Not only Kashmir but also Europe and Islamic countries are facing Pakistan's terrorism
Pakistan terrorism international response : काश्मीरच्या पहलगाममध्ये झालेल्या दहशतवादी हल्ल्यामुळे पुन्हा एकदा पाकिस्तानचा ‘दहशतवाद पुरस्कर्ता’ देश म्हणून असलेला चेहरा जगासमोर आला आहे. विशेष म्हणजे, या हल्ल्यानंतर केवळ भारत नव्हे तर अनेक युरोपीय व इस्लामिक देशही पाकिस्तानच्या भूमीवर वाढणाऱ्या दहशतवादाचा सामना करत आहेत.
या पार्श्वभूमीवर पाकिस्तानचे संरक्षणमंत्री ख्वाजा आसिफ यांनी नुकतीच केलेली कबुली अत्यंत धक्कादायक ठरली आहे. त्यांनी खुलेपणाने स्वीकारले की, पाकिस्तानने गेल्या तीन दशकांपासून दहशतवाद्यांना आधार दिला आणि पश्चिमी देशांच्या फायद्यासाठी “घाणेरडं काम” केलं आहे. ही कबुली केवळ एक राजकीय विधान नाही, तर पाकिस्तानच्या दहशतवादी धोरणाचा स्पष्ट पुरावा मानली जात आहे.
काश्मीरमधील बैसरन खोऱ्यात झालेल्या पहलगाम हल्ल्यात सहभागी असलेला मुख्य हल्लेखोर हाशिम मुसा याची ओळख एक माजी पाकिस्तानी पॅरा-कमांडो म्हणून झाली आहे. नंतर तो लष्कर-ए-तैयबा या दहशतवादी संघटनेत सामील झाला आणि भारतात घातपात घडवून आणण्याच्या उद्देशाने प्रशिक्षित झाला होता. त्याला पकडण्यासाठी भारतीय सुरक्षा यंत्रणा व्यापक शोधमोहीम राबवत आहे.
जागतिक घडामोडी संबंधित बातम्या वाचण्यासाठी येथे क्लिक करा : ‘POK जिंकण्याचा एकमेव मार्ग म्हणजे युद्ध…’ चीनने रचला पाकव्याप्त काश्मीरमध्ये ‘मृत्यूचा सापळा’, भारतासाठी आव्हान?
केवळ भारतातच नव्हे, तर अफगाणिस्तान, इराण, रशिया आणि युनायटेड किंग्डम या देशांनाही पाकिस्तानमधून चालणाऱ्या दहशतवादी नेटवर्कचा फटका बसला आहे.
अफगाणिस्तानात, तालिबान आणि हक्कानी नेटवर्कचे हल्ले हे पाकिस्तानच्या ISI (इंटर-सर्व्हिसेस इंटेलिजेंस) संस्थेच्या मदतीने घडवून आणले गेले आहेत. 2008 मध्ये काबूलमधील भारतीय दूतावासावर झालेला हल्ला आणि 2011 मधील अमेरिकन दूतावासावरचा हल्ला हे त्याचे प्रमुख उदाहरण आहे.
ज्येष्ठ पत्रकार कार्लोटा गॉल यांच्या पुस्तकात नमूद केल्यानुसार, हे हल्ले आयएसआयच्या सर्वोच्च अधिकाऱ्यांच्या संमतीने आणि देखरेखीखाली झाले होते, जे पाकिस्तानच्या दहशतवादाशी असलेल्या संस्थात्मक संबंधांची पुष्टी करतात.
Terror Trail of Pakistan from Kashmir, Kabul & Beyond !
Haqqani Network, London Bombings, Moscow Concert Hall Attacks , Jaish – ul- Adl etc etc
Pakistani Link to all Major Terror Attacks
World Unite Against Pak Sponsored Terrorism —- #PahalgamTerrorAttack pic.twitter.com/RmRc4wz8Ft
— Siddhant Mishra (@siddhantvm) April 30, 2025
credit : social media
जैश-उल-अदल नावाची पाकिस्तानस्थित सुन्नी अतिरेकी संघटना इराणच्या सिस्तान-बलुचिस्तान प्रांतात सतत हल्ले करत आहे. त्यामुळे इराणने प्रतिउत्तरादाखल पाकिस्तानमधील बलुचिस्तान प्रांतावर क्षेपणास्त्र व ड्रोन हल्ले केले. इराणने थेट पाकिस्तानवर आरोप केला की, तो या अतिरेक्यांना आश्रय देत असून त्यांच्यावर कारवाई करण्यात पूर्ण अपयशी ठरला आहे.
2005 च्या लंडन बॉम्बस्फोटामध्ये सहभागी तीन हल्लेखोरांनी हल्ल्याआधी पाकिस्तानमध्ये जाऊन दहशतवादी प्रशिक्षण घेतले होते. या घटनेमुळे युनायटेड किंग्डममध्ये पाकिस्तानविरोधी तीव्र प्रतिक्रिया उमटल्या.
एप्रिल 2024 मध्ये मॉस्कोमध्ये झालेल्या हल्ल्याच्या तपासातही हल्लेखोरांच्या पाकिस्तानी नेटवर्कशी संबंध असल्याचे संकेत समोर आले आहेत. ताजिक नागरिक असलेला सूत्रधार पाकिस्तानमधील विचारसरणीने प्रेरित किंवा त्याला पाठिंबा मिळाल्याची शक्यता रशियन तपास यंत्रणांनी दर्शवली आहे.
2011 मध्ये अमेरिकेने पाकिस्तानच्या अबोटाबाद येथे अल-कायदाचा प्रमुख ओसामा बिन लादेन याचा खात्मा केला. हा परिसर पाकिस्तानी लष्करी प्रशिक्षण अकादमीपासून अवघ्या काही किलोमीटर अंतरावर होता. त्यामुळे बिन लादेनला संरक्षण मिळवून देणाऱ्या पाकिस्तानी प्रशासनावर संशयाची शंका अधिकच दृढ झाली.
जागतिक घडामोडी संबंधित बातम्या वाचण्यासाठी येथे क्लिक करा : Pahalgam Terror Attack: भारताकडून हवाई क्षेत्र बंद तर पाकिस्तानकडून जॅमर आणि चिनी ‘ड्रॅगन’ क्षेपणास्त्रांची तैनाती
पाकिस्तानच्या संरक्षण मंत्र्यांनी दिलेली कबुली, पहलगामसारखे हल्ले, आणि आंतरराष्ट्रीय दहशतवादी घटनांमधील सहभाग हे सर्व मिळून पाकिस्तानचा दहशतवादासंदर्भातील ढोंगीपणा उघड करतात. भारत, इराण, अफगाणिस्तान, रशिया आणि युरोप – हे सर्व देश आज एका समान शत्रूशी सामना करत आहेत, आणि तो म्हणजे दहशतवाद पुरस्कृत पाकिस्तान. आता आंतरराष्ट्रीय समुदायाने या देशावर कठोर पावले उचलण्याची वेळ आली आहे.
.png "Videos"){kind=small}
