रविवार, 1 नोव्हेंबर 2026
फोटो सौजन्य सोशल मीडिया
तुर्कीच्या राष्ट्रीय अंतराळ कार्यक्रमांतर्गत विकसित करण्यात आलेल्या या मोहिमेला Turkish Lunar Mission १ ( TLM – १ ) असे नाव देण्यात आले आहे . या मोहिमेतील अंतराळयानाचे उत्पादन , असेम्ब्ली आणि इंटिग्रेशनचे काम ऑक्टोबर २०२६ मध्ये पूर्ण झाले असून आता प्रक्षेपणापूर्वीच्या महत्वाच्या चाचण्या सुरु करण्यात आल्या आहेत .
२०२७ च्या एप्रिल ते जूनदरम्यान SpaceX च्या Falcon ९ रॉकेटच्या माध्यमातून हे अंतराळयान प्रक्षेपित करण्याचे नियोजन आहे . यान चंद्राच्या पृष्ठभागापासून सुमारे १०० किलोमीटर उंचीवरील ध्रुवीय कक्षेत कार्य करणार आहे . या प्रवासाला जवळपास दोन महिने लागण्याचा अंदाज आहे .
तुर्कीच्या या चंद्रयान मोहिमेचे सर्वात मोठे वैशिष्ठ म्हणजे स्वदेशी तंत्रज्ञानाचा वापर . अंतराळयानातील ६५ महत्चाच्या घटकांपैकी ५६ घटक तुर्कीमध्येच विकसित करण्यात आले आहेत . म्हणजेच यानातील ८० टक्क्यांहून अधिक तंत्रज्ञान देशांतर्गत आहे . असे आपल्याला म्हणता येईल .
या अंतराळयानात प्रगत हायब्रीड प्रोपल्शन प्रणालीचा वापर करण्यात आला आहे . ही प्रणाली तुर्कीच्या DeltaV कंपनीने विकसित केली आहे . अंतराळातील विकिरण , चंद्राच्या पुष्ठभागाचे तापमान आणि चंद्राच्या चुंबकीय क्षेत्राचा अभ्यास करण्यासाठी विशेष वैज्ञानिक उपकरणेही बसवण्यात आली आहेत .
तुर्कीची ही मोहीम फक्त चंद्रभावती फिरण्यापुरती मर्यादित नाही . देशातील संशोधन संस्था , खासगी कंपन्या आणि तंत्रज्ञान क्षेत्रातील नव्या स्टार्टअप्सना अंतराळ संशोधनासाठी सक्षम करणे हा त्यामागील महत्वाचा उद्देश आहे . परदेशी तंत्रज्ञानावरील अवलंबित्व कमी करून स्वतःची रॉकेट आणि अंतराळयान निर्मिती क्षमता विकसित करण्यावर सरकार भर देत आहे .
या मोहिमेनंतर तुर्की दुसऱ्या टप्प्यात चंद्रावर यान उतरवण्याची आणि रोव्हर पाठवण्याची योजना आखात आहे . पहिल्या मोहिमेतील अनुभवाचा उपयोग पुढील मोहिमांसाठी केला जाणार आहे . यश मिळाल्यास चंद्र मोहिमेत सहभागी होणाऱ्या मोजक्या देशांच्या यादीत तुर्कीच्या समावेश होऊ शकतो .
