Kamala Harris: ‘ट्रम्प गुन्हेगारी टोळीचे म्होरक्या!’ कमला हॅरिस यांचा इराण युद्धावरून ट्रम्पवर संताप; 2028 साठी थोपटले दंड

अमेरिकेच्या माजी उपराष्ट्रपती कमला हॅरिस यांनी इराणसोबतच्या युद्धावरून डोनाल्ड ट्रम्प यांच्यावर जोरदार हल्ला चढवला आहे. अमेरिका आपल्या मित्र राष्ट्रांसाठी एक भागीदार म्हणून अधिकाधिक अविश्वसनीय बनत चालली आहे.

• हॅरिस यांचा ‘घरचा आहेर’
• ट्रम्प यांची ‘गँगस्टर’शी तुलना
• २०२८ च्या निवडणुकीचे संकेत

Kamala Harris slams Donald Trump Iran war : अमेरिकेच्या अंतर्गत राजकारणात आता पुन्हा एकदा ठिणगी पडली आहे. माजी उपराष्ट्रपती कमला हॅरिस (Kamala Harris) यांनी राष्ट्राध्यक्ष डोनाल्ड ट्रम्प (Donald Trump) यांच्या परराष्ट्र धोरणांवर, विशेषतः इराणसोबतच्या युद्धाच्या भूमिकेवरून अत्यंत तिखट शब्दांत हल्ला चढवला आहे. हॅरिस यांच्या मते, ट्रम्प यांच्या अदूरदर्शी निर्णयामुळे अमेरिका आता आपल्या मित्र राष्ट्रांसाठी एक “अविश्वासू भागीदार” बनत चालली आहे. नॅशनल ॲक्शन नेटवर्क कॉन्फरन्समध्ये बोलताना त्यांनी मांडलेले विचार सध्या जागतिक चर्चेचा विषय ठरले आहेत.

ट्रम्प आणि गुन्हेगारी टोळी: हॅरिस यांचा खळबळजनक आरोप

कमला हॅरिस यांनी आपल्या भाषणात शब्दांची कोणतीही मर्यादा पाळली नाही. त्यांनी ट्रम्प यांची तुलना थेट एका गँगस्टरशी केली. हॅरिस म्हणाल्या, “डोनाल्ड ट्रम्प हे एखाद्या राष्ट्राध्यक्षासारखे नाही, तर गुन्हेगारी टोळीच्या म्होरक्यासारखे वागतात. ते जगाकडे एका केकसारखे पाहतात आणि त्याची वाटणी आपल्या जवळच्या मित्रपक्षांमध्ये करतात. ‘तुम्ही पूर्व युरोप घ्या, मी पश्चिम गोलार्ध घेईन’ अशा प्रकारची त्यांची भाषा अमेरिकेचे जागतिक स्थान कमकुवत करत आहे.” ट्रम्प यांनी नाटोवर (NATO) केलेले हल्ले आणि इराणशी छेडलेले युद्ध हे अमेरिकेला विनाशाकडे नेणारे पाऊल असल्याचे त्यांनी अधोरेखित केले.

जागतिक घडामोडी संबंधित बातम्या वाचण्यासाठी येथे क्लिक करा : Islamabad Peace Talks : ‘अमेरिकेने पाठीत खंजीर खुपसला!’ इस्लामाबादमध्ये उतरताच गालिबाफ यांची जुन्या जखमांची उकल

“रात्रीची झोप उडाली आहे”: अमेरिकेच्या भवितव्याबद्दल चिंता

हॅरिस यांनी सांगितले की, अमेरिकेची सध्याची जागतिक स्थिती पाहून त्यांना रात्री झोप लागत नाही. एकेकाळी जगाचे नेतृत्व करणारा हा देश आता स्वतःच्याच कोषात अडकत चालला आहे. ट्रम्प यांच्या “अमेरिका फर्स्ट” या धोरणामुळे मित्र राष्ट्रे दुरावली जात असून, रशिया आणि इराणसारख्या देशांना त्याचा फायदा होत आहे. हॅरिस यांनी असा दावा केला की, ट्रम्प यांनी जागतिक प्रभाव प्रमुख शक्तींमध्ये विभागल्यामुळे लोकशाहीवादी देशांचे मनोबल खचले आहे.

See more

VP Harris: Trump entered into this war of choice with Iran. The man said he got rid of their nuclear arsenal. Well, evidently he didn’t do that. 13 U.S. service members have lost their lives. Hundreds of others were injured. He’s abandoning alliances. pic.twitter.com/FB744SG7R0 — FactPost (@factpostnews) April 10, 2026

credit – social media and Twitter

२०२८ चा रणसंग्राम: हॅरिस पुन्हा मैदानात?

२०२४ च्या अध्यक्षीय निवडणुकीत ट्रम्प यांच्याकडून झालेल्या पराभवानंतर हॅरिस काही काळ शांत होत्या. मात्र, आता त्यांनी पुन्हा एकदा शड्डू ठोकला आहे. २०२८ च्या निवडणुकीत अमेरिकन लोकांसाठी सर्वोत्तम पर्याय कोण असेल, याचा आपण गांभीर्याने विचार करत असल्याचे त्यांनी सांगितले. त्यांच्या या विधानामुळे डेमोक्रॅटिक पक्षात नव्या ऊर्जेचे वातावरण असून, ट्रम्प यांच्या विरोधात एक मोठा आघाडी उभी करण्याचे संकेत त्यांनी दिले आहेत.

जागतिक घडामोडी संबंधित बातम्या वाचण्यासाठी येथे क्लिक करा : India Power: ‘पाकिस्तानचे मोठे नुकसान होऊ शकते, भारताला पर्वा नाही’; इस्लामाबाद वाटाघाटींवर US तज्ज्ञांनी दिला विनाशाचा इशारा

राजकीय प्रवासाचा वारसा

कमला हॅरिस यांनी कॅलिफोर्नियाच्या ॲटर्नी जनरलपासून ते उपराष्ट्राध्यक्षपदापर्यंतचा मोठा प्रवास केला आहे. जो बायडेन यांच्या कार्यकाळात त्यांनी घेतलेले निर्णय आणि आता ट्रम्प यांच्या कार्यकाळातील विरोधाभास त्या जनतेसमोर मांडत आहेत. “ट्रम्प हे केवळ अमेरिकेसाठीच नाही, तर संपूर्ण जगाच्या शांततेसाठी धोकादायक आहेत,” हा संदेश त्यांनी स्पष्टपणे दिला आहे. आता हॅरिस यांच्या या ‘गँगस्टर’ टीकेला ट्रम्प कशा प्रकारे उत्तर देतात, याकडे संपूर्ण जगाचे लक्ष लागले आहे.