Hormuz Crisis : होर्मुझवर पुन्हा ताळेबंदी! इस्रायलच्या लेबनॉनवरील हल्ल्यामुळे इराणचा संताप अनावर; महागाईचा भडका उडणार?

US Iran Ceasefire : अमेरिका इराण युद्धविरामाला मोठा धक्का पोहोचला आहे. एकीकडे ट्रम्प यांनी इराणचा प्रस्ताव फेटाळला आहे, तर इस्रायलचे लेबनॉनवर हल्ले सुरु आहेत. यामुळे इराणने संतापून स्ट्रेट ऑफ होर्मुझ पुन्हा बंद केला आहे.

• युद्ध पुन्हा भडकले
• इस्रायलच्या लेबनॉनवरील हल्ल्यामुळे इराणचा मोठा निर्णय
• होर्मुझचा मार्ग पुन्हा बंद

Iran Shuts Hormuz After Israel’s Missiles hit Lebnon : तेहरान/जेरुसलेम : पश्चिम आशियात पुन्हा अशांतता निर्माण झाली आहे. अमेरिका आणि इराण मध्ये १४ दिवसांच्या युद्धविरामाला काही तास उलटले नाहीत, तोपर्यंत  इस्रायलने लेबनॉनवर हल्ले केले आहेत. या हल्ल्यांमुळे १० मिनिटांतच लेबनॉनमध्ये भीषण विनाश घडला असून मृतांचा आकडा २५० वर पोहोचला आहे. यामुळे इराण(Iran)ने संताप व्यक्त करत होर्मुझची सामुद्रधुनी बंद केली आहे.

US Iran Ceasefire : इराणचा प्रस्ताव थेट कचऱ्यात! ट्रम्प यांचे सूर पुन्हा बदलले; इराणसमोर आखली ‘रेड लाईन’, युद्ध अटळ?

इस्रायलचे लेबनॉनवर हल्ले

इस्रायलच्या हवाई दलाने लेबनॉनमधील हिजबुल्लाहच्या ठिकाणांना लक्ष्य केले असून १० मिनिटांत १०० हून अधिक बॉम्बफेक केले आहेत. लेबनीज सिव्हिल डिफेन्सने दिलेल्या माहितीनुसार इस्रायलच्या हल्ल्यात २५४ लोकांना मृत्यू झाला असून १००० हून अधिक लोक जखमी आहेत.

लेबनॉनची राजधानी बेरुतवरील हल्ल्यात ९१ लोकांचा बळी गेला आहे. अनेक इमारती जमीनदोस्त झाल्या असून लोक मलब्यांच्या ढिगाऱ्याखाली अडकले आहेत. जागतिक स्तरावर इस्रायल(Israel)च्या या हल्ल्यांचा तीव्र निषेध केला जात आहे. जखमींना रुग्णालयात नेण्यात आले आहे परंतु लोकांची संख्या जास्त असल्याने सेवांचा पुरवठा कमी पडत आहे.

इराणच्या अटींनुसार, लेबनॉन शस्त्रसंधी कराराचा भागा होता. मात्र इस्रायलचे पंतप्रधान बेंजामिन नेतन्याहू (Benjamin Netanyahu) यांनी लेबनॉन कोणत्याही कराराचा भाग नसल्याचे स्पष्ट केले होते. यानंतर युद्धविरामाच्या काही तासांच लेबनॉनवर हल्ले झाले आणि संपूर्ण चित्र पालटले.

होर्मुझ पुन्हा बंद

इस्रायलच्या या कृतीमुळे इराणचा संताप अनावर झाला आहे. इराणने आक्रमक प्रत्युत्तर देत जागतिक तेल व्यापारासाठी महत्त्वाचा असलेला मार्ग स्ट्रेट ऑफ होर्मुझ (Strait Of Hormuz) पुन्हा बंद केला आहे. अनेक तेलवाहू टँकर्सला रोखण्यात आले आहे. इराणच्या रिव्होल्यूशनरी गार्ड कॉर्प्सने इशारा दिला आहे की, लेबनॉनवरील हल्ले थांबले नाही तर याचे अमेरिका इस्रायलला गंभीर परिणाम भोगावे लागतील.

ट्रम्प यांनी फेटाळला इराणचा १० कलमी प्रस्ताव

दुसरीकडे डोनाल्ड ट्रम्प (Donald Trump) यांनी इराणचा युद्धबंदीचा १० कलमी प्रस्तावाला थेट कचऱ्याच्या टोपलीत टाकले आहे. इराणचा प्रस्ताव गंभीर नसून त्यांनी युरेनियमचा साठा पुर्णपणे बंद करावा अशी मागणी केली आहे.

जागतिक परिणाम

सध्या अमेरिका आणि इराणमधील युद्धविराम करार मोडल्याने जागतिक स्तरावर पुन्हा एकदा चिंता निर्माण झाली आहे. इराणने होर्मुझचा मार्ग बंद केल्याने अनेक तेल आणि गॅसवाहू जहाजे समुद्रात अडकून पडली आहे. यामुळे जागतिक इंधन आणि उर्जा पुरवठा धोक्यात आला आहे. यामुळे जगभरात महागाईचा भडका उडण्याची शक्यता आहे.

US Iran Ceasefire: इराण सीजफायरसाठी गिडगिडलं? अमेरिकेच्या संरक्षण मंत्र्यांचा खळबळजनक दावा; जाणून घ्या नेमक काय म्हणाले?