Elon Musk चा ट्रम्प प्रशानाला रामराम! सरकारी कार्यक्षमता विभागातून स्वत:ला केले पदमुक्त (फोटो सौजन्य: सोशल मीडिया)
वॉशिंग्टन: डोनाल्ड ट्रम्प यांचे जवळचे मानले जाणारे एलॉन मस्क यांनी ट्रम्प प्रशान सोडत असल्याची घोषणा केली आहे. टेस्ला आणि स्पेसएक्सचे सीईओ एलॉन मस्क यांनी सोशल मीडिया प्लॅटफॉर्म एक्सवर याची घोषणा केली आहे. एलॉन मस्क यांनी एक्सवरील पोस्टमध्ये ट्रम्प यांच्या सल्लागार म्हणून माझा कार्यकाळ संपला आहे असे म्हटले आहे. एलॉन मस्क यांना डोनाल्ड ट्रम्प यांनी त्यांच्या प्रशासनात नियुक्त केले होते.
मस्क यांच्यावर प्रशासनातील खर्च कमी करण्यासाठी आणि नोकरशाही कमी करण्याची जबाबदारी देण्यात आली होती. यासाठी सरकारी कार्यक्षमता विभाग स्थापन करण्यात आले होते. या विभागाचे प्रमुख म्हणून मस्क यांनी कामकाज पाहिले. मस्क यांनी आपल्या एक्सवरील पोस्टमध्ये, ट्रम्प प्रशानात विशेष कर्मचारी म्हणून माझी निवड करण्यात आली होती. पण आता माझी वेळ संपली आहे. मी राष्ट्राध्यक्ष डोनाल्ड ट्रम्प यांनी अनावश्यक खर्च कमी करण्याची संधी मला दिली, याबद्दल मी त्यांचे आभार मानतो. DOGE मिशन अधिक मजबूत होईल, असे मस्क यांनी म्हटले.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending. The @DOGE mission will only strengthen over time as it becomes a way of life throughout the government. — Elon Musk (@elonmusk) May 29, 2025
२०२४ च्या निवडणूकीपासून एलॉन मस्क आणि डोनाल्ड ट्रम्प यांची मैत्री चर्चेत आली. निवडणूकीमध्ये मस्क यांनी ट्रम्प यांना आपला पूर्ण पाठिंबा दर्शवला होता. निवडणूकीच्या प्रचारासाठी एलॉन मस्क यांनी ट्रम्प यांना मोठी देणगी देखील देऊ केली होती. त्यानंतर ट्रम्प राष्ट्राध्यक्ष पदी निवडून आले. त्यावेळी मस्क यांची ट्रम्प प्रशासनात नियुक्त करण्यात आली. परंतु त्यांच्या अनेक निर्णयांनी अमेरिकेत संतापाची लाट उसळली होती.
तसेच गेल्या काही दिवसांपासून ट्रम्प आणि मस्क यांच्यात कडवटपणा दिसून आला होता. मस्क यांनी ट्रम्प यांच्या निर्णयावर काही वेळा टीकाही केली होती. मस्क यांनी बिग ब्युटीफूल या विधेयकावर टिका केली होती. या विधेयकावर टिका केल्यानंतरच एलॉन मस्क यांनी आपल्या पदाचा राजीनामा दिला आहे. तसेच एलॉन मस्क यांच्यावर ट्रम्प प्रशानातील अनेक अधिकारी देखील नाराज होते. त्यांच्या तडकाफडकी निर्णय घेण्यामुळे अमेरिकेतील जनतेमध्ये देखील रोष निर्माण झाला होता.
