US Iran War : इराणचा अंत जवळ आलाय? अमेरिकेचे महाकाय ‘ब्रह्मास्त्र’ युद्धाच्या मैदानात, जगाचे धाबे दणाणले

Strait of Hormuz crisis : इराणने स्ट्रेट ऑफ होर्मुझची नाकेबंदी केली असून याचा जागतिक तेल बाजाराला मोठा फटका बसत असल्याने चिंतेचे वातावरण निर्माण झाले आहे. याच पार्श्नभूमीवर अमेरिकेने महाकाय युद्धजहाज युद्धात उतरवले आहे.

• इराणची आता खैर नाही
• अमेरिकेने अरब खाडीत धाडले सर्वात घातक शस्त्र
• समुद्रात मोठी उलथापालथ होणार

US Navy amphibious assault ship : वॉशिंग्टन : मध्यपूर्वेतील अमेरिका-इस्रायल विरुद्ध इराण तणावाने (US-Israel VS Iran War) आता विनाशकारी रुप घेतले आहे. इराणने जगासाठी अत्यंत महत्त्वाचा स्ट्रेट ऑफ होर्मुझ सागरी मार्ग बंद केल्याने जागतिक बाजारपेठेत तेल आणि वायूचे संकट निर्माण झाले आहे. ज्यामुळे जागतिक अर्थव्यवस्थेलाच नव्हे, तर प्रत्येक देशाच्या अर्थव्यवस्थेला फटका बसू लागला आहे. या नाकेबंदीला चोख प्रत्युत्तर देण्यासाठी आता अमेरिकेने मोठी तयारी केली आहे. अमेरिकेने आपली अत्यंत घातक युद्धनौका USS Tripoli खाडीच्या दिशेने रवाना केली आहे. यामुळे जगभरात खळबळ उडाली असून समुद्रात मोठी उलथापालथ होण्याची शक्यता निर्माण झाली आहे.

Israel Iran War : इस्रायलला मोठा दणका! ‘Iron Dome’ चा रक्षकच निघाला इराणी जासूस, जगभरात खळबळ

काय आहे अमेरिकेचे नेमकं मिशन?

मिळालेल्या माहितीनुसार, अमेरिकेने आपले सर्वात घातक युद्धजहाज USS Tripoli हिंद महासागरातून अरबी समुद्राकडे धाडले आहे. अमेरिकेची ही युद्धनौका समुद्रावर तरंगणारे एक लष्करी शहर मानले जाते. या युद्धनौकेवर ३१ व्या मरीन एक्सपीडिशनरी युनिटचे सुमारे २,२०० सैनिक तैनात केले आहेत. या युद्धनौकेला रॅपिड रिस्पॉन्स फोर्स सून ही जमिनीवर आणि पाण्यात दोन्ही ठिकाणी हल्ल्यास सक्षम आहे.

अमेरिकेच्या या घातक शस्त्रावर सर्वात प्रगत F-35 स्टेल्थ लढाऊ विमान, MV-22 Osprey टिल्ट-रोटर विमाने आणि MH-60S Seahawk हेलिकॉप्टर तैनात करण्यात आली आहेत. याचा मोहिमेचा उद्देश इराणने बंद केलेली होर्मुझची खाडी पुन्हा जगासाठी सुरु करणे आहे.कारण या मार्गावरुन गातील एकूण कच्च्या तेलाच्या पुरवठ्यापैकी २० ते ३० टक्के व्यापार होतो. हा तेल आणि गॅस व्यापार थांबल्याने जागतिक बाजारात मोठा तुटवडा निर्माण झाला आहे. यामुळे जगाच्या अर्थव्यवस्थेवर मोठे संकट ओढावले आहे.

इराणचे अमेरिकेला खुले आव्हान

काही दिवसांपूर्वीच इराणच्या रिव्होल्यूशनरी गार्ड कॉर्प्सने (IRGC) अमेरिकेची दुसरी सर्वात मोठी युद्धनौका USS Abraham Lincoln’ वर हल्ल्याचा दावा केला होता. परंतु अमेरिकेने हा दावा फेटाळला आहे. सध्या अमेरिकेच्या या नव्या USS Tripoli मुळे मध्यपूर्वेतच्या भागात अमेरिकेची शक्ती अधिक वाढण्याची शक्यता आहे.

अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी अद्याप याबाबात कोणतीही माहिती जाहीर केलेलीनाही. परंतु अमेरिकेच्या रक्षणासाठी कोणतीही कसर सोडणार नसल्याचे संकेत दिले आहेत. इराणने होर्मुझचा मार्ग बंद केल्याने पेट्रोल डिझेलच्या किमती गगनाला भिडल्या आहेत. जर अमेरिकेची सर्वात घातक युद्धनौका अरब समुद्रात पोहोचली तर इराणच्या किनारी भागातील क्षेपणास्त्र तळांवर थेट कारवाई होऊ शकते असे म्हटले जात आहे.

मिळालेल्या माहितीनुसार, या युद्धनौकेसोबत लँडिग क्राफ्ट देखील आहे. ज्याच्या मदतीने अमेरिकन सैनिक इराणच्या धोरणात्मक दृष्टीने महत्त्वाच्या बेटांवर किंवा किनारपट्टीवर उतरु शकते. अमेरिकेच्या या लष्करी हालचालीमुळे मध्यपूर्वेतील परिस्थिती अत्यंत धोकादायक वळणावर येऊन पोहोचली आहे. गेल्या २०-२१ दिवसांपासून सुरु असलेले हे युद्ध आता काय रुप घेईल असा प्रश्न उपस्थित होत आहे.

Global Power Shift : दोघांच्या भांडणात तिसऱ्याचा लाभ! अमेरिका-इराण युद्धात रशियाची चांदीच चांदी; पुतिन ठरले खरे विजयी?