एकही शस्त्र न चालवता तेहरानवर सूड उगवला; संयुक्त अरब अमिरातीची इराणविरोधातील मूक कारवाई ( फोटो सौजन्य : सोशल मीडिया )
UAE Iran Conflict March 2026 : मध्य-पूर्वेतील रणसंग्राम आता केवळपणास्त्रे आणि ड्रोनपुरता मर्यादित राहिलेला नाही. आधुनिक युद्धाचा नवा चेहरा आता ‘आर्थिक नाकेबंदी’ (Economic Warfare) म्हणून समोर येत आहे. शुक्रवारी, २० मार्च रोजी संयुक्त अरब अमिरातीने (UAE) घेतलेल्या एका धाडसी निर्णयाने इराणच्या (Iran) गोटात मोठी खळबळ उडाली आहे. यूएईने कोणतीही लष्करी घोषणा न करता इराणची सहयोगी संघटना ‘हिजबुल्लाह’च्या पाच प्रमुख सदस्यांना अटक करून त्यांचे जागतिक स्तरावर पसरलेले आर्थिक जाळे कापून टाकले आहे.
यूएईच्या सुरक्षा यंत्रणेने दिलेल्या माहितीनुसार, अटक करण्यात आलेले हे पाच जण साधे लोक नव्हते. ते दुबई आणि अबू धाबीच्या चकचकीत जगात राहून इराण आणि हिजबुल्लाहसाठी निधी गोळा करण्याचे काम करत होते. ‘मनी लाँड्रिंग’च्या माध्यमातून हे लोक दहशतवादी कारवायांसाठी पैसा उभा करत होते. युद्धाच्या काळात जागतिक अर्थव्यवस्थेत अस्थिरता निर्माण करणे आणि यूएईच्या स्वतःच्या आर्थिक हितांना बाधा पोहोचवणे, हा या टोळीचा मुख्य हेतू होता.
जागतिक घडामोडी संबंधित बातम्या वाचण्यासाठी येथे क्लिक करा : Iran Attack US : इराणच्या आकाशात अमेरिकेच्या F-35 Lightning II ची शिकार; US आर्मीच 100 दशलक्ष डॉलर्सचं नुकसान
सध्या हिजबुल्लाह ही संघटना इराणच्या पाठिंब्यावर इस्रायलविरुद्ध आघाडी उघडून बसली आहे. कोणत्याही युद्धासाठी सर्वात महत्त्वाची गोष्ट असते ‘पैसा’. यूएईमध्ये २०१६ पासूनच हिजबुल्लाहला दहशतवादी संघटना म्हणून घोषित करण्यात आले आहे, तरीही या संघटनेने आपले जाळे तिथे कायम ठेवले होते. तेलाची अवैध विक्री आणि हवाला व्यवहारांतून हा पैसा इराणपर्यंत पोहोचवला जात असे. आता या जाळ्याचा पर्दाफाश झाल्यामुळे हिजबुल्लाहची लढण्याची क्षमता आणि इराणची आर्थिक रसद दोन्ही धोक्यात आले आहेत.
The State Security Apparatus has dismantled a Hezbollah and Iran-funded terrorist network and arrested its members. The group had been operating in the UAE under commercial cover, attempting to infiltrate the economy and undermine the country’s financial stability. pic.twitter.com/Udk6Tjbl4h — Emirates News (@Emirates_News) March 20, 2026
credit – social media and Twitter
काही काळापूर्वीपर्यंत संयुक्त अरब अमिरात आणि इराण यांच्यात पडद्यामागे काही व्यापारिक संबंध होते. परंतु, अलीकडच्या काळात इराणने यूएईवर टाकलेला दबाव आणि दिलेली आव्हाने यामुळे अबू धाबीचे राज्यकर्ते संतप्त झाले आहेत. त्यांनी ठरवले आहे की, इराणशी थेट युद्ध खेळण्यापेक्षा त्यांच्या ‘आर्थिक साम्राज्या’वर वार करणे अधिक प्रभावी ठरेल. ही कारवाई म्हणजे तेहरानला दिलेला एक स्पष्ट इशारा आहे की, यूएई आता शांत बसणार नाही.
जागतिक घडामोडी संबंधित बातम्या वाचण्यासाठी येथे क्लिक करा : Strait Of Hormuz : होर्मुझवर इराणची ‘वसुली’! युद्धाच्या आडोशाने कमावणार 73 अब्ज डॉलर्स; भारतासह 20 देशांची धाकधूक वाढली
तज्ज्ञांच्या मते, ही मूक कारवाई इराणसाठी एखाद्या मोठ्या क्षेपणास्त्र हल्ल्यापेक्षाही जास्त घातक आहे. यामुळे हिजबुल्लाहच्या नेत्यांची आणि कार्यकर्त्यांची रसद थांबणार आहे. तसेच, मध्य-पूर्वेतील इतर देशांनाही यूएईने एक आदर्श घालून दिला आहे की, लष्करी शक्तीचा वापर न करता शत्रूला कसं जेरबंद केलं जाऊ शकतं. या कारवाईमुळे आगामी काळात मध्य-पूर्वेतील राजकारणात आणि अर्थकारणात मोठे फेरबदल पाहायला मिळू शकतात.
Ans: यूएईच्या सुरक्षा यंत्रणेने इराण आणि हिजबुल्लाहसाठी निधी पुरवठा (Money Laundering) करणाऱ्या पाच प्रमुख सदस्यांना अटक केली आहे.
Ans: यामुळे हिजबुल्लाहचे आर्थिक जाळे उद्ध्वस्त झाले असून, त्यांच्या दहशतवादी कारवायांसाठी लागणाऱ्या रसद पुरवठ्यावर मोठा परिणाम होणार आहे.
Ans: यूएईची अर्थव्यवस्था पर्यटनावर आधारित आहे, त्यामुळे थेट लष्करी संघर्षापेक्षा आर्थिक आणि गुप्तचर मार्गाने शत्रूला कमकुवत करणे हे त्यांच्यासाठी अधिक फायदेशीर आहे.
