Japan China Conflict: ड्रॅगनच्या उरात धडकी! जपानने रोखली 1000 किमीची क्षेपणास्त्रे; चीनच्या मुख्य भूमीवर थेट निशाणा

या प्रकरणाशी संबंधित सूत्रांनुसार, सध्या वापरात असलेल्या मॉडेलची रेंज काहीशे किलोमीटर आहे. मंत्रालय त्याची रेंज सुमारे २,००० किलोमीटरपर्यंत वाढवण्यासाठी ते अद्ययावत करण्यावर काम करत आहे.

• चीनच्या मुख्य भूमीला धोका
• ऐतिहासिक धोरणात्मक बदल
• देशांतर्गत विरोध आणि तणाव

Japan China missile tension 2026 : आशिया खंडातील दोन महाशक्ती, जपान (Japan) आणि चीन (China) यांच्यातील संबंध आता एका अत्यंत स्फोटक वळणावर येऊन ठेपले आहेत. पूर्व चीन समुद्रातील चीनच्या वाढत्या दादागिरीला चोख प्रत्युत्तर देण्यासाठी जपानने एक अत्यंत मोठा आणि ऐतिहासिक लष्करी निर्णय घेतला आहे. जपानचे संरक्षण मंत्री शिंजीरो कोइझुमी यांनी अधिकृतपणे जाहीर केले आहे की, जपानने आपल्या नैऋत्य भागात लांब पल्ल्याची क्षेपणास्त्रे तैनात केली आहेत. ही हालचाल केवळ लष्करी सराव नसून, चीनला दिलेला एक स्पष्ट आणि कडक इशारा आहे.

टाइप-१२ क्षेपणास्त्र: जपानचे नवे ‘ब्रह्मास्त्र’

जपानने दक्षिण क्युशूमधील कुमामोटो येथील तळावर आपले अद्ययावत ‘टाइप-१२’ (Type-12) क्षेपणास्त्र तैनात केले आहे. मित्सुबिशी हेवी इंडस्ट्रीजने डिझाइन केलेले हे क्षेपणास्त्र मूळतः जमिनीवरून जहाजावर मारा करण्यासाठी बनवण्यात आले होते. मात्र, आता त्याचे रूपांतर ‘स्टँड-ऑफ’ (Stand-off) क्षेपणास्त्रात करण्यात आले आहे. यापूर्वी याचा पल्ला केवळ २०० किलोमीटर होता, जो आता वाढवून १,००० किलोमीटर करण्यात आला आहे. विशेष म्हणजे, मंत्रालय आता या क्षेपणास्त्राचा पल्ला २,००० किलोमीटरपर्यंत वाढवण्यावर काम करत आहे. याचा अर्थ असा की, जपान आता आपल्या भूमीवरून चीनच्या मुख्य भूमीतील कोणत्याही लष्करी तळाला सहजपणे लक्ष्य करू शकतो.

जागतिक घडामोडी संबंधित बातम्या वाचण्यासाठी येथे क्लिक करा : War Update: इराण युद्धाचा शेवट! ट्रम्प यांनी जाहीर केली तारीख; ‘सत्तापालट’ झाला, आता अमेरिकन सैन्य मायदेशी परतणार

जपानच्या शांततावादी संविधानाला छेद?

दुसऱ्या महायुद्धानंतर जपानने स्वीकारलेल्या शांततावादी संविधानानुसार, जपान केवळ स्वतःचे संरक्षण करण्यासाठी लष्करी बळाचा वापर करू शकत होता. ‘केवळ आत्मसंरक्षण’ (Strictly Self-Defense) हे जपानचे ७५ वर्षांहून अधिक काळचे धोरण होते. मात्र, चीन, रशिया आणि उत्तर कोरिया यांच्या वाढत्या लष्करी धमक्यांमुळे जपानने २०२२ मध्ये आपल्या धोरणात आमूलाग्र बदल केला. संरक्षण मंत्री कोइझुमी यांच्या मते, “जपान एका गंभीर आणि गुंतागुंतीच्या सुरक्षा परिस्थितीचा सामना करत असल्याने, आपली प्रतिबंधक क्षमता मजबूत करणे ही काळाची गरज आहे.” आता जपानकडे शत्रूच्या हल्ल्याची वाट न पाहता, गरज पडल्यास त्यांच्या तळांवर दुरून हल्ला करण्याची (Counterstrike Capability) क्षमता प्राप्त झाली आहे.

See more

Japan deploys first counterstrike missiles with 1,000-km range https://t.co/tYyYvij8i0 — Nikkei Asia (@NikkeiAsia) March 31, 2026

credit – social media and Twitter

निवासी भागात आंदोलनाचा वणवा

जपान सरकारचा हा निर्णय जरी संरक्षणासाठी असला, तरी देशांतर्गत पातळीवर त्याला मोठ्या विरोधाचा सामना करावा लागत आहे. कुमामोटो येथील केंगुन छावणीच्या बाहेर स्थानिक रहिवाशांनी मोठी निदर्शने केली आहेत. निवासी वस्तीच्या इतक्या जवळ लांब पल्ल्याची क्षेपणास्त्रे तैनात केल्यामुळे आपला भाग शत्रूच्या निशाण्यावर येईल, अशी भीती नागरिकांना वाटत आहे. “या तैनातमुळे आमचा जीव धोक्यात येईल आणि तणाव अधिक वाढेल,” अशी भावना स्थानिक आंदोलकांनी व्यक्त केली आहे. मात्र, सरकारने राष्ट्रीय सुरक्षेसाठी हा निर्णय आवश्यक असल्याचे म्हटले आहे.

जागतिक घडामोडी संबंधित बातम्या वाचण्यासाठी येथे क्लिक करा : India Iran Oil: संकट टळले! इराण-भारत तेल व्यापार पुन्हा सुरू; खारग बेटावरून 6,00,000 बॅरल कच्चे तेल घेऊन येणारा टँकर तयार

तैवान आणि चीन-जपान संबंधांतील कटुता

जपान आणि चीनमधील तणाव केवळ समुद्रापुरता मर्यादित राहिलेला नाही. गेल्या वर्षी नोव्हेंबरमध्ये जपानच्या पंतप्रधान सनाए ताकाइची यांनी एक खळबळजनक विधान केले होते. त्यांनी संकेत दिले होते की, जर चीनने तैवानवर हल्ला केला, तर जपान लष्करी हस्तक्षेप करू शकतो. तैवान हा चीनचा भाग असल्याचे बीजिंग मानत असल्याने जपानच्या या भूमिकेमुळे चीनचा तिळपापड झाला आहे. या विधानानंतर दोन्ही देशांतील राजनैतिक संबंध पूर्णपणे गोठले आहेत.

भविष्यातील रणनीती: हायपर वेलोसिटी प्रोजेक्टाइल

जपान केवळ टाइप-१२ वरच थांबलेला नाही. दुर्गम बेटांच्या संरक्षणासाठी जपानने ‘हायपर वेलोसिटी ग्लायडिंग प्रोजेक्टाइल’ (Hyper Velocity Gliding Projectile) विकसित केले असून ते शिझुओका भागात तैनात करण्यात आले आहे. पॅसिफिक महासागरातील आपली पकड मजबूत करण्यासाठी जपान आता आक्रमक लष्करी पावले उचलत आहे. चीनच्या वाढत्या नौदल शक्तीला रोखण्यासाठी जपानने केलेली ही ‘तटाबंदी’ आशिया-पॅसिफिक क्षेत्रातील शक्तीचे संतुलन बदलणारी ठरू शकते.