Pakistan News : इम्रान खान यांच्या प्रकृतीची चिंता; सुप्रीम कोर्टाचा मोठा आदेश

Pakistan News : पाकिस्तानच्या सर्वोच्च न्यायालयाने माजी पंतप्रधान इम्रान खान यांना वैद्यकीय तपासणी आणि उपचारांसाठी तुरुंगातून रुग्णालयात हलवण्याचे आदेश दिले आहेत. प्रकृती खालावल्याचा दावा करत इम्रान खान यांच्या वकिलांनी न्यायालयात याचिका दाखल केली होती.

• इम्रान खान यांना काय त्रास होत आहेत
• जनतेचा दबाव वाढला
• पाकिस्तानी लष्करासोबतचा वाद

Pakistan News : पाकिस्तानचे माजी पंतप्रधान आणि पाकिस्तान तहरीक- ए -इन्साफ ( PTI ) चे संस्थापक इम्रान खान यांची प्रकृती आणि वैद्यकीय उपचारांबाबबत सुरु असलेल्या वादाच्या पार्श्वभूमीवर पाकिस्तानच्या सर्वोच्च न्यायालयाने मोठा आदेश दिला आहे . न्यायालयाने इम्रान खान यांना रावळपिंडीच्या अडियाला तुरुंगातून इस्लामाबादमधील शिफा इंटरनॅशनल हॉस्पिटलमध्ये हलवण्याचे निर्देश दिले आहेत .

इम्रान खान यांना काय त्रास होत आहेत

इम्रान खान यांना ऑगस्ट २०२३ पासून तुरुंगात ठेवण्यात आले आहे . त्यांच्या आरोग्याबाबत यापूर्वीही त्यांच्या कुटुंबीयांनी आणि PTI ने प्रश्न उपस्थित केले होते . डोळ्यांच्या समस्येमुळे त्यांना विशेष उपचारांची गरज असल्याचा दावा करण्यात आला होता . त्याचबरोबर रक्तदाब याचा ही त्रास आहे .

तसेच इम्रान खान यांच्या वकिलांनी यापूर्वी सर्वोच्च न्यायालयात याचिका दाखल करून त्यांना त्यांच्या पसंतीच्या डॉक्टरांकडून तपासणी करून घेण्याची आणि शिफा इंटरनॅशनल हॉस्पिटलमध्ये उपचार करण्याची मागणी केली होती . या याचिकेत त्यांच्या वैयक्तिक डॉक्टरांना तसेच कुटुंबियांना वैद्यकीय उपचारांच्या वेळी प्रवेश देण्याची मागणीही करण्यात आली होती .

Donald Trump: ‘तू फेक रिपोर्टर आहेस…’, पत्रकाराने असा कोणता प्रश्न विचारला ज्यामुळे ट्रम्प संतापले, किम जोंग उनशी काय संबंध?

जनतेचा दबाव वाढला

पाकिस्तान मध्ये जेव्हा इम्रान खान याना अटक करत होते त्याचवेळी खूप मोठा गदारोळ झाला होता . खूपच कमी कालावधीत क्रिकेटर पासून पंतप्रधान झालेले इम्रान खान हे पाकिस्तान मधील मोठे राजकीय नेते म्हणून उदयास येत होते . तेव्हा त्यांच्यावर भ्रष्टाचाराचे आरोप करून त्यांना तुरुंगात टाकले . गेल्या तीन वर्षात त्यांच्यावर कोणतेही आरोप अजून सिद्ध झाले नाहीत .

एकतर इम्रान खान यांना अटक केल्यापासून त्यांच्या चाहत्यांनी आणि पक्षातील कार्यकर्त्यांनी मोठं मोठे मोर्चे , आंदोलने काढून त्यांना सोडण्याची मागणी केली . आणि अजून ही वारंवार मोर्चे काढण्याचे इशारे देऊन इम्रान खान यांना सोडण्याची मागणी केली जाते . पण POK मधील आंदोलन तीव्र झाल्यानंतर आणि इम्रान खान यांची तब्येत खालावल्या नंतर पाकिस्तान मधील जनतेचा रेटा खूपच वाढला . आणि सर्वोच्च न्यायालयातून अखेर एक समाधान कारक निर्णय द्यावा लागला . असे राजकीय जाणकार सांगतात .

Tupac Murder Trial : 30 वर्षांनी टुपॅक हत्या प्रकरणाचा खटला सुरू!

पाकिस्तानी लष्करासोबतचा वाद

पाकिस्तान मध्ये सत्ता ही नावापुरती प्रशासनाकडे असते आणि खरे सूत्रधार ही पाकिस्तानी आर्मी आहे . त्यामुळे जेव्हा जेव्हा तेथील पंतप्रधान हे आर्मीच्या विरोधात जाऊन आपले वर्चस्व प्रस्थापित करण्याचा प्रयत्न करतात . तेव्हा आर्मी त्यांना तुरुंगात घालून पुन्हा आपले वर्चस्व प्रस्थापित करते . हा इतिहास देखील राहिला आहे पाकिस्तानचा .

आणि सत्तेत आल्यानंतर इम्रान खान यांनी सुद्धा हेच केले , पाकिस्तानमध्ये एक लोकशाही आणायची संधी मिळाल्यावर तसा प्रयत्न केला आणि पाकिस्तानच्या आर्मी सोबत त्यांचा संघर्ष सुरु झाला . असे राजकीय विश्लेषक सांगतात .