‘मी एका कॉलवर युद्ध थांबवेन…’ ; Thailand Cambodia संघर्षावर ट्रम्पचा मोठा दावा

Thailand Cambodia War : थायलंड आणि कंबोडितीव सीमावाद पुन्हा पेटला आहे. यामुळे सीमेवर तीव्र गोळीबार सुरु आहे. दरम्यान अध्यक्ष ट्रम्प यांनी यावर पुन्हा एकदा युद्ध थांबवण्याचा दावा केला आहे.

• थायलंड कंबोडियात तणावात वाढ
• ट्रम्प यांनी पुन्हा केला युद्ध थांबवण्याचा दावा
• एका कॉलवर युद्ध थांबवणार ट्रम्प

Trump on Thailand Cambodia War : वॉशिंग्टन :  थायलंड आणि कंबोडियातील सीमा वाद पुन्हा सुरु झाला आहे. गेल्या दोन-तीन दिवसांपासून सीमेवर जोरदार गोळीबार सुरु आहे. यामुळे आंतरराष्ट्रीय स्तरावर तीव्र चिंता व्यक्त केली जात आहे. दोन्ही देशांनी आपल्या सीमेवर धोकादायक शस्त्रे तैनात केली आहे. यामुळे संघर्ष अधिक चिघळण्याची शक्यता आहे. दरम्यान अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी पुन्हा थायलंड कंबोडिया युद्धावरुन मोठा दावा केला आहे.

Thailand Cambodia संघर्षामुळे दशलक्ष लोक घरे सोडून पळाली ; सीमेवर दोन दिवसांपासून गोळीबार सुरुच

अमेरिकेचे राष्ट्राध्यक्ष ट्रम्प यांनी पुन्हा आठ युद्ध थांबवल्याचा दावा केला आहे. त्यांनी म्हटले की, मी १० महिन्यात ८ युद्ध थांबवली आहेत. इस्रायल-हमास, इजिप्त-इथिओपिया, आर्मेनिया-अझरबैजान, कोसोवो-सर्बिया, पाकिस्तान आणि भारत, इस्रायल-इराण यांचा समावेश आहे. तसेच थायलंड आणि कंबोडियातही मी युद्ध थांबवले होते. हे सांगताना मला दु:ख होत आहे, त्यांनी पुन्हा युद्ध सुरु केले आहे. पण उद्या मी त्यांना कॉल करणार आहे, आणि मला विश्वास आहे माझ्या एका कॉलवर दोन शक्तिशाली देशांतील युद्ध थांबेल. आम्ही ताकदीने शांतता निर्माण करु.

गोळीबारात पाच जणांचा मृत्यू

सध्या थायलंड आणि कंबोडियात तीव्र संघर्ष सुरु आहे. आतापर्यंत झालेल्या गोळीबार पाच जणांचा मृत्यूची नोंद झाली आहे. सध्या अनेक रहिवाशांनी भीतीने स्थलांतर केले आहे. तसेच आश्रस्थांनामध्ये राहणाऱ्या लोकांनाही तिथून स्थलांतर करण्याचे आवाहन करण्यात आले आहे. दोन महिन्यांपूर्वी दोन्ही देशांत मलेशिया आणि ट्रम्प यांच्या मध्यस्थीने द्विपक्षीय शांतता करार करण्यात आला होता मात्र दोन्ही देशांनी युद्धबंदीचे उल्लंघन करत पुन्हा गोळीबार सुरु केला आहे. शिवाय दोन्ही देश एकमेकांवर प्रथम हल्ला केल्याचा आरोप करत आहेत.

प्रेम विहार मंदिरावरुन सुरु वाद 

थायलंड आणि कंबोडियातील वाद हा अतिशय जुना आहे. प्रेम विहार मंदिरावरुन हा वाद सुरु आहे. १९६२ मध्ये या मंदिराला कंबोडियाचा भाग घोषित करण्यात आले होते. मात्र थायलंडने या मंदिराचा भाग त्यांच्या भूभागात असल्याचा दावा केला. तेव्हापासून दोन्ही देशांमध्ये राष्ट्रवाद आणि धार्मिक वाद वाढत चालला आहे. २००८ मध्ये जागतिक वारसा यादीत यामंदिराचे नाव सामील झाल्यानंतर हा वाद अधिक तीव्र झाला. २००८ , २०११, २०१५ मध्ये यावादवरुन तीव्र संघर्षा झाला होता. आता हा वाद पुन्हा एकदा सुरु झाला आहे.

ट्रम्प पुन्हा फेल? Thailand Cambodia सीमेवर बारुदी खेळ!