बुधवार, 11 नोव्हेंबर 2026
फोटो सौजन्य AI
तेव्हा कुठे आता रशिया आणि युक्रेनमधील युद्ध थांबवण्यासाठी अमेरिकेने पुन्हा एकदा राजनैतिक प्रयत्नांना वेग दिला आहे. अमेरिकेचे विशेष दूत स्टीव्ह विटकॉफ आणि जॅरेड कुशनर रशियाचे राष्ट्राध्यक्ष व्लादिमीर पुतिन आणि युक्रेनचे राष्ट्राध्यक्ष वोलोडिमिर झेलेन्स्की यांची स्वतंत्रपणे भेट घेणार आहेत.
अबुधाबी येथे झालेल्या चर्चेतून निर्माण झालेल्या संधींचा फायदा घेऊन युद्ध संपवण्याच्या दिशेने पुढील पाऊल टाकण्याचा अमेरिकेचा प्रयत्न आहे. जवळपास अडीच तीन वर्ष सुरु असलेले युद्ध आता थांबायला हवे असे आंतरराष्ट्रीय राजकारणात चर्चा सुरु झाल्या आहेत .
अमेरिकेचे विशेष दूत स्टीव्ह विटकॉफ आणि जॅरेड कुशनर रशियाचे राष्ट्राध्यक्ष व्लादिमीर पुतिन यांची भेट घेणार आहेत. या बैठकीत रशिया-युक्रेन युद्ध थांबवण्यासाठी संभाव्य शांतता प्रस्ताव आणि दोन्ही देशांमधील मतभेदांवर चर्चा होण्याची शक्यता आहे. अबुधाबी येथे झालेल्या चर्चेत काही सकारात्मक मुद्दे समोर आले असून, त्यावर पुढील चर्चा करण्याचा अमेरिकेचा प्रयत्न आहे.
युद्ध संपवण्यासाठी रशियाची भूमिका समजून घेणे आणि शांततेसाठी अनुकूल वातावरण तयार करणे हा या भेटीचा मुख्य उद्देश आहे. यामध्ये अमेरिकेच्या राजदूतांची राजकीय डिप्लोमसी कशी उपयोगाला येथे हे पाहणे गरजेचे आहे .
पुतिन यांच्यासोबतच्या चर्चेनंतर विटकॉफ आणि कुशनर युक्रेनचे राष्ट्राध्यक्ष वोलोडिमिर झेलेन्स्की यांची स्वतंत्रपणे भेट घेणार आहेत. अबुधाबीमध्ये झालेल्या चर्चेतील महत्त्वाचे मुद्दे आणि रशियासोबतच्या संभाव्य कराराबाबत त्यांना माहिती दिली जाणार आहे. युक्रेनच्या सुरक्षेची हमी, देशाच्या भूभागाचे संरक्षण आणि युद्धानंतरची परिस्थिती हे चर्चेतील महत्त्वाचे विषय ठरू शकतात. युक्रेनच्या हिताला बाधा न आणता युद्ध संपवण्याचा मार्ग शोधणे अमेरिकेसमोर मोठे आव्हान आहे.
अबुधाबी येथे झालेल्या चर्चेमुळे रशिया आणि युक्रेनमधील संघर्ष संपवण्यासाठी नव्या शक्यता निर्माण झाल्याचे जॅरेड कुशनर यांनी सांगितले. मात्र, दोन्ही देशांमधील अनेक महत्त्वाचे मतभेद अद्याप कायम आहेत. विशेषतः डोनबास प्रदेशावरील दावा, युक्रेनच्या सुरक्षेची हमी आणि युद्धानंतरच्या राजकीय व्यवस्थेबाबत दोन्ही बाजूंची भूमिका वेगळी आहे.
त्यामुळे अमेरिकेच्या प्रतिनिधींच्या या स्वतंत्र भेटी महत्त्वाच्या मानल्या जात आहेत. या चर्चांमधून युद्धविरामाचा मार्ग निघतो का आणि दोन्ही देश शांतता करारासाठी तयार होतात का, याकडे संपूर्ण जगाचे लक्ष लागले आहे.युद्ध संपून शांतता प्रस्थापित होणं ही आता जगाची गरज झाली आहे . जागतिक आर्थिक मंदी येण्याचे सूतोवाच हळूहळू सुरु झाले आहेत .
