Pakistan अमेरिकेसाठी सर्वात मोठा 'अणुधोका'! (Photo Credit- x)
तुलसी गबार्ड यांनी आपल्या अहवालात प्रामुख्याने रशिया, चीन, उत्तर कोरिया, इराण आणि पाकिस्तान या पाच देशांचा उल्लेख केला आहे. हे देश सातत्याने अशा क्षेपणास्त्र तंत्रज्ञानाचा विकास करत आहेत, जे अण्वस्त्रे आणि पारंपारिक शस्त्रे वाहून नेण्यास सक्षम आहेत. इंटेलिजन्स चीफच्या मते, हे देश केवळ पारंपारिक प्रणालींवरच नव्हे, तर अनेक प्रगत आणि अत्याधुनिक मिसाइल सिस्टमवर काम करत आहेत. या वाढत्या मारक क्षमतेमुळे आता अमेरिकेचा भूप्रदेशया देशांच्या टप्प्यात आला आहे, अशी भीतीही त्यांनी व्यक्त केली आहे.
ब्रीफिंग दरम्यान उत्तर कोरियाबाबत गंभीर चिंता व्यक्त करण्यात आली. गबार्ड यांनी माहिती दिली की, उत्तर कोरिया आता रशिया आणि चीनसोबत आपली भागीदारी पूर्वीपेक्षा अधिक मजबूत करत आहे. या तीन देशांमधील वाढता सामरिक ताळमेळ अमेरिकेसाठी धोरणात्मकदृष्ट्या मोठी समस्या निर्माण करू शकतो. उत्तर कोरियाद्वारे केल्या जाणाऱ्या क्षेपणास्त्र चाचण्या आणि अणू संशोधन हे या मोठ्या युतीचाच एक भाग असल्याचे अमेरिकन गुप्तचर विभागाचे मत आहे. या देशांमधील वाढत्या लष्करी आणि तांत्रिक सहकार्यावर अमेरिका सतत नजर ठेवून आहे.
इराणच्या मुद्द्यावर बोलताना तुलसी गबार्ड यांनी एक अत्यंत महत्त्वाची आणि गोपनीय माहिती सामायिक केली. त्यांनी दावा केला की, जून 2025 मध्ये अमेरिकेने इराणचा अणुसंवर्धन कार्यक्रम पूर्णपणे उद्ध्वस्त केला होता. त्या मोठ्या कारवाईनंतर इराणने आपले अणू प्रकल्प पुन्हा सुरू करण्याचा प्रयत्न केल्याचे कोणतेही संकेत अद्याप मिळालेले नाहीत. मात्र, प्रगत क्षेपणास्त्र प्रणाली विकसित करणाऱ्या देशांच्या यादीत इराणचे नाव अद्याप कायम आहे, तरीही त्यांचा अणू कार्यक्रम सध्या ठप्प पडलेला आहे. तुलसी गबार्ड यांच्या या विधानामुळे जागतिक राजकारणात आणि विशेषतः दक्षिण आशियाई देशांमध्ये खळबळ उडाली असून, पाकिस्तानच्या अण्वस्त्रांच्या सुरक्षेबाबत पुन्हा एकदा आंतरराष्ट्रीय स्तरावर प्रश्नचिन्ह उपस्थित केले जात आहे.
.png "Videos"){kind=small}
