‘जिना हाऊस’ बनणार डिप्लोमॅटिक एन्क्लेव्ह; परराष्ट्र मंत्रालयाने दिली मंजुरी, हैदराबाद हाऊससारखे काम करणार

Jinnah House renovation : फाळणीचे गुन्हेगार मोहम्मद अली जिना यांनी मुंबईतील मलबार हिल्सवर बांधलेला भव्य बंगला म्हणजेच जिना हाऊस आता एका नवीन रूपात दिसणार आहे.

मुंबई, नवराष्ट्र न्यूज नेटवर्क : फाळणीचे गुन्हेगार मोहम्मद अली जिना यांनी मुंबईतील मलबार हिल्सवर बांधलेला भव्य बंगला म्हणजेच जिना हाऊस आता एका नवीन रूपात दिसणार आहे. परराष्ट्र मंत्रालयाने त्याचा वापर डिप्लोमॅटिक एन्क्लेव्ह (परराष्ट्र मंत्रालयाच्या अधिकाऱ्यांचे निवासस्थान आणि कामाचे ठिकाण) म्हणून करण्यास मान्यता दिली आहे. त्याच्या दुरुस्तीचे काम लवकरच सुरू होईल. दिल्लीतील हैदराबाद हाऊसच्या धर्तीवर ‘जिना हाऊस’ वापरला जाईल. या घराची सध्याची किंमत सुमारे १५०० कोटी रुपये आहे. ‘जिना हाऊस’चे खरे नाव साउथ कोर्ट आहे. फाळणीनंतर तो जिना हाऊस म्हणून ओळखला जाऊ लागला. तो पूर्वी भारतीय सांस्कृतिक संबंध परिषद कडे होता. नंतर ५ ऑक्टोबर २०१७ रोजी मलबार हिलचे आमदार मंगल प्रभात लोढा यांनी परराष्ट्रमंत्री सुषमा स्वराज यांना पत्र लिहून ‘जिना हाऊस’ला सांस्कृतिक केंद्र बनवण्याची विनंती केली.

जागतिक घडामोडी संबंधित बातम्या वाचण्यासाठी येथे क्लिक करा : भगवान बुद्धांच्या पवित्र दाताचा फोटो व्हायरल; श्रीलंकेत सुरक्षेचा भंग, पोलिस तपासात गुंतले

बंगल्याच्या खास गोष्टी बंगल्याची आजची किंमत १५०० कोटी रुपये. त्यावेळी तो २ लाख रुपयांना बांधण्यात आला होता. बंगला इटालियन शैलीत बांधला गेला आणि संगमरवरही तेथून आणण्यात आले होते. इंडियन इन्स्टिट्यूट ऑफ आर्किटेक्ट्सचे प्रमुख क्लॉड बॅटली यांनी त्याची रचना केली होती. अडीच एकरातील बंगला समुद्राभिमुख आहे. बंगल्याच्या तळमजल्यावर व्हरांडा, सहा खोल्या, एक स्वयंपाकघर, स्टोअर रूम, गॅरेज आहे. त्यात नोकरांसाठी पाच खोल्या देखील आहेत.

See more

After heritage OK, #MohammadAliJinnah house awaits #MEA nod for renovation; many ‘internal aesthetic changes’ likely Read here 🔗https://t.co/AhPhFtp9vd pic.twitter.com/pPNRac4XXO — The Times Of India (@timesofindia) April 19, 2025

credit : social media

जागतिक घडामोडी संबंधित बातम्या वाचण्यासाठी येथे क्लिक करा : मंगळावरील ‘सोन्याची खाण’! नासाच्या पर्सिव्हरन्स रोव्हरचा अद्भुत शोध; अब्जावधी वर्षे जुने खडक आणि सूक्ष्मजीवनाचे संकेत

मुहम्मद अली जिना यांची एकुलती एक मुलगी दीना वाडिया यांनी २००७ साली मुंबई उच्च न्यायालयात याचिका दाखल केली होती. या याचिकेचा उद्देश होता – जिना यांच्या मालमत्तेवर आपला कायदेशीर हक्क प्रस्थापित करणे. दीना यांना विशेषतः “जिना हाऊस” या ऐतिहासिक वास्तूवर हक्क मिळवायचा होता. ही मालमत्ता ब्रिटिश काळात उभारलेली असून ती एकेकाळी जिना यांचे खासगी निवासस्थान होते. मात्र भारत-पाक फाळणीच्या काळात जिना पाकिस्तानात गेले आणि ही मालमत्ता ‘इव्हॅक्यूई प्रॉपर्टी’ म्हणून घोषित करण्यात आली, म्हणजेच ज्या व्यक्ती भारत सोडून गेले, त्यांच्या मालमत्ता सरकारच्या ताब्यात गेल्या.

दीना वाडिया यांच्या मृत्यूनंतर त्यांच्या मुलगा नसली वाडिया याला या याचिकेमध्ये सहभागी होण्याची परवानगी देण्यात आली. त्यांनीही पुढे हा कायदेशीर लढा चालू ठेवला. ही मालमत्ता वादात सापडलेली असून तिच्या ऐतिहासिक व भावनिक मूल्यामुळे ती खास ओळखली जाते. वाडिया कुटुंब या घरावर हक्क मिळवण्याचा प्रयत्न करत आहे, कारण त्यांचा दावा आहे की ही त्यांची कौटुंबिक वारसा मालमत्ता आहे.