‘Kissing my ass..’, ट्रम्प यांचे वादग्रस्त वक्तव्य, काय आहे कारण?

अमेरिकेचे अध्यक्ष डोनाल्ड ट्रम्प यांनी पुन्हा एकदा आपल्या वादग्रस्त विधानांमुळे जागतिक राजकारणात खळबळ उडवली आहे. त्यांच्या टॅरिफ धोरणामुळे अनेक देश अडचणीत आले आहेत.

वॉशिंग्टन: अमेरिकेचे माजी अध्यक्ष डोनाल्ड ट्रम्प यांनी पुन्हा एकदा आपल्या वादग्रस्त विधानांमुळे जागतिक राजकारणात खळबळ उडवली आहे. त्यांच्या टॅरिफ धोरणामुळे अनेक देश अडचणीत आले आहेत, आणि आता त्यांनी थेट अमेरिकेसोबत व्यापार करार करू इच्छिणाऱ्या देशांबद्दल अपमानास्पद वक्तव्य केले आहे. ट्रम्प म्हणाले, “जेव्हापासून मी टॅरिफची घोषणा केली आहे, तेव्हापासून अनेक देशांचे प्रमुख ‘किसिंग माय अस’ करण्यात व्यस्त आहेत.”

टॅरिफ युद्ध आणि देशांची शरणागती

डोनाल्ड ट्रम्प यांच्या मते, काही देश सुरुवातीला अमेरिकेसोबत व्यवहार करताना अटी घालण्याचा प्रयत्न करत होते, मात्र टॅरिफ धोरण लागू होताच त्यांनी आत्मसमर्पण करण्याची भाषा सुरू केली. ट्रम्प यांनी कोणत्याही विशिष्ट देशाचे नाव घेतले नसले तरी त्यांनी स्पष्ट संकेत दिले आहेत की व्हिएतनाम, बांगलादेश, जपान, तैवान आणि इटलीसारखे देश अमेरिकेच्या अटी मान्य करण्यास तयार आहेत.

व्हिएतनामबाबत बोलताना ट्रम्प म्हणाले, “सुरुवातीला ते विरोध करत होते, पण जेव्हा टॅरिफ लादले गेले, तेव्हा त्यांनी स्वतःला सामंजस्याने वागवायला सुरुवात केली.” याचप्रमाणे बांगलादेशचे मुख्य सल्लागार युनूस यांनी ट्रम्प यांना पत्र लिहून अमेरिकेशी व्यापार संबंध टिकवण्यासाठी संपूर्ण सहकार्य करण्याची तयारी दर्शवली आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘Men Will Be Men… ‘ पीटर नवारो आणि एलोन मस्क यांच्यातील वादावर व्हाईट हाऊसची प्रतिक्रिया Viral

जपान आणि तैवाननेही टॅरिफला समजूतदारपणे स्वीकारले

जपानने अमेरिकेशी करार करण्याची तयारी दर्शवली असून टॅरिफमध्ये सवलत मिळावी यासाठी वाटाघाटी सुरू केल्या आहेत. तैवाननेही अमेरिकी अटींवर आत्मसमर्पण करण्याची तयारी दर्शवली आहे. विशेष म्हणजे इटलीच्या पंतप्रधान जॉर्जिया मेलोनी यांनी ट्रम्प यांच्या टॅरिफ धोरणाचे कौतुक केले आहे आणि अमेरिकेला भेट देण्याची तयारी दर्शवली आहे. त्यांचा मुख्य उद्देश इटलीला अमेरिकेच्या टॅरिफमधून सूट मिळवून देणे हा आहे.

इस्रायलची मवाळ भूमिका आणि जागतिक बाजारातील घबराट

ट्रम्प यांच्या या धोरणाचा परिणाम इस्रायलवरही झाला आहे. इस्रायलने टॅरिफबाबत मवाळ भूमिका घेतली असून अमेरिकेशी व्यापारी संबंध बिघडू नयेत यासाठी प्रयत्न सुरू आहेत. दुसरीकडे, जागतिक बाजारपेठेत ट्रम्प यांच्या टॅरिफमुळे मोठी घबराट निर्माण झाली आहे. बुधवारी भारतीय शेअर बाजारात मोठी घसरण झाली. सेन्सेक्स २५० अंकांनी खाली आला आणि निफ्टीच्याही स्थितीत मोठी घसरण झाली. ट्रम्प जाणूनबुजून टॅरिफच्या माध्यमातून जागतिक बाजारपेठा कोसळवत आहेत, असे अर्थतज्ज्ञांचे मत आहे.

जागतिक घडामोडी संबंधित बातम्या वाचण्यासाठी येथे क्लिक करा : Russia-Ukraine War : चिनी सैन्याच्या हालचालीने जागतिक गोंधळ, VIDEO व्हायरल!

ट्रम्प यांचे धोरण, अमेरिका अधिक श्रीमंत होणार?

ट्रम्प यांच्या मते, टॅरिफ निर्णयामुळे अमेरिका अधिक श्रीमंत होईल. त्यांच्या धोरणानुसार, विदेशी कंपन्यांना अमेरिकेत व्यवसाय करणे अधिक कठीण होईल आणि त्यामुळे देशांतर्गत उत्पादन आणि गुंतवणूक वाढेल. मात्र, या धोरणाचा जागतिक अर्थव्यवस्थेवर गंभीर परिणाम होऊ शकतो, असे तज्ज्ञांचे म्हणणे आहे. ट्रम्प यांच्या “किसिंग माय अस” या वादग्रस्त विधानामुळे आंतरराष्ट्रीय संबंधांमध्ये नव्या तणावाची शक्यता आहे. त्यांच्या या धोरणामुळे काही देश अमेरिकेच्या शरण जात आहेत, तर काही देश अजूनही प्रतिकार करण्याच्या मानसिकतेत आहेत. पुढील काळात अमेरिकेचे व्यापार धोरण जागतिक अर्थव्यवस्थेवर आणि राजकारणावर कसा प्रभाव टाकते, याकडे संपूर्ण जगाचे लक्ष लागले आहे.

credit : social media and YouTube