US Visa Rules : ट्रम्प प्रशासनाने व्हिसा नियम केले आणखी कडक ; भारतीय H-1B व्हिसा धारकांची वाढवली चिंता

US Visa Rules : अमेरिकेच्या ट्रम्प प्रशासनाने व्हिसा नियमांमध्ये मोठा बदल केला आहे. यामुळे भारतीयांची चिंता वाढली आहे. सर्वात जास्त धोका एच-१बी व्हिसा धारकांना निर्माण झाला आहे. जाणून घ्या काय आहेत नवे नियम.

• ट्रम्प प्रशासनाने व्हिसा नियम केले आणखी कडक
• एच-१बी व्हिसा धारकांची वाढली चिंता
• टेक कंपन्यांवर होणार सर्वात मोठा परिणाम

US News Visa Rules : वॉशिंग्टन : अमेरिकेचे (America) राष्ट्राध्यक्ष डोनाल्ड ट्रम्प (Donald Trump) यांनी पुन्हा एकदा व्हिसा नियमांमध्ये मोठा बदल केला आहे. यामुळे टेक कंपन्या आणि सेफ्टीटीममध्ये मोठा वाद पेटला आहे. अमेरिकेच्या स्टेट डिपार्टमेंटने याबाबद एक निवेदन जारी केले आहे. या अंतर्गत टेक क्षेत्रातील अर्जदारांची तपासणी अधिक कडक केली आहे. यामुळे मोठी खळबळ उडाली आहे. याचा सर्वाधिक फटका भारतीयांना बसण्याची शक्यता आहे.

US H1-B Visa : ट्रम्पच्या एच-१बी व्हिसा शुल्काबाबत नवीन मार्गदर्शक तत्त्वे जारी; या अर्जदारांना मिळणार सूट, जाणून घ्या नवे अपडेट

तंत्रज्ञान क्षेत्रावर सर्वात मोठा परिणाम

या निवेदनानुसार, आता  फॅक्ट-चेकिंग, कंटेंट मॉडरेशन, ट्रस्ट अँड सेफ्टी, ऑनलाइन सेफ्टी किंवा कंप्लायन्स क्षेत्रांमध्ये काम करणाऱ्यांना अमेरिकेत प्रवेश बंद करण्यात आला आहे. यामुळे मोठा गोंधळ उडाला असून याचा सर्वाधिक परिणाम भारतीय व्हिसा धारकांवर होण्याची शक्यता आहे. रॉयटर्सने दिलेल्या वृत्तानुसार, अमेरिकेच्या स्टेट डिपार्टमेंटने एक मेमो जारी केला आहे. या मेमोनुसार, हे निर्देश देण्यात आले असल्याचे सांगण्यात येत आहे. याचा सर्वाधिक परिणाम टेक क्षेत्रातील कंपन्या आणि कर्मचाऱ्यांवर मुख्यत: भारतीय अर्जधारकांवर होणार आहे.

नवी मार्गदर्शक सुचनांनुसार, अमेरिकन व्हिसा धारकांची आता, व्यावसायिक पार्श्वभूमी, लिंक्डइन प्रोफाइल आणि सोशल मीडियावरील एक्टिव्हिटी, डिजिटल प्रोफाइल तपासली जाणार आहे. जर एखाद्या व्यक्तीचे काम अभिव्यक्ती स्वातंत्र्यावरील बंधने कंवा सेन्सॉरशिप बंधनाशी निगडीत असेल तर त्याचा व्हिसा नाकराल जाणार आहे.

एच-1बी व्हिसा धारकांना सर्वाधिक फटका

या निर्णयाचा सर्वाधिक फटका एच-1बी व्हिसावर टेक इंजिनियर, डेटा अनालिस्ट, ऑनलाइन मॉनिटरिंग करणाऱ्या लोकांना बसण्याची शक्यता आहे. पत्रकार, पर्यटक, किंवा नोकरी शोधणाऱ्या सर्व श्रेणीतील व्हिसा धारकांना हा नियम लागू होणार आहे. याचा सर्वाधिक परिणाम भारतीयांवर होण्याची शक्यता आहे. कारण अमेरिकेत टेक क्षेत्रात काम करणाऱ्यांमध्ये भारतीयांची संख्या लक्षणीयरित्या अधिक आहे.

काय आहे अमेरिकेचा हेतू?

तज्ज्ञांच्या मते, या नव्या व्हिसा नियमांचा परिणाम ऑनलाइन सायबरबुलिंग रोखण्यासाठी, लैंगिक गुन्ह्यांना आळा घालण्यासाठी होणार आहे. यामुळे देशातील अनेक भागात हा कायदा लागू करण्यात येणार आहे. यामुळे या नव्या व्हिसा नियमांमुळे अमेरिकेत टेक क्षेत्रातील कर्मचाऱ्यांना प्रवेश मिळणे आता अधिक कठीण होणार आहेत.

ट्रम्प प्रशासनाने निर्णायाचे स्पष्टीकरण देताना म्हटले आहे की, हा नियम अमेरिकन नागरिकांच्या अभिव्यक्ती स्वातंत्र्याचे रक्षण करण्यासाठी घेण्यात आला आहे.सरकार सोशल मीडिया आणि ऑनलाइन प्लॅटफॉर्मवर होणाऱ्या अमेरिकन नागरिकांच्या होणाऱ्या छळाला सहन करणार नाही, असे ट्रम्प प्रशासनाने म्हटले आहे. पण या व्हिसा नियमांमुळे अमेरिकेत तंत्रज्ञान क्षेत्रात काम करणाऱ्या भारतीयांवर याचा सर्वाधिक परिणाम होणार आहे.

ट्रम्प यांच्या H-1B व्हिसा शुल्क वाढीचा भारताला फायदा? जाणून घ्या काय सांगतात एक्सपर्ट्स