GST Impact : कंगाल पाकिस्तान आता ‘कंडोम’साठी रडणार; IMF ने शाहबाज सरकारची ‘ही’ मागणी फेटाळली, सामान्यांचे हाल

आंतरराष्ट्रीय नाणेनिधीच्या निर्णयामुळे पाकिस्तानच्या शाहबाज शरीफ सरकारसाठी कठीण परिस्थिती निर्माण झाली आहे. पाकिस्तानी लोक आधीच असंख्य समस्यांनी ग्रस्त होते. त्यांच्यासाठी कंडोम खरेदी करणे देखील कठीण होईल.

• पाकिस्तान सरकारने कंडोमवरील १८% GST कमी करण्याची विनंती केली होती, जी आंतरराष्ट्रीय नाणेनिधीने (IMF) फेटाळून लावली आहे.
•  वाढत्या महागाईमुळे पाकिस्तानात आता कंडोम आणि गर्भनिरोधक साधने सर्वसामान्यांच्या आवाक्याबाहेर गेली असून ती ‘लक्झरी’ वस्तू बनली आहेत.
•  दरवर्षी ६० लाख लोकसंख्या वाढणाऱ्या पाकिस्तानात गर्भनिरोधके महागल्यामुळे सामाजिक आणि आर्थिक समस्यांचा डोंगर उभा राहिला आहे.

IMF rejects Pakistan GST cut on condoms : आर्थिक दिवाळखोरीच्या उंबरठ्यावर असलेल्या पाकिस्तानसमोर (Pakistan) आता एक अजब पण तितकेच गंभीर संकट उभे राहिले आहे. पिठाचा भाव गगनाला भिडल्यानंतर आता पाकिस्तानात कंडोम आणि गर्भनिरोधक साधने खरेदी करणेही सर्वसामान्यांसाठी अशक्य झाले आहे. पाकिस्तान सरकारने या जीवनावश्यक वस्तूंवरील १८% जनरल सेल्स टॅक्स (GST) कमी करण्याची मागणी केली होती, मात्र आंतरराष्ट्रीय नाणेनिधीने (IMF) ही मागणी अतिशय कडक शब्दांत फेटाळून लावली आहे. यामुळे पंतप्रधान शाहबाज शरीफ यांच्या अडचणीत मोठी वाढ झाली आहे.

IMF ने का नाकारली मदत?

पाकिस्तान सध्या IMF कडून मिळणाऱ्या कर्जाच्या तुकड्यांवर जगत आहे. शाहबाज शरीफ सरकारने असा युक्तिवाद केला होता की, १८% करामुळे गर्भनिरोधक उत्पादने ही ‘लक्झरी’ (चैनीच्या) वस्तूंमध्ये मोडू लागली आहेत. गरिबांना ही उत्पादने परवडत नाहीत, परिणामी देशाची लोकसंख्या अनियंत्रितपणे वाढत आहे. मात्र, IMF ने स्पष्ट केले की, पाकिस्तानने आधीच महसूल गोळा करण्याचे लक्ष्य पूर्ण केलेले नाही. अशा परिस्थितीत कर सवलत दिल्यास महसुलाचे ६०० दशलक्ष रुपयांचे नुकसान होईल, जे पाकिस्तानला सध्या परवडणारे नाही.

जागतिक घडामोडी संबंधित बातम्या वाचण्यासाठी येथे क्लिक करा : Saudi Snow : जगाचा अंत जवळ आलाय? सौदी अरेबियातील बर्फवृष्टीमुळे कालचक्र फिरलं अन् पैगंबरांची ‘ती’ भविष्यवाणी पुन्हा जिवंत

पाकिस्तानात कंडोम बनली ‘चैनीची वस्तू’

पाकिस्तानी मीडियाच्या वृत्तानुसार, देशातील मध्यमवर्गीय आणि गरीब कुटुंबांसाठी कुटुंब नियोजन करणे आता कठीण झाले आहे. फेडरल बोर्ड ऑफ रेव्हेन्यूने (FBR) वॉशिंग्टनमधील अधिकाऱ्यांसोबत अनेक व्हर्च्युअल बैठका घेतल्या, पण त्याचा काहीही फायदा झाला नाही. केवळ कंडोमच नाही, तर महिलांसाठीचे सॅनिटरी पॅड आणि लहान मुलांचे डायपर यांवरील कर कमी करण्यासही IMF ने विरोध दर्शवला आहे. यामुळे देशातील आरोग्य व्यवस्था आणि स्वच्छतेचा प्रश्न अधिक गंभीर झाला आहे.

See more

NO CHEAP CONDOMS FOR PAKISTAN 🛑 Pakistan, which has one of the highest population growth rates in the world along with high levels of inflation, will have to continue shelling out more money for contraceptives like condoms since the International Monetary Fund (IMF) has… — 🥇 Pragnya Gupta (@GuptaPragnya) December 19, 2025

credit : social media and Twitter

लोकसंख्येचा भस्मासुर आणि शाहबाज सरकारचा ताण

पाकिस्तानमधील लोकसंख्या वाढीचा दर २.५५ टक्के इतका प्रचंड आहे. दरवर्षी या देशात सुमारे ६० लाख नवीन लोकांची भर पडते. आधीच कर्जबाजारी असलेल्या पाकिस्तानला या वाढत्या लोकसंख्येला शिक्षण, आरोग्य आणि अन्न पुरवणे अशक्य होत आहे. जर गर्भनिरोधक साधने महागली, तर हा लोकसंख्येचा दर आणखी वाढेल आणि पाकिस्तानची आर्थिक व्यवस्था पूर्णपणे कोलमडून पडेल, अशी भीती तज्ज्ञांनी व्यक्त केली आहे.

जागतिक घडामोडी संबंधित बातम्या वाचण्यासाठी येथे क्लिक करा : Sun God Ra: इजिप्तमध्ये ‘सूर्याचा’ उदय! 4,500 वर्षांपूर्वीचे रहस्यमयी मंदिर सापडले; प्राचीन विज्ञानाचा धक्कादायक खुलासा

IMF ने पाकिस्तानला इशारा दिला आहे की, अशा प्रकारच्या कर सवलतींमुळे तस्करी (Smuggling) वाढण्याची शक्यता असते. तसेच, पाकिस्तानने पुढील बजेटपर्यंत वाट पाहावी, असेही निर्देश दिले आहेत. या निर्णयामुळे शाहबाज शरीफ सरकारची देशांतर्गत प्रतिमा मलिन होत असून, विरोधकांनी आता सरकारला घेरण्यास सुरुवात केली आहे. आधीच ‘कंगाल’ झालेल्या पाकिस्तानसमोर आता ‘वाढती लोकसंख्या’ हे सर्वात मोठे आव्हान आहे. IMF च्या कडक अटींमुळे गरिबांच्या मूलभूत गरजांवर गदा येत असून, पाकिस्तानचे भविष्य अंधकारमय दिसत आहे.