Russia Ukraine War : युद्ध थांबवण्याच्या चर्चा… पण रशियाचा युक्रेनवर प्रहार सुरुच; कीववर एका रात्रीत २४९ ड्रोन्सचा मारा

Russia Ukraine War : रशिया आणि युक्रेनमधील युद्धाने आता भयंकर रुप धारण केले आहे. रशिया सातत्याने युक्रेनवर हल्ला करत असून यामुळे कीवचे मोठ्या प्रमाणात नुकसान झाले आहे. युद्धबंदीच्या केवळ पोकळ चर्चा दोन्ही देशात सुरु आहे.

•  रशियाचा युक्रेनवर हल्ला
• युक्रेनच्या कीवमध्ये मोठा विध्वंस
• युद्धबंदीच्या केवळ पोकळ चर्चा

Russia Ukraine War : मॉस्को/कीव : रशिया आणि युक्रेन युद्ध (Russia Ukraine War) आता भयकंर होत चालले आहे. युक्रेनवर सातत्याने हल्ले होत असून मोठ्या प्रमाणावर विध्वंस घडत आहे. आंतरराष्ट्रीय स्तरावर युद्धबंदीच्या चर्चा सुरु आहेत. मात्र या सर्व चर्चा निष्फळ ठरताना दिसत आहेत. नुकतेच रशियाने युक्रेनच्या कीवमध्ये मोठा ड्रोन हल्ला केला आहे. यामुळे अनेक इमारती आणि पायाभूत सुविधांचे नुकसान झाले आहे.

Ukraine Peace Plan नाकारताच संतापले ट्रम्प; दिला अल्टीमेटम, आता काय करणार झेलेन्स्की?

रशियाचा रहिवाशी इमारतींवर हल्ला 

कीवच्या महापौर आणि स्थानिक अधिकाऱ्यांनी दिलेल्या माहितीनुसार, रशियाने कीवमधील पेचेर्स्क जिल्ह्यात एका रहिवाशी इमारतीवर हल्ला केला आहे. तर पूर्वेकडील भागात दुसरी, डनिप्रोव्स्की मध्ये देखील ड्रोन्सचा वर्षावर करण्यात आला आहे. सध्या रशियाच्या सततच्या हल्ल्यांमुळे आंतरराष्ट्रीय स्तरावर युक्रेनबाबत चिंता व्यक्त केली जात आहे. या हल्ल्यात ६ जणांचा मृत्यू झाला असून अनेकजण जखमी झाले आहेत. रशियाच्या संरक्षण मंत्रालयाने दिलेल्या माहितीनुसार, हे हल्ले युक्रेनने केलेल्या हल्ल्यांच्या प्रत्युत्तरात करण्यात आले आहेत. युक्रेनने रशियन प्रदेशांवर हल्ला केला होता. पण रशियाने सर्व हल्ले हाणून पाडले आहे.

युद्धबंदीच्या चर्चा केवळ पोकळ 

गेल्या काही आठवड्यांपासून अमेरिका आणि तुर्कीच्या मध्यस्थीने रशिया युक्रेनमध्ये शांतता प्रस्थापित करण्याचा प्रयत्न सुरु आहे. यासाठी अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी २८ कलमी योजना देखील आखली होती.  ज्याला रशियाकडून तर मान्यता मिळाली, पण युक्रेनने नकार दिला. कारण यामध्ये युक्रेनसाठी मर्यादित सुरक्षा हमी आणि रशियाच्या दीर्घकालीन मागण्यांचा समावेश आहे. ज्या मान्य करत पुतिन यांनी अंतिम करारावर चर्चा करण्यास सहमती दिली आहे. सध्या आंतरराष्ट्रीय स्तरावर हे युद्ध थांबवण्यासाठी प्रयत्न सुरुच आहे, मात्र दोन्ही देश माघार घेण्यास तयार नाहीत.

काय आहे ट्रम्प यांची योजना?

ट्रम्प यांच्या योजनेत युक्रेनला रशियाला त्यांचा काही भूभाग सोपवावा लागेल. तसेच युक्रेनला त्यांची सैन्य संख्या कमी करावी लागेल आणि  नाटो देशाच्या सदस्यत्व देखील युक्रेनला दिले जाणार नाही. यामुळे झेलेन्स्की यांनी हा प्रस्ताव पूर्णपणे रशियाच्या बाजूने आणि मॉस्कोच्या हिताचा असल्याचे म्हटले आहे. यामुळे युक्रेनचे सार्वभौमत्व टिकवण्यासाठी झेलेन्स्की यांनी याला नकार दिला आहे.

रशिया-युक्रेन युद्धात AI हल्ला! चक्क AI Girlfriend बनवून मिलिटरी ऑफिसरला केले हनी ट्रॅप; असा उघड झाला संपूर्ण खेळ?