रविवार, 1 नोव्हेंबर 2026
Vande Bharat Sleeper Train : मुंबई-बंगळुरू प्रवास होणार सुपरफास्ट! वंदे भारत स्लीपर ट्रेनला हिरवा झेंडा; महाराष्ट्रालाही मोठा फायद, सौजन्य : आयएएनएस
मुंबईकरांसाठी एक आनंदाची बातमी समोर आली आहे. मुंबई व बंगळुरू या दोन महत्त्वांच्या शहरांमधील प्रवास वेगवान व आरामदायी करण्याच्या दिशेने एक मोठं पाऊल उचलण्यात आले आहे. त्याच अनुषंगाने रविवारी मुंबई-बंगळुरू वंदे भारत स्लीपर ट्रेनला (Vande Bharat Sleeper Train) हिरवा झेंडा दाखवण्यात आला आहे. पंतप्रधान नरेंद्र मोदी यांनी या नव्या एक्स्प्रेसचं स्वागत करताना ही सेवा दोन्ही शहरांना जोडण्यासाठी ‘गेमचेंजर’ ठरेल असा विश्वास व्यक्त केला आहे.
पंतप्रधान मोदी यांनी ‘एक्स’वर भारतीय रेल्वेची पोस्ट शेअर करत या नव्या सेवेचे महत्त्व अधोरेखित केले. बंगळुरूमधून सुरू झालेली ही रेल्वे सेवा देशातील आधुनिक रेल्वे कनेक्टिव्हिटी अधिक मजबूत करण्याच्या दिशेने महत्त्वाचे पाऊल असल्याचे ते म्हणाले.
मोदी यांनी आपल्या पोस्टमध्ये म्हटले की, तंत्रज्ञान आणि नवसंकल्पनांसाठी ओळखल्या जाणाऱ्या बंगळुरूमधून रेल्वे कनेक्टिव्हिटीच्या दिशेने आणखी एक महत्त्वाचे पाऊल टाकण्यात आले आहे. बंगळुरू-मुंबई वंदे भारत स्लीपर ट्रेन दोन्ही महानगरांमधील संपर्कव्यवस्थेसाठी गेमचेंजर ठरेल.
या नव्या रेल्वे सेवेमुळे कर्नाटक, आंध्र प्रदेश आणि महाराष्ट्रातील प्रवाशांना फायदा होणार आहे. विशेषतः तरुण, आयटी क्षेत्रातील कर्मचारी आणि विद्यार्थ्यांसाठी ही सेवा उपयुक्त ठरेल, असे पंतप्रधानांनी सांगितले. प्रवास अधिक आरामदायी आणि सुविधाजनक होण्यास या रेल्वे सेवेमुळे मदत मिळेल, अशी अपेक्षाही त्यांनी व्यक्त केली.
दरम्यान, केंद्रीय रेल्वेमंत्री अश्विनी वैष्णव यांनी इतर मान्यवरांच्या उपस्थितीत या वंदे भारत स्लीपर ट्रेनला हिरवा झेंडा दाखवून रवाना केले. लांब पल्ल्याच्या रेल्वे प्रवासात आधुनिक सुविधा आणि उत्तम प्रवासाचा अनुभव देण्याच्या उद्देशाने ही सेवा सुरू करण्यात आल्याचे रेल्वे मंत्रालयाने म्हटले आहे.
Rahul Gandhi : ‘भाजपने दुकाने सक्तीने बंद पाडली,’ राहुल गांधींचा गंभीर आरोप, दिल्लीत नेमकं काय घडलं?
दरम्यान, देशातील बुलेट ट्रेन नेटवर्कच्या नॉर्दर्न कॉरिडॉरला पंतप्रधान नरेंद्र मोदी यांनी मंजुरी दिल्याची माहिती रेल्वेमंत्री अश्विनी वैष्णव यांनी शनिवारी दिली होती. वाराणसी-नवी दिल्ली वंदे भारत स्लीपर एक्स्प्रेसच्या शुभारंभादरम्यान त्यांनी या महत्त्वाकांक्षी प्रकल्पाची माहिती दिली.
प्रस्तावित बुलेट ट्रेन कॉरिडॉर दिल्ली, आग्रा, कानपूर, लखनौ, अयोध्या, प्रयागराज, वाराणसी, पाटणा आणि सिलीगुडी या शहरांना जोडणार असून पुढे गुवाहाटीपर्यंत विस्तारण्याची योजना आहे.
या बुलेट ट्रेन प्रकल्पामुळे प्रवासाच्या वेळेत मोठी बचत होणार असल्याचा दावा रेल्वेमंत्र्यांनी केला आहे. प्रस्तावित वेळापत्रकानुसार दिल्ली ते आग्रा प्रवास 59 मिनिटांत, दिल्ली ते कानपूर 1 तास 45 मिनिटांत, दिल्ली ते लखनौ 2 तास 12 मिनिटांत, तर दिल्ली ते वाराणसी प्रवास 3 तास 33 मिनिटांत पूर्ण करता येणार आहे. लखनौ ते वाराणसी हे अंतर अवघ्या 1 तास 21 मिनिटांत पार करता येईल, असेही त्यांनी सांगितले.
बुलेट ट्रेन ही केवळ श्रीमंतांसाठीच असेल, असा विरोधकांकडून केला जाणारा आरोप रेल्वेमंत्री अश्विनी वैष्णव यांनी फेटाळला. विमान प्रवासाच्या तुलनेत बुलेट ट्रेनचे तिकीटदर कमी असतील आणि सर्वसामान्यांनाही या सेवेचा लाभ घेता येईल, असे त्यांनी स्पष्ट केले.
देशात वेगवान, आधुनिक आणि सर्वसामान्यांना परवडणारी परिवहन व्यवस्था विकसित करणे हे सरकारचे उद्दिष्ट असल्याचेही रेल्वेमंत्र्यांनी सांगितले.
Ans: रविवार, 1 नोव्हेंबर 2026 रोजी या रेल्वे सेवेला हिरवा झेंडा दाखवण्यात आल्याचे वृत्तात म्हटले आहे.
Ans: महाराष्ट्र, कर्नाटक आणि आंध्र प्रदेश या तीन राज्यांतील प्रवाशांना या सेवेचा फायदा होणार आहे.
Ans: बंगळुरू-मुंबई वंदे भारत स्लीपर ट्रेन दोन्ही महानगरांमधील कनेक्टिव्हिटीसाठी गेमचेंजर ठरेल, असे मोदी यांनी म्हटले आहे.
