रविवार, 8 नोव्हेंबर 2026
Middle East War : रशिया बनला इराणचा 'तिसरा डोळा'! अमेरिकेच्या नाकाखालून पुरवतोय लष्करी तळांची गुप्त माहिती? (फोटो सौजन्य: एआय जनरेटेड)
इराणने अमेरिका(America)-इस्रायलच्या कारवाईनंतर अत्यंत आक्रमक भूमिका घेत मध्यपूर्वेतील आखाती देशामंध्ये अमेरिकन लष्करी तळे आणि दूतावासांवर हल्ला केला होता. हल्ला इतका भयंकर आणि अचूक होता की अमेरिकाही संभ्रमात पडली होती. याच पार्श्वभूमीवर काही आंतरराष्ट्रीय माध्यमांच्या अहवालांमध्ये दावा केला जात आहे की, इराणच्या या अचूक हल्ल्यांमागे रशियाची सॅटेलाइट इंटेलिजेंसची शक्ती आहे.
वॉशिंग्टन पोस्टने दिलेल्या अहवालानुसार, रशिया आपल्या प्रगत सॅटेलाइट नेटवर्कद्वारे इराणला अमेरिकी युद्धनौका आणि लष्करी तळांचे अचूक लोकेशन पोहचवत आहे. या रिअल-टाइम डेटाच्या मदतीने इराण(Iran) ड्रोन आणि क्षेपणास्त्र हल्ल्यात अमेरिकन ताफ्यांना लक्ष्य करण्यात यशस्वी होत आहे. रशिया इराणसाठी एका तिसऱ्या डोळ्याप्रमाणे कार्य करत आहे. यामुळे अमेरिकेची सुरक्षा यंत्रणाही चक्रावून गेली आहे.
रशिया आणि इराणचे लष्करी संबंध हे अत्यंत मजबूत आणि देवाण-घेवाणीवर आहेत. युक्रेन युद्धात इराणने रशियाला मोठ्या प्रमाणात ड्रोन आणि क्षेपणास्त्रांची मदत पाठवली होती. यामुळे इराण संकटात असताना रशिया त्याच्या पाठिशी उभा राहिला आहे. रशियाचे राष्ट्राध्यक्ष व्लादिमिर पुतिन (Vladimir Putin) यांनी डोनाल्ड ट्रम्प (Donald Trump) यांच्याशी चर्चाही केली होती. परंतु यावेळी त्यांनी युद्धात सहकार्यास नकार दिला होता. मात्र लष्करी हालचालींवरुन रशिया इराणला मदत करत असल्याचे चित्र दिसत आहे.
इराणच्या सतत आणि अचूक हल्ल्यामुळे अमेरिकेच्या सुरक्षा यंत्रणा निकामी झाल्या आहेत. यामुळे अमेरिका सध्या बचावात्मक भूमिक घेत आहे. अमेरिकेने ड्रोन इंटरसेप्टर युक्रेनला रशियाविरुद्धच्या युद्धात देण्याचे मान्य केले होते. परंतु आता हे ड्रोन इंटरसेप्टर इराणच्या दिशेने वळवण्यात आले आहे.
याच वेळी चीन(China) ही अत्यंत सावधगिरीने इराणला आर्थिक आणि तांत्रिक मदत पुरवत असल्याचा दावा अहवालांमध्ये करण्यात आला आहे. थेट लष्करी संघर्षात पडणे चीनने टाळले असले तर इराणच्या तेलावरील अवलंबित्वामुळे चीन त्याला पाठिंबा देत आहे. शिवाय इराणचे परराष्ट्र मंत्री अब्बास अराघची यांनी रशिया-चीनच्या सहकार्याची पुष्टी केल्यामुळे अमेरिका विरोधात ही तिघडी तयार होताना दिसत आहे.
Ans: काही आंतरराष्ट्रीय माध्यमांच्या अहवालांमध्ये दावा केला जात आहे की, इराणच्या या अचूक हल्ल्यांमागे रशियाची सॅटेलाइट इंटेलिजेंसची शक्ती आहे. परंतु याची अधिकृत पुष्टी झालेली नाही.
Ans: वॉशिंग्टन पोस्टने दिलेल्या अहवालानुसार, रशिया आपल्या प्रगत सॅटेलाइट नेटवर्कद्वारे इराणला अमेरिकी युद्धनौका आणि लष्करी तळांचे अचूक लोकेशन पोहचवत आहे. या रिअल-टाइम डेटाच्या मदतीने इराण अचूकपणे अमेरिकेवर हल्ला करत आहे.
