमेरिका मध्यावधी निवडणुकांपूर्वी मोठा सायबर हल्ला; फेडरल इलेक्शन कमिशनची फाइलिंग सिस्टीम हॅक झाल्याने खळबळ

बचाव कार्यासाठी हेलिकॉप्टर आणि वैद्यकीय पथके तैनात

अपघाताची माहिती मिळताच अग्निशमन दल , पोलीस , नागरी संरक्षण पथके आणि वैद्यकीय कर्मचारी घटनास्थळी दाखल झाले . जखमींना बाहेर काढण्यासाठी विशेष बचाव पथकांची मदत घेतली जात आहे . गंभीर जखमींना रुग्णालयात हलवण्यासाठी वैद्यकीय हेलिकॉप्टर आणि फिरती अतिदक्षता उपचार यंत्रणाही तैनात करण्यात आली आहे . जवळच्या रुग्णालयांना सतर्क करण्यात आले असून आपत्कालीन उपचारांची व्यवस्था करण्यात आली आहे . अनेक प्रवाशांना डब्ब्यांमधून बाहेर काढण्यासाठी बचाव पथकांना मोठे प्रयत्न करावे लागत आहेत .

Microsoft News : मायक्रोसॉफ्टमध्ये मोठा बदल! ६० हजार कर्मचाऱ्यांसाठी एक्झिट पॅकेज

रेल्वे वाहतूक ठप्प ;अपघातांच्या कारणांचा शोध सुरु

या दुर्घटनेनंतर माद्रिद आणि दक्षिणेकडील अंडालुसिया प्रांतादरम्यानची हायस्पीड रेल्वे वाहतूक दोन्ही दिशांनी थांबिवण्यात आली आहे . त्यामुळे हजारो प्रवाशांना प्रवासात अडचणीचा सामना करावा लागत आहे . स्पेनचे पंतप्रधान पेद्रो सांचेझ यांनी दुर्घटनेबद्दल दुःख व्यक्त केले असून बचावकार्यावर लक्ष ठेवले आहे . दरम्यान रेल्वेची सुरक्षा यंत्रणा आणि सिग्नल व्यवस्थेबद्दल प्रश्न उपस्थित होत आहेत . मात्र अपघाताचे नेमके कारण अद्याप स्पष्ट झालेले नाही . संबंधित यंत्रणांकडून सखोल तपास सुरु आहे .