दक्षिण कोरियात विमान दुर्घटना ; नौदलाचे पी-३ जेट कोसळल्याने उडाली खळबळ

दक्षिण कोरियामध्ये एक विमान दुर्घटना घडली आहे. दक्षिण कोरियाच्या नौदलाचे गस्त घालणारे विमान पी-३ पोहांगच्या डोंगराळ परिसरात कोसळले. या घटनेने संपूर्ण परिसरात खळबळ उडाली आहे.

सियोल: दक्षिण कोरियामध्ये एक विमान दुर्घटना घडली आहे. दक्षिण कोरियाच्या नौदलाचे गस्त घालणारे विमान पी-३ पोहांगच्या डोंगराळ परिसरात कोसळले. या घटनेने संपूर्ण परिसरात खळबळ उडाली आहे. मिळालेल्या माहितीनुसार, या विमानामध्ये चार लोक होते. परंतु अद्याप त्यांच्या बद्दल कोणतीही माहिती समोर आलेली नाही. दक्षिण कोरियाच्या नौदलाने दिलेल्या माहितीनुसार, गुरुवारी (२९ मे) दुपारी ही घटना घडली.

दुर्घटनेची माहिती मिळताच अग्निशमन दल आणि नौदलाच्या अधिकाऱ्यांनी घटनास्थळी धाव घेतली आहे. सध्या विमानातील लोकांचा शोध सुर आहे. विमानातील नागरिकांचा मृत्यू झाल्याची शक्यता व्यक्त केली जात आहे. स्थानिक वेळेनुसार, गुरुवारी दुपारी १.५० वाजता हा अपघात घडला. नौदलाच्या अधिकाऱ्यांनी दिलेल्या माहितीनुसार, विमान प्रशिक्षण उड्डाणावर होते. पोहांगमधील नागरिकांना लष्करी तळाजवळील डोंगराळ भागात धूराचे लोट दिसून आहे. यानंतर त्यांनी अग्निशमन दलाला याची माहिती दिली.

जागतिक घडामोडी संबंधित बातम्या- Elon Musk चा ट्रम्प प्रशासनाला रामराम! सरकारी कार्यक्षमता विभागातून स्वत:ला केले पदमुक्त

See more

Just in – Naval Aircraft Crash in Pohang, South Korea

A naval patrol plane with four people aboard has crashed in Nam-gu, Pohang. Authorities have confirmed the incident, while the Navy reports that a military aircraft went down and damage is currently being assessed. Emergency… https://t.co/1xSAoAdKML pic.twitter.com/HfqBaiYsWU

— Weather Monitor (@WeatherMonitors) May 29, 2025

मदत आणि बचाव कार्य सुरु

अपघाताची माहिती मिळताच आपत्कालीन बचाव पथक आणि अग्निशमक दल घटनास्थळी पोहोचले आहे. विमानाची आग विझवण्याचे कार्य सुरु आहे. विमान जमिनीवर आदळ्याने आग लागल्याचे अग्निशमन दलाच्या अधिकाऱ्यांनी म्हटले आहे. सध्या विमानातील लोकांचा शोध सुरु आहे. परंतु अद्याप कोणतीही माहिती समोर आलेली नाही.

अपघाताची चौकशी

दक्षिण कोरियाच्या नौदलाने अपघाताच्या कारणाचा शोध घेण्यास सुरुवात केली आहे. नौदलाने एक निवेदन जारी केले आहे. यामध्ये विमानातील चार जणांचा शोध सुरु असल्याचे नौदलाने म्हटले आहे. तसेच अपघाताचे खरे कारण सुनिश्चित करण्यासाठी तपास सुरु करण्यात आली असल्याचे म्हटले.

दक्षिण कोरियाच विमान अपघातांचे वाढते प्रमाण

गेल्या काही महिन्यांत दक्षिण कोरियामध्ये विमान अपघातांच्या घटनांमध्ये वाढ झाली आहे. गेल्या वर्षी डिसेंबरमध्ये जेजू एअरच्या प्रवासी विमानाचा मुआन आंतरराष्ट्रीय विमानतळावर अपघात झाला होता. यामध्ये १८१ प्रवासी होते. या प्रशांमधील १७९ जणांचा मृत्यू झाला होता. विमानाच्या क्रू मेंबर्सचाही यात समावेश होता. दक्षिण कोरियात विमान वाहतुकीच्या अपघातांमध्ये हा सर्वात मोठा अपघात होता.

जागतिक घडामोडी संबंधित बातम्या- डोनाल्ड ट्रम्प यांना अमेरिकन न्यायालयाचा झटका ; ‘लिबरेशन डे’ टॅरिफ निर्णयाला दिली स्थगिती