Nuclear Deal : इराणसोबत युद्धाच कारण 2025 मध्येच संपल, मग युद्ध कशासाठी? Tulsi Gabbard यांनी Donald Trumpला धरलं धारेवर

US-Iran War: 2025 च्या ऑपरेशननंतर इराणची अणु-समृद्धीकरण क्षमता नष्ट झाली, या तुलसी गबार्ड यांच्या अहवालामुळे ट्रम्प यांच्या दाव्यांवर प्रश्नचिन्ह निर्माण झाले आणि युद्धाच्या वैधतेबद्दलची चर्चा अधिक तीव्र झाली.

• तुळसी गबार्ड यांचा बॉम्बगोळा
• ट्रम्प यांचा दावा फसला?
• जागतिक परिणाम

Tulsi Gabbard Senate Testimony 2026 : वॉशिंग्टनमधून एक अशी बातमी समोर आली आहे जिने संपूर्ण जगाचे लक्ष वेधून घेतले आहे. अमेरिकेच्या राष्ट्रीय गुप्तचर संस्थेच्या (DNI) प्रमुख तुळसी गबार्ड (Tulsi Gabbard) यांनी सिनेट गुप्तचर समितीसमोर साक्ष देताना एक अत्यंत खळबळजनक खुलासा केला आहे. त्यांच्या या विधानामुळे राष्ट्राध्यक्ष डोनाल्ड ट्रम्प (Donald Trump) यांनी इराणविरुद्ध पुकारलेल्या युद्धाच्या नैतिकतेवर आणि कारणांवर मोठे प्रश्नचिन्ह निर्माण झाले आहे. गबार्ड यांच्या मते, इराणकडे अण्वस्त्रे बनवण्याची क्षमता उरली नव्हती, तरीही अमेरिकेने युद्धाचा मार्ग स्वीकारला.

‘ऑपरेशन मिडनाईट हॅमर’ आणि इराणचा अणुकार्यक्रम

तुळसी गबार्ड यांनी आपल्या लेखी साक्षीत नमूद केले की, २०२५ मध्ये अमेरिका आणि इस्रायलने संयुक्तपणे राबवलेल्या ‘ऑपरेशन मिडनाईट हॅमर’मध्ये इराणची अणु-समृद्धीकरण केंद्रे पूर्णपणे उद्ध्वस्त करण्यात आली होती. या कारवाईनंतर इराणने आपला अणुकार्यक्रम पुन्हा सुरू करण्यासाठी कोणताही ठोस प्रयत्न केला नाही. हे विधान ट्रम्प यांच्या त्या दाव्याच्या पूर्णपणे विरोधात आहे, ज्यामध्ये त्यांनी म्हटले होते की इराण अवघ्या काही आठवड्यांत अण्वस्त्रे तयार करेल आणि त्यामुळे जगाला “तात्काळ धोका” आहे.

जागतिक घडामोडी संबंधित बातम्या वाचण्यासाठी येथे क्लिक करा : North Korea: हुकूमशहाच्या देशात लोकशाहीची हत्या! 99.93% मतं मिळवून किम जोंग उन पुन्हा विजयी; मात्र 18 हजार मते विरोधात कशी?

सिनेटमध्ये गबार्ड यांची कोंडी आणि सावध पवित्रा

सुनावणीदरम्यान डेमोक्रॅटिक पक्षाच्या नेत्यांनी गबार्ड यांना धारेवर धरले. “जर तुमच्याकडे ही माहिती होती, तर तुम्ही ती आधी तोंडी साक्षीत का सांगितली नाही?” असा प्रश्न विचारला असता, गबार्ड यांनी वेळेच्या मर्यादेचे कारण दिले. मात्र, राजकीय तज्ज्ञांच्या मते, हा ट्रम्प प्रशासनातील अंतर्गत संघर्षाचा भाग असू शकतो. आंतरराष्ट्रीय अणुऊर्जा संस्थेने (IAEA) देखील गबार्ड यांच्या अहवालाला दुजोरा दिला असून, इराण सध्या कोणताही अणुबॉम्ब विकसित करण्याच्या स्थितीत नसल्याचे स्पष्ट केले आहे.

See more

⭕️ Tulsi Gabbard says it’s not Intelligence Community’s Job to Decide What’s an “Imminent Threat” Director of National Intelligence Tulsi Gabbard testified today, Wednesday, March 18, 2026, before the Senate Intelligence Committee regarding the intelligence community’s annual… https://t.co/kCVNJQ7adN — Drop Site (@DropSiteNews) March 18, 2026

credit – social media and Twitter

युद्धाचा विळखा आणि महागाईचा भडका

हे युद्ध आता २० व्या दिवसात प्रवेश करत आहे आणि त्याचे दुष्परिणाम सर्वसामान्यांना सोसावे लागत आहेत. होर्मुझच्या सामुद्रधुनीतील तणावामुळे जागतिक तेल बाजार कोसळला असून कच्च्या तेलाच्या किमती प्रति बॅरल १०० डॉलरच्या वर गेल्या आहेत. याचा थेट फटका भारताला बसत असून देशात इंधन आणि गॅसच्या किमती वाढण्याची दाट शक्यता आहे. हे युद्ध खरोखर सुरक्षेसाठी आहे की सत्तापालटासाठी, यावर आता आंतरराष्ट्रीय स्तरावर रणकंदन माजले आहे.

जागतिक घडामोडी संबंधित बातम्या वाचण्यासाठी येथे क्लिक करा : Russian Oil: चीनकडे जाणारे रशियन महाकाय तेल टँकर्स अचानक भारताकडे वळले; इराण युद्धाच्या भडक्यात भारतासाठी ‘जॅकपॉट’

पाकिस्तान आणि रशियाकडून अमेरिकेला धोका!

आपल्या साक्षीत गबार्ड यांनी केवळ इराणवरच भाष्य केले नाही, तर भविष्यातील धोक्यांकडेही लक्ष वेधले. त्यांनी सांगितले की, पाकिस्तान, रशिया, चीन आणि उत्तर कोरिया हे देश अत्यंत वेगाने प्रगत क्षेपणास्त्र प्रणाली विकसित करत आहेत. विशेषतः पाकिस्तानच्या अण्वस्त्रांचा आणि प्रगत क्षेपणास्त्रांचा धोका अमेरिकेसाठी आगामी काळात गंभीर ठरू शकतो, असा इशारा त्यांनी दिला आहे.