Trump Assassination Attempt : ट्रम्प यांच्यावरील हल्ल्याप्रकरणी नवा ट्विस्ट; आरोपीने नाकारला गुन्हा, आता पुढे काय?

Trump Assassination Attempt Update : ट्रम्प यांच्यावरील हल्ला प्रकरणाला एक नवे वळण मिळाले आहे. आरोपीने न्यायालयात गुन्हा नाकारला आहे. यामुळे अमेरिकेत मोठी खळबळ उडाली आहे.

• ट्रम्प यांच्यावरील हल्ल्याप्रकरणात नवा ट्विस्ट
• आरोपीचे न्यायालयात धक्कादायक विधान
• आता काय करणार ट्रम्प सरकार

Trump Assassination Attempt Case News in Marathi : वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्यावर २५ एप्रिल २०२६ च्या रात्री एका डिनर पार्टीदरम्यान हल्ल्याची घटना घडली होती. हिल्टन हॉटेलमध्ये कोल थॉमस ॲलन नावाच्या ३९ वर्षीय तरुणाने गोळीबार केला होता.  सुदैवाने, सुरक्षा दलांच्या तातडीच्या कारवाईमुळे ट्रम्प बचावले. सध्या या प्रकरणावर न्यायालयात खटला सुरु असून ओरीपने स्वत:ला निर्दोष घोषित केले आहे. यामुळे या हाय-प्रोफाइल प्रकरणाला एक वेगळे वळण मिळाले आहे.

कडक सुरक्षेतही Trump वर हल्ला! भर कार्यक्रमात बंदुकीसह नेमका कसा पोहोचला हल्लेखोर? जाणून घ्या इनसाइड स्टोरी

नेमकी काय घटना आहे?

गेल्या महिन्यात २५ एप्रिल रोजी वॉशिंग्टन येथील हिल्टन हॉटेलमध्ये व्हाईट हाऊस करस्पॉंडंट्स डिनरचे आयोजन करण्यात आले होते. यावेळी राष्ट्राध्यक्ष ट्रम्प, उपराष्ट्राध्यक्ष जेडी वेंस, मंत्रिमंडळातील सदस्य आणि अनेक नामवंत व्यक्त उपस्थित होते. दरम्यान कॅलिफोर्नियाच्या टॉरेंस येथील एका रहिवाश्याने अचानक पार्टीत घुसखोरीचा प्रयत्न केला.

यावेळी त्याला सुरक्षा दलांनी रोखले. मात्र आरोपीने थेट सीक्रेट सर्व्हिस एजंटवर गोळी झाडली. सुदैवाने सुरक्षा एजंटने बुलेटप्रूफ जॅकेटमुळे मोठा अनर्थ टळला. यानंतर सुरक्षा दलांनी तातडीची कारवाई करत आरोपी एलनला जमिनीवर पाडले आणि अटक केली.

आरोपीने नाकारला गुन्हा

दरम्यान सोमवारी (११ मे) ३१ वर्षीय आरोपी कोल थॉमस एलन याला वॉशिंग्टन डी.सी येथील फेडरल कोर्टात हजर करण्यात आले होते. त्याच्यावर ट्रम्प यांच्या हत्येचा प्रयत्न आणि सीक्रेट सर्व्हिस एजंटवर गोळीबाराच्या आरोपाखाली खटला सुरु होता. मात्र आरोपी ॲलनने न्यायालयात आपण निर्दोष असल्याचे म्हटले आहे. यामुळे ट्रम्प सरकारमध्ये मोठी खळबळ उडाली आहे.

कोण आहे ॲलन?

मिळालेल्या माहितीनुसार, तपासादरम्यान सुरक्षा यंत्रणांना ॲलनबद्दल मिळालेली माहिती चक्रावून टाकणारी होती. ॲलनने यापूर्वी कोणत्याही प्रकारचा गुन्हा केलेला नव्हता, तर तो एक अत्यंत हुशार आणि उच्चशिक्षित तरुण आहे.

• ॲलनने कॅलटेकमधून मेकॅनिकल इंजिनिअरिंगचे आणि कॅलिफोर्निया स्टेट युनिव्हर्सिटीतचून कॉम्प्युटर सायन्समध्ये शिक्षण पूर्ण केले आहे.
• याशिवाय त्याने नासाच्या जेट प्रोपल्शन लॅबोरेटरीमध्येही फेलो रिसर्चर म्हणून काम केले आहे.
• तसेच तो रोबोटिक्स टीमचा सदस्य आणि व्हिडिओ गेम डेव्हलपर आहे.
• त्याला लॉस एजंलिसमध्ये टीचर ऑफ दर मंथचा पुरस्कारही मिळाला आहे.

आता पुढे काय?

ॲलनवर हत्येचा प्रयत्न आणि हिंसक गुन्ह्यांसाठी शस्त्रास्त्रांचा वापर यांसारखे गंभीर आरोप ठोठवण्यात आले आहेत. गुन्हा सिद्ध झाल्यास त्याला जन्मठेपेची शिक्षा होऊ शकते. सध्या त्याला सुसाइड वॉच वर ठेवण्यात आले आहे. सध्या ट्रम्प सरकार यावर काय भूमिका घेईल याकडे सर्वांचे लक्ष लागले आहे.

कोण आहे ॲलन? ज्याने Donald Trump यांच्यावर केला गोळीबार, तरुणाला सुरक्षा रक्षकांनी घेतलं ताब्यात, VIDEO