Ro Khanna: ‘अशा प्रकारच्या शिव्या, अपमान…’, भारतीय वंशाच्या US खासदाराने ट्रम्पना सुनावले; इराण युद्धावर अमेरिकेतच अंतर्गत कलह

अमेरिकेचे खासदार खन्ना म्हणाले की, इराणला शिव्या देऊन, धमक्या देऊन आणि इराणची बॅलिस्टिक क्षेपणास्त्र क्षमता नष्ट केल्याचा दावा करूनही, आपले सैनिक तिथे विमानाने जात आहेत आणि त्यांच्यावर हल्ले होत आहेत.

• ट्रम्प यांचा ‘डेडलाईन’ इशारा
• रो खन्ना यांचा पलटवार
• ओबामा-शैलीतील मुत्सद्देगिरीची मागणी

Ro Khanna vs Donald Trump Iran 2026 : जागतिक राजकारणात सध्या इराण आणि अमेरिका यांच्यातील संघर्ष (US-Israel Iran War) शिगेला पोहोचला आहे. होर्मुझची सामुद्रधुनी (Strait of Hormuz), जी जागतिक तेल व्यापारासाठी अत्यंत महत्त्वाची मानली जाते, ती इराणने बंद केल्यामुळे डोनाल्ड ट्रम्प संतापले आहेत. मात्र, ट्रम्प यांची ही आक्रमक शैली आणि त्यांनी वापरलेली ‘अपमानजनक’ भाषा आता अमेरिकेतच वादाचा विषय ठरत आहे. भारतीय-अमेरिकन खासदार रो खन्ना यांनी ट्रम्प यांच्या धोरणांवर सडकून टीका करत त्यांना शांततेचा मार्ग स्वीकारण्याचे आवाहन केले आहे.

ट्रम्प यांची ‘मंगळवार संध्याकाळ’ आणि विनाशाची धमकी

राष्ट्राध्यक्ष डोनाल्ड ट्रम्प यांनी इराणला स्पष्ट शब्दांत बजावले आहे की, जर मंगळवार संध्याकाळपर्यंत होर्मुझची सामुद्रधुनी खुली केली नाही, तर इराणमध्ये मोठा ‘हाहाकार’ माजवला जाईल. ट्रम्प यांनी इराणचे तेल जप्त करण्याची आणि तेथील पायाभूत सुविधा जसे की वीज प्रकल्प आणि पूल उद्ध्वस्त करण्याची धमकी दिली आहे. ट्रम्प यांच्या या भूमिकेमुळे मध्य-पूर्वेतील तणाव एका अशा वळणावर आला आहे, जिथून तिसऱ्या महायुद्धाची भीती व्यक्त केली जात आहे. ट्रम्प यांनी इराणसाठी सोशल मीडियावर वापरलेल्या शब्दांनी संपूर्ण राजकीय वर्तुळात खळबळ उडवून दिली आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘रात्री 8 वाजता…!’ ट्रम्प यांनी निश्चित केली वेळ; इराणवर युद्धाची सावली; हल्ल्याची ‘ही’ तारीख ठरली

रो खन्ना यांचा ‘आरसा’: “धमक्यांनी युद्ध संपत नाही”

डेमोक्रॅटिक नेते रो खन्ना यांनी ट्रम्प यांच्या या भूमिकेवर तीव्र आश्चर्य व्यक्त केले. एनबीसी न्यूजच्या एका कार्यक्रमात बोलताना खन्ना म्हणाले, “इराणचा अपमान करणे, त्यांना शिव्या देणे किंवा आम्ही त्यांची क्षेपणास्त्र क्षमता नष्ट केली असा दावा करणे, या केवळ पोकळ गोष्टी आहेत. वास्तव हे आहे की, आजही आपले सैनिक तिथे धोक्यात आहेत आणि त्यांच्यावर हल्ले होत आहेत.” खन्ना यांनी ट्रम्प यांना आठवण करून दिली की, केवळ धमक्या देऊन व्यापार मार्ग मोकळे होत नसतात. यासाठी मुत्सद्देगिरी आणि आंतरराष्ट्रीय सहकार्याची गरज असते.

See more

Rep. Ro Khanna says “Let me tell you what won’t re-open the Strait of Hormuz: threatening war crimes of bombing indiscriminately power plants, cursing at Iran. What we need is statesmanship like President Obama had.” pic.twitter.com/dHZQHJos4C — The Post Millennial (@TPostMillennial) April 5, 2026

credit – social media and Twitter

बराक ओबामा-शैलीतील मुत्सद्देगिरीची गरज

रो खन्ना यांनी माजी राष्ट्राध्यक्ष बराक ओबामा यांच्या कामाच्या पद्धतीची प्रशंसा केली आहे. “सध्या अमेरिकेला ओबामा-शैलीतील मुत्सद्देगिरीची गरज आहे. वीज प्रकल्पांवर बॉम्ब टाकून किंवा इराणला कमी लेखून हा प्रश्न सुटणार नाही,” असे खन्ना यांनी स्पष्ट केले. त्यांच्या मते, अमेरिकेने केवळ ताकदीचा वापर न करता ओमान, चीन, आखाती देश आणि युरोपीय मित्र राष्ट्रांसोबत बसून संवाद साधला पाहिजे. होर्मुझची सामुद्रधुनी पुन्हा उघडण्यासाठी एक सर्वसमावेशक तोडगा काढणे हाच एकमेव मार्ग असल्याचे त्यांनी सांगितले.

जागतिक घडामोडी संबंधित बातम्या वाचण्यासाठी येथे क्लिक करा : US-Iran War: क्षणात घडवून आणेल विध्वंस! अमेरिकेने इराणवर डागले सर्वात घातक ‘स्टेल्थ’ क्षेपणास्त्र; काय आहे ‘JASSM-ER’ ची ताकद?

इराणची भूमिका: “धमकीला घाबरणार नाही!”

दुसरीकडे, इराणने ट्रम्प यांच्या धमकीला चोख प्रत्युत्तर दिले आहे. इराणने स्पष्ट केले आहे की, जोपर्यंत त्यांना युद्धाची योग्य भरपाई मिळत नाही, तोपर्यंत ते होर्मुझची सामुद्रधुनी उघडणार नाहीत. इराणसाठी ही अस्तित्वाची लढाई आहे आणि ट्रम्प यांची ‘तेल जप्त करण्याची’ धमकी त्यांना अधिक आक्रमक बनवत आहे. इराणची ही अट मान्य करणे ट्रम्प यांच्यासाठी जवळपास अशक्य आहे, ज्यामुळे हा पेच अधिकच वाढत चालला आहे. आता मंगळवार संध्याकाळनंतर जगाचे लक्ष ओव्हल ऑफिसकडे असणार आहे.