PM मोदींनी फिरवली डोनाल्ड ट्रम्पकडे पाठ? ASEAN समिटला न जाण्याचे कारण आले समोर

Malaysia ASEAN Summit : भारताचे पंतप्रधान नरेंद्र मोदी मलेशियाच्या आसियान शिखर परिषेदला व्हर्च्युअल उपस्थिती दर्शवणार आहे. मलेशियाच्या पंतप्रधानांनी या निर्णयाचा आदर केला आहे.

• मलेशियाच्या आशियान शिखर परिषदेला पंतप्रधान मोदी जाणार नाहीत
• मलेशियाच्या पंतप्रधानांनीच सांगितले कारण
• पंतप्रधान नरेंद्र मोदींच्या निर्णयाचा केला आदर
• ट्रम्प यांना टाळत आहेत मोदी

Malaysia ASEAN Summit 2025 : नवी दिल्ली : यंदा २०२५ च्या ४७ व्या आशियान शिखर परिषदेचे मलेशियामध्ये (Malaysia) आयोजन करण्यात आले आहे. क्वालालंपूरमध्ये २६ ते २७ ऑक्टोबर ही परिषद होणार आहे. परंतु भारताचे पंतप्रधान नरेंद्र मोदी (Narendra Modi) या परिषेदला औपचारिक रित्या उपस्थित राहणार नसून व्हर्च्युअल पद्धतीने उपस्थित राहमार आहे. दरम्यान मलेशियाचे पंतप्रधान अन्वर इब्राहिम यांनी याची पुष्टी करत पंतप्रधान मोदींच्या निर्णयाचा आदर केला आहे.

भयानक अपघात! अमेरिकेत अवैधरित्या राहणाऱ्या भारतीय ट्रक चालकाने अनेक गाड्यांना दिली धडक ; घटनेचा VIDEO VIRAL

पण याच वेळी पंतप्रधान नरेंद्र मोदी डोनाल्ड ट्रम्प (Donald Trump) यांना टाळत असल्याची अटकळही बांधली जात आहे. यामागाचे कारण म्हणजे मलेशियाने आशियान असोसिएशन ऑफ साउथईस्ट एशियन नेशन्स परिषदेसाठी ट्रम्प यांना संवाद भागीदार देश म्हणून आमंत्रित केले आहे. यावेळी ट्रम्प २६ ऑक्टोर रोजी मलेशियाला भेट देणार आहे. दावा केला जात आहे की, पंतप्रधान मोदी डोनाल्ड ट्रम्प यांना भेटू इच्छित नाहीत याच कारणामुळे ते परिषेदेला जाणार नाहीत.

गेल्या काही काळापासून अमेरिका आणि भारतामध्ये प्रचंड तणाव निर्माण झाला आहे. रशियाकडून तेल खरेदीवरुन ट्रम्प यांनी भारतावर नाराजी व्यक्त केली आहे. तसेच अनेक वेळा रशियाकडून तेल खरेदी बंद करण्याचाही दबाव आणण्याचा प्रयत्न केला आहे.

शिवाय अनेक वेळा भारत पाकिस्तान युद्धबंदीचे श्रेय घेण्याचाही प्रयत्न केला आहे, ज्याला भारताने स्पष्ट नकार दिला आहे. तसेच ट्रम्प यांनी अनेकवेळा एकीकडे मोदींचे कौतुक केले आहे, तर  दुसरीकडे मोदींचे पॉलिटीकल करिअर उद्ध्वसत करण्याची धमकीही दिली होती. या सर्व कारणांवरुन मोदी ट्रम्पवर नाराज असल्याचे आणि त्यांना टाळत असल्याचे म्हटले जात आहे.

काय म्हणाले मलेशियाचे पंतप्रधान?

पण मलेशियाचे पंतप्रधान अन्वर इब्राहिम यांनी या मागाचे खरे कारण स्पष्ट केले आहे. त्यांनी म्हटले की, भारतात सुरु असलेल्या दिवाळीच्या उत्सवामुळे पंतप्रधान मोदी व्हर्च्यअल पद्धतीने परिषदेला उपस्थित राहणार आहे. मी त्यांच्या निर्णयाचा आदर करतो. तसेच त्यांनी भारतीयांना दिवाळीच्या खूप शुभेच्छाही दिल्या आहेत.

पंतप्रधान मोदींनी सोशल मीडियावरुन दिली माहिती 

पंतप्रधान मोदींनी गुरुवारी (२३ ऑक्टोबर) सांगितले की, ते पुढील आठवड्यात होणाऱ्या मलेशियातील आसियान-भारत शिखप परिषदेत व्हर्च्युअली उपस्थित राहणार आहे. त्यांनी मलेशियाच्या पंतप्रधानांनाही याची फोनवरुन माहिती दिली असल्याचे म्हटले.

See more

Had a warm conversation with my dear friend, Prime Minister Anwar Ibrahim of Malaysia. Congratulated him on Malaysia’s ASEAN Chairmanship and conveyed best wishes for the success of upcoming Summits. Look forward to joining the ASEAN-India Summit virtually, and to further… — Narendra Modi (@narendramodi) October 23, 2025

आशियानमध्ये या देशांचा समावेश

आशियान परिषदेत १० देशांचा समावेश आहे. यामध्ये इंडोनेशिया, मलेशिया, फिलीपिन्स, सिंगापूर, थायलंड, ब्रुनेई, व्हिएतनाम, लाओस, म्यानमार आणि कंबोडिया यांचा समावेश आहे. गेल्या काही काळात भारताने देखील यामध्ये द्विपक्षीयरित्या सहभाग घेतला आहे. याचा हेतू व्यापार आणि गुंतवणूक आणि संरक्षण क्षेत्रात परदेशी सहभाग वाढवणे आहे.

Kafala System: भारतीय कामगारांसाठी दिलासादायक बातमी! सौदी अरेबियाने ‘कफाला’ सिस्टम केली रद्द