रविवार, 1 नोव्हेंबर 2026
Hong Kong Sixes : ऑस्ट्रेलियाला नमवत अफगाणिस्तानने जिंकला जेतेपदाचा मान, इमरानची धुवांधार खेळी, सौजन्य : आयएएनएस
अफगाणिस्तानने ऑस्ट्रेलियाविरुद्ध 4 विकेटने विजय मिळवत ‘हाँगकाँग सिक्सेस’ (Hong Kong Sixes) च्या आपल्या पहिल्या जेतेपदाला गवसणी घातली. रविवारी मिशन रोड ग्राउंडवर खेळवण्यात आलेल्या फायनलमध्ये ऑस्ट्रेलियाला 115/4 धावांवर रोखल्यानंतर अफगाणिस्तानने 5.1 षटकात विजय प्राप्त केला.
गुलबदीन नायबच्या नेतृत्त्वात अफगाणिस्तानही प्रतिष्ठीत ट्रॉफी जिंकणारा आठवा देश बनला आहे. त्याआधी पाकिस्तान, इंग्लंड, साउथ आफ्रिका, श्रीलंका, भारत, ऑस्ट्रेलिया आणि वेस्ट इंडिजने देखील हे चषक पटकावले आहे.
प्रथम फलंदाजी करताना ऑस्ट्रेलियाने निर्धारित 6 षटकांमध्ये 115/4 ही धावसंख्या उभारली होती. मॅक्स ब्रायंटने 14 चेंडूंत धुवांधार 44 धावा केल्या. त्याच्याशिवाय अॅलेक्स रयसने नाबाद 29 धावा आणि निक हॉब्सनने 23 धावांची खेळी करत ऑस्ट्रेलियाला आव्हानात्मक धावसंख्येपर्यंत पोहचवले. अफगाणिस्तानकडून करीम जनत आणि नांगेलिया खरोटेने प्रत्येकी एक विकेट मिळवला.
Hong kong Sixes : सलग तीन पराभवानंतर भारताला सूर गवसला! बांगलादेशला 5 विकेट्सने नमवले
दरम्यान, अफगाणिस्तानने लक्ष्याचा पाठलाग अत्यंत सहजपणे केले व पाच चेंडू शिल्लक राखत 119/2 अशा धावसंख्येने विजयाला गवसणी घातली. अफगाणिस्तानच्या वतीने इमरान मीरने फक्त 14 चेंडूंत नाबाद 53 धावा कुटत संघाला बळकट सुरुवात करून दिली. त्याच्या या खेळीत 7 सिक्स आणि 2 चौकारांचा समावेश होता, ज्यामुळे अफगाणिस्तानने पूर्णपणे सामन्यात आपले वर्चस्व गाजवले.
त्यानंतर फरमानुल्लाह सफीने 7 चेंडूंत 4 सिक्सेससह नाबाद 26 धावा केल्या. कर्णधार गुलबदीन नायबनेही लक्ष्याचा पाठलाग करण्यास महत्त्वाची भूमिका बजावली आणि 6 चेंडूंत 2 सिक्सेसच्या मदतीने 17 धावा केल्या.
अफगाणिस्तानने या यशस्वी प्रवासाची सुरुवात आपल्या ‘ए’ गटातील पहिल्या सामन्याने केली. येथे त्यांनी साउथ आफ्रिकेवर 3 विकेटने विजय मिळवला. या सामन्यात त्यांनी 108 धावांच्या लक्ष्याचा यशस्वीरित्या पाठलाग केलेला. त्यानंतर अफगाणिस्तानने ओमानविरुद्ध चार विकेटने विजय नोंदवला. त्यांनी ओमानला 120 धावांवर रोखले होते आणि 5.23 षटकांत लक्ष्याचा पाठलागही केला.
अफगाणिस्तानने सेमिफायनलमध्ये स्कॉटलंडविरुद्ध 21 धावांनी सामना आपल्या नावे केला. 121 धावा केल्यानंतर त्यांनी स्कॉटलंडला 100 धावांवर रोखले. अशाप्रकारे त्यांनी फायनलमध्ये जागा मिळवली. जेतेपदाच्या सामन्यात ऑस्ट्रेलियासारख्या बलाढ्य संघाला पराभूत करत स्पर्धेचा शेवट गोड केला.
Ans: अफगाणिस्तानने अंतिम सामन्यात ऑस्ट्रेलियाचा 4 विकेट्सने पराभव करत विजेतेपद पटकावले.
Ans: ऑस्ट्रेलियाने ६ षटकांत ४ बाद ११५ धावा केल्या होत्या. अफगाणिस्तानने 5.1 षटकांत 2 बाद 119 धावा करत विजय मिळवला.
Ans: इमरान मीरने अवघ्या 14 चेंडूंत नाबाद 53 धावा केल्या. त्याने सात षटकार आणि दोन चौकार लगावले.
