रविवार, 1 नोव्हेंबर 2026
Uber New Safety Feature: (फोटो सौजन्य- सोशलमीडिया)
ॲपवरून कॅब बुक करायची म्हटलं की लोकांना टेन्शन येतं. कधी भाड्यावरून भांडण, कधी ड्रायव्हरचं वागणं खराब, कधी तर गंभीर घटना घडतात. या सगळ्या गोंधळाला कंटाळून उबरने आता एक भारी पाऊल उचललंय. कंपनीने ‘रेकॉर्ड माय ट्रिप’ नावाचं नवीन सेफ्टी फिचर लाँच केलं आहे. Uber New Safety Feature:
आता तुम्ही कॅबमध्ये बसल्यापासून उतरेपर्यंत सगळा प्रवास रेकॉर्ड होणार आहे. अलीकडे झालेल्या काही वाईट घटनांनंतर उबरला हा निर्णय घ्यावा लागला आहे. यामुळे जो कोणी नियम तोडेल, चुकीचं वागेल, त्याच्यावर लगेच कारवाई करणं सोपं होणार आहे.
उबर इंडियाने सांगितलं की, या फिचरचा उद्देश एकच आहे, प्रवासात काही वाईट घडलं तर त्याची चौकशी व्यवस्थित व्हावी. कॅबमधला व्हिडीओ आणि आवाज दोन्ही रेकॉर्ड होणार आहे, पण ते पूर्णपणे एनक्रिप्टेड असणार आहे.
म्हणजे प्रवास चालू असताना किंवा नंतर ड्रायव्हर, तुम्ही किंवा स्वतः उबर कंपनी पण ते फुटेज थेट बघू शकणार नाही. ते फुटेज लॉक राहील.मग बघणार कोण? जर प्रवासात काही भांडण झालं, काही चुकीची घटना घडली, तर पोलीस किंवा कायदेशीर तपास करणारी यंत्रणा अधिकृतपणे मागणी करून ते फुटेज घेऊ शकेल. त्यामुळे पुरावा म्हणून ते कामाला येईल.
एवढंच नाही तर प्रवाशांना पण त्यांच्या ॲपवरून स्वतः रेकॉर्डिंग चालू करण्याचा ऑप्शन मिळणार आहे. यामुळे उबरच्या प्रवासात पारदर्शकता येईल आणि चुकीचं वागणाऱ्यांना वचक बसेल.
गुरुग्राममध्ये एक खूप वाईट घटना घडली होती, त्यानंतरच हे सगळं जास्त चर्चेत आलं. दिल्ली एअरपोर्टवरून एक सॉफ्टवेअर इंजिनिअर महिला गुरुग्रामला घरी जात होती. तिने उबर बुक केली. ॲपवर भाडं 625 रुपये दाखवत होतं.
पण घरी पोहोचल्यावर ड्रायव्हरने दुसरं ॲप दाखवून 1,479 रुपये मागितले. महिलेने जास्त पैसे द्यायला नकार दिला, तर ड्रायव्हरने तिचं सामान गाडीतच अडकवून ठेवलं. तिला शिव्या दिल्या आणि घरापर्यंत तिचा पाठलाग करून जीवे मारण्याची धमकी पण दिली.
या प्रकरणात पोलिसांनी केस नोंदवून यासिर नावाच्या 24 वर्षाच्या ड्रायव्हरला अटक केली. तो बनावट नावाने अकाउंट चालवत होता. उबरने पण त्याला कायमचं काढून टाकलं.
नोएडा आणि इतर शहरात पण असाच प्रॉब्लेम येतोय. ॲपवर नाव वेगळं दिसतं आणि गाडी चालवणारा माणूस वेगळाच असतो. लायसन्सवर नाव वेगळं, ॲपवर वेगळं. याच कारणामुळे दिल्ली हायकोर्टात एक याचिका टाकली गेली आहे.कोर्टाने कंपन्यांना आणि सरकारला सांगितलंय की, ड्रायव्हरची पूर्ण चौकशी करा, ॲपवर त्याची खरी ओळख दाखवा, गाडी कुठे चालली आहे ते ट्रॅक करा आणि SOS बटण दाबल्यावर लगेच मदत करा, हे सगळं सक्तीचं करा.
फक्त सेफ्टीच नाही, तर उबरने ड्रायव्हरसाठी कमाईचे नवीन मार्ग पण काढले आहेत. आता ड्रायव्हर फक्त लोकांनाच नाही, तर पार्सल पण पोहोचवू शकतो, पाळीव प्राण्यांना घेऊन जाऊ शकतो आणि काही शहरात उबर बाईक पण चालवू शकतो.त्यांच्यासाठी ‘Earn First, Pay Later’ नावाचा पास आणलाय. म्हणजे आधी कमवा आणि नंतर पासचे पैसे भरा. त्यामुळे नवीन ड्रायव्हरना पण काम सुरू करायला सोपं जाईल.
Ans: हे Uber चे सेफ्टी फीचर असून, कॅब प्रवासादरम्यान व्हिडिओ आणि ऑडिओ रेकॉर्डिंग करण्याची सुविधा देते.
Ans: प्रवासादरम्यान गैरवर्तन किंवा अनुचित घटना घडल्यास त्याची चौकशी करण्यासाठी पुरावा उपलब्ध करून देणे हा या फीचरचा उद्देश आहे.
Ans: होय, प्रवाशांना Uber ॲपमधून स्वतः रेकॉर्डिंग सुरू करण्याचा पर्याय मिळणार आहे.
