Imran Khan: ‘जीवानिशी मारण्याचा शहबाज सरकारचा प्रयत्न…’, इमरान खानच्या मुलांचा घणाघाती आरोप

Imran Khan: तुरुंगात असलेल्या पाकिस्तानचे माजी पंतप्रधान इम्रान खान यांच्या मुलांनी शहबाज सरकारवर गंभीर आरोप केले असून, आपल्या वडिलांना ठार मारण्याचे प्रयत्न होत असल्याचा दावा केला आहे.

• पाकिस्तानातील शहबाज सरकारवर इमरान खानच्या मुलांचे गंभीर आरोप

• वडिलांना मारून टाकण्याचा सरकारच प्रयत्न असल्याचे सांगितले

• गेल्या काही महिन्यांपासून इमरान खान तुरुंगात 

पाकिस्तानचे माजी पंतप्रधान आणि माजी क्रिकेट कर्णधार Imran Khan यांचे पुत्र कासिम आणि सुलेमान खान यांनी पाकिस्तानी सरकारवर गंभीर आरोप केले आहेत. त्यांचा दावा आहे की, सरकार तुरुंगात असलेल्या त्यांच्या वडिलांना ठार मारण्याचा प्रयत्न करत आहे. इमरान खाने गेल्या कित्येक वर्षांपासून पाकिस्तानात तुरुंगात आहे. 

‘द टेलिग्राफ’मधील एका वृत्तानुसार, इम्रान खान यांच्या मुलांनी त्यांच्या वडिलांच्या सुरक्षेबद्दल आणि तुरुंगातील वागणुकीबद्दल चिंता व्यक्त केली आहे. त्यांचा आरोप आहे की, पाकिस्तानी सरकारकडून त्यांच्या वडिलांना दिली जाणारी वागणूक त्यांच्या जीवाला धोका निर्माण करत आहे. तसंच त्यांना जीवानिशी मारण्याचा प्रयत्न केला जात असल्याचा गंभीर आरोपही त्यांच्या मुलांनी केला आहे. 

Imran Khan News : गावसकर-कपिल देव इम्रान खानच्या समर्थनार्थ; पाकिस्तानच्या पंतप्रधानांना पत्र

कासिम आणि सुलेमान हे जेमिमा गोल्डस्मिथ यांचे मुलगे 

७३ वर्षीय इम्रान खान गेल्या तीन वर्षांपासून तुरुंगात आहेत. ऑगस्ट २०२२ मध्ये पंतप्रधानपदावरून हटवल्यानंतर त्यांच्यावर अनेक कायदेशीर खटले दाखल करण्यात आले होते. तेव्हापासून ते विविध आरोपांखाली तुरुंगात आहेत. इम्रान खान यांचे पुत्र, कासिम आणि सुलेमान, हे त्यांच्या माजी पत्नी जेमिमा गोल्डस्मिथ यांचे पुत्र आहेत. या दोघांनीही पाकिस्तानातील त्यांच्या वडिलांच्या स्थितीबद्दल आणि सुरक्षेबद्दल बऱ्याच काळापासून चिंता व्यक्त केली आहे.

ताज्या आरोपांमुळे इम्रान खान यांच्या तुरुंगातील परिस्थितीबद्दल आंतरराष्ट्रीय स्तरावर पुन्हा एकदा प्रश्न उपस्थित झाले आहेत. या अहवालात पाकिस्तान आणि क्रिकेट यांच्यात इम्रान खान यांच्यावरून सुरू असलेल्या वादाचाही उल्लेख आहे. इम्रान खान हे पाकिस्तानी क्रिकेटमधील सर्वात प्रमुख व्यक्तींपैकी एक राहिले आहेत. त्यांच्या नेतृत्वाखाली पाकिस्तानने १९९२ चा क्रिकेट विश्वचषक जिंकला होता. नंतर त्यांनी राजकारणात प्रवेश केला आणि ते पाकिस्तानचे पंतप्रधान झाले.

Imran Khan: पाकिस्तानच्या राजकारणात नवी ‘डील’? इम्रान खान काढणार शाहबाज शरीफ यांचा काटा; नक्वींना दिला दिलासा

PTI चा राजकीय सूड

पंतप्रधानपदाचा राजीनामा दिल्यापासून इम्रान खान यांच्यावर अनेक खटले दाखल करण्यात आले आहेत. त्यांचे समर्थक आणि पक्ष, पाकिस्तान तेहरीक-ए-इन्साफ (पीटीआय), यांचा दावा आहे की त्यांच्यावरील कायदेशीर कारवाई राजकीय हेतूने प्रेरित आहे. दरम्यान, पाकिस्तानी सरकारने या खटल्यांना सातत्याने कायदेशीर प्रक्रियेचा भाग असल्याचे म्हटले आहे.

इम्रान खान यांच्या मुलांनी केलेले हे ताजे आरोप अशा वेळी आले आहेत, जेव्हा त्यांच्या वडिलांच्या दीर्घकाळच्या तुरुंगवासाबद्दल आणि त्यांच्या आरोग्य व सुरक्षेबद्दल चिंता कायम आहे. त्यांच्या आरोपांमुळे पाकिस्तानी सरकारवर आंतरराष्ट्रीय दबाव पुन्हा वाढला आहे. दरम्यान गेल्या तीन वर्षांपासून इम्रान खान तुरुंगात बंद आहे.