OpenAI चे CEO सॅम ऑल्टमन यांच्या घरावर पेट्रोल बॉम्बने हल्ला; ते थोडक्यात बचावले, एका संशयिताला करण्यात आली अटक ( फोटो सौजन्य : सोशल मीडिया )
Sam Altman house attack San Francisco : जगभरात चॅटजीपीटीमुळे (ChatGPT) क्रांती घडवून आणणारे OpenAI चे मुख्य कार्यकारी अधिकारी सॅम ऑल्टमन सध्या एका मोठ्या संकटातून बचावले आहेत. सॅन फ्रान्सिस्को येथील त्यांच्या राहत्या घरावर एका माथेफिरूने पेट्रोल बॉम्बने हल्ला केल्याची धक्कादायक घटना समोर आली आहे. शुक्रवारी पहाटे ४ वाजण्याच्या सुमारास जेव्हा संपूर्ण जग शांत झोपलेले होते, तेव्हा सॅम ऑल्टमन यांच्या नॉर्थ बीच परिसरातील घरावर ‘मोलोटोव्ह कॉकटेल’ फेकण्यात आले. सुदैवाने, या हल्ल्यात कोणीही जखमी झाले नाही, परंतु घराच्या बाहेरील गेटचा काही भाग जळून खाक झाला आहे.
सॅन फ्रान्सिस्को पोलिसांच्या माहितीनुसार, पहाटेच्या सुमारास एका संशयित तरुणाने काचेच्या बाटलीत पेट्रोल भरून तिला आग लावून ऑल्टमन यांच्या घराच्या दिशेने फेकली. हा हल्ला इतका नियोजित होता की हल्लेखोराने बॉम्ब फेकून लगेच तिथून पळ काढला. मात्र, सीसीटीव्ही आणि गुप्त माहितीच्या आधारे पोलिसांनी अवघ्या एका तासात या २० वर्षीय तरुणाला OpenAI च्या मुख्यालयाबाहेर शोधून काढले. धक्कादायक बाब म्हणजे, पकडण्यापूर्वी त्याने तिथेही आग लावण्याची धमकी दिली होती. पोलिसांनी त्याला तात्काळ अटक केली असून सध्या त्याची कसून चौकशी सुरू आहे.
जागतिक घडामोडी संबंधित बातम्या वाचण्यासाठी येथे क्लिक करा : India Power: ‘पाकिस्तानचे मोठे नुकसान होऊ शकते, भारताला पर्वा नाही’; इस्लामाबाद वाटाघाटींवर US तज्ज्ञांनी दिला विनाशाचा इशारा
या हल्ल्यात वापरण्यात आलेले ‘मोलोटोव्ह कॉकटेल’ हे एक अत्यंत धोकादायक आणि सहज बनवता येणारे ज्वलनशील शस्त्र आहे. काचेच्या बाटलीत पेट्रोल किंवा कोणतेही ज्वलनशील द्रव भरून, त्याच्या तोंडावर कापडाची वात लावून त्याला आग लावली जाते. लक्ष्यावर आदळताच बाटली फुटते आणि आग वेगाने पसरते. अशा शस्त्राचा वापर सॅम ऑल्टमन यांच्या घरावर होणे, हे त्यांच्या सुरक्षेसाठी आणि टेक विश्वासाठी एक मोठे आव्हान मानले जात आहे.
JUST IN – OpenAI says a Molotov cocktail was thrown at CEO Sam Altman’s house and threats were made at the company’s San Francisco headquarters — Reuters pic.twitter.com/sbOwptVBdv — Disclose.tv (@disclosetv) April 10, 2026
credit – social media and Twitter
हा हल्ला अशा वेळी झाला आहे जेव्हा ‘आर्टिफिशियल इंटेलिजन्स’ (AI) बद्दल जागतिक स्तरावर भीती आणि संतापाचे वातावरण निर्माण झाले आहे. अनेकांचा असा आरोप आहे की, OpenAI आणि सॅम ऑल्टमन हे तंत्रज्ञानाचा वापर करून नोकऱ्या हिरावून घेत आहेत आणि लष्करी कारवायांसाठी सरकारला मदत करत आहेत. गेल्या काही महिन्यांपासून OpenAI च्या कार्यालयाबाहेर निदर्शने आणि धमक्या देण्याचे प्रमाण वाढले आहे. या हल्ल्यामागे कोणताही मोठा कट आहे का, किंवा ही कृती कोणत्या विचारधारेने प्रेरित होती, याचा शोध एफबीआय (FBI) आणि स्थानिक पोलीस घेत आहेत.
जागतिक घडामोडी संबंधित बातम्या वाचण्यासाठी येथे क्लिक करा : Hormuz Strait : ‘आम्हाला जागाच आठवत नाही!’ इराणच्या ‘या’ उत्तराने अमेरिकाही चक्रावली; होर्मुझमध्ये हाय-व्होल्टेज ड्रामा
या भीषण घटनेनंतर OpenAI च्या प्रवक्त्याने सांगितले की, “आमचे मुख्य कार्यकारी अधिकारी आणि सर्व कर्मचारी सुरक्षित आहेत. सॅन फ्रान्सिस्को पोलिसांच्या जलद कारवाईबद्दल आम्ही त्यांचे आभार मानतो. कंपनी या तपासकामी अधिकाऱ्यांना पूर्ण सहकार्य करत आहे.” कंपनीने आपल्या सुरक्षेच्या नियमावलीत आता मोठे बदल करण्याचा निर्णय घेतला असून, सॅम ऑल्टमन यांच्यासह महत्त्वाच्या पदांवरील व्यक्तींची सुरक्षा कडक करण्यात आली आहे.
Ans: सॅम ऑल्टमन यांच्या घरावर 'मोलोटोव्ह कॉकटेल' (पेट्रोल बॉम्ब) फेकून हल्ला करण्यात आला.
Ans: हा हल्ला शुक्रवारी पहाटे ४ वाजता सॅन फ्रान्सिस्कोमधील नॉर्थ बीच परिसरातील त्यांच्या खाजगी निवासस्थानी झाला.
Ans: पोलीस सध्या या हल्ल्यामागील हेतूचा तपास करत आहेत, मात्र प्राथमिक अंदाजानुसार हा हल्ला AI तंत्रज्ञानाविरोधातील संताप किंवा वैयक्तिक असू शकतो.
