Middle East War: ‘कोणाचीच गरज नाही…’, मित्रराष्ट्रांनी नकार दिल्याने बिथरले ट्रम्प; आक्रमक पवित्रा घेत इराणला नमतं केल्याचा दावा

Trump on NATO : ट्रम्प यांनी नाटो देशांना कडक शब्दात फटकारले आहे. नाटो देशांनी लष्करी मदत करण्यास अमेरिकेला नकार दिला आहे. ज्यामुळे ट्रम्प यांना नाटोवर गंभीर आरोप केले आहेत.

• नाटोने सोडली अमेरिकेची साथ
• ट्रम्प यांनी केला संताप व्यक्त
• जगाला दिला गंभीर इशारा

Trump and NATO Allies Conflict : मध्यपूर्वेतील इराण-अमेरिकात युद्धा(US-Iran War) ला 18 दिवस पूर्ण झाली आहेत. या युद्धामुळे जागतिक स्तरावर गंभीर चिंतेचे वातावरण निर्माण झाले असून कोणीही माघार घेण्यास तयार नाही. इराणने होर्मुझ खाडी बंद केल्याने जागतिक बाजारात इंधन दरातही मोठी वाढ झाली आहे. याच पार्श्वभूमीवर डोनाल्ड ट्रम्प (Donald Trump)  यांनी NATO कडे मदत मागितली होती. पण सर्व देशांनी नकार दिल्याने ट्रम्प यांनी संताप व्यक्त केला आहे.

ट्रम्प यांनी आक्रमक पवित्रा घेत स्पष्ट केले आहे की, इराणच्या विनाशासाठी आता त्यांना कोणत्याही देशाच्या मदतीची गरज नाही. त्यांच्या या विधानाने मोठी खळबळ उडाली आहे. मीडिया रिपोर्टनुसार, अमेरिकेने स्ट्रेट ऑफ होर्मुझचा सागरी मार्ग मोकळा करण्यासाठी नाटोतील मित्रराष्ट्रांसह चीन, रशिया आणि जपानलाही लष्करी मदतीचे आवाहन केले होते. मात्र सर्वच प्रमुख राष्ट्रांनी अमेरिकेला साथ देण्यास नकार दिला.

Middle East War : रशिया बनला इराणचा ‘तिसरा डोळा’! अमेरिकेच्या नाकाखालून पुरवतोय लष्करी तळांची गुप्त माहिती?

नाटो देशाला सुनावले खडे बोल

ट्रम्प यांना नाटोकडून नकार मिळाताच त्यांनी ट्रुथवर पोस्ट करत तीव्र संताप व्यक्त केला. त्यांनी नाटोला एकतर्फी संस्था संबोधत नाटो वर गंभीर आरोप केला की, अमेरिकेने त्यांच्या सुरक्षेसाठी अब्जावधी डॉलर्स खर्च केले, पण जेव्हा अमेरिकेला त्यांची गरज पडली तेव्हा त्यांनी मदत करण्यास नकार दिला.

यामुळे  अमेरिकेला आता कोणत्याच देशाची गरज नसल्याचा म्हणतं त्यांनी इराणला नमतं केले असल्याचा दावा केला. अमेरिकेने एकट्याने इराणची लष्करी, नौदल, हवाई दल आणि त्यांचे रडार सिस्टम पूर्णपणे उद्ध्वस्त केल्याचा दावा त्यांनी केला.

ट्रम्प यांनी असाही दावा केला की, इराणचे नवे सुप्रीम लीडर मोजतबा खामेनेई यांच्याकडे आता अमेरिकेला किंवा मध्यपूर्वेतील कोणत्याही देशांना धमकी देण्याएवढी ताकद उरलेली नाही. इराण आता गुडघ्यावर आला आहे असे सांगत त्यांनी अमेरिकेच्या पराक्रमाचा पाढा वाचला.

दक्षिण आशियाई देशांवरही संतापले ट्रम्प

तसेच त्यांनी स्वतंत्र लष्करी धोरणाची घोषणा करत जपान, ऑस्ट्रेलिया आणि दक्षिण कोरियासारख्या आशियाई मित्र राष्ट्रांनाही फटकारले. त्यांनी म्हटले की अमेरिका जगातील सर्वात शक्तिशाली राष्ट्र आहे, आणि या देशाचा राष्ट्राध्यक्ष म्हणून आता कोणाच्याही मदतीची अपेक्षा नाही. अमेरिका एकटाच आपली सर्व उद्दिष्टे साध्य करु शकतो असे म्हटले.

See more

US President Donald Trump posts on Truth Social -“The United States has been informed by most of our NATO “Allies” that they don’t want to get involved with our Military Operation against the Terrorist Regime of Iran, in the Middle East, this, despite the fact that almost every… pic.twitter.com/6Yt3gqzHaR — ANI (@ANI) March 17, 2026

Donald Trump प्रशासनात मोठा भूकंप! “इस्रायलच्या दबावामुळे इराणवर युद्ध…”, अमेरिकन टॉप ऑफिसर यांचा खळबळजनक राजीनामा