Hormuz Blockade: ‘US Centcom’ मैदानात! आज संध्याकाळी 7:30 पासून होर्मुझमध्ये टाळेबंदी; इराणी अहंकाराला अमेरीकन नौदलच देणार उत्तर

US-Iran War : अमेरिकेच्या सेंट्रल कमांडने (CENTCOM) सोमवारी होर्मुझच्या सामुद्रधुनीची नाकेबंदी सुरू केली असून, इराणी बंदरांना भेट देणाऱ्या सर्व जहाजांवर निर्बंध लादले आहेत, ज्यामुळे जागतिक तणाव वाढला आहे.

• अमेरिकेची मोठी लष्करी कारवाई
• इराणी बंदरांवर टाळेबंदी
• इतरांना दिलासा, इराणला चपराक

US Centcom blockade Strait of Hormuz : जागतिक राजकारणातील तणाव आता टोकाला पोहोचला आहे. अमेरिकेचे राष्ट्राध्यक्ष डोनाल्ड ट्रम्प यांनी इराणच्या ‘अवज्ञाकारी’ वृत्तीला उत्तर देण्यासाठी एक ऐतिहासिक आणि अत्यंत आक्रमक पाऊल उचलले आहे. अमेरिकेच्या सेंट्रल कमांडने (CENTCOM) अधिकृतपणे जाहीर केले आहे की, सोमवारपासून होर्मुझच्या सामुद्रधुनीची (Strait of Hormuz) पूर्णपणे लष्करी नाकेबंदी केली जाईल. भारतीय वेळेनुसार आज संध्याकाळी ७:३० वाजल्यापासून ही टाळेबंदी लागू होणार असून, यामुळे संपूर्ण जगाच्या ऊर्जा बाजारपेठेत खळबळ उडाली आहे.

नाकेबंदीचे स्वरूप आणि वेळ काय आहे?

अमेरिकेच्या सेंट्रल कमांडने स्पष्ट केले आहे की, ही कारवाई अमेरिकेतील ईस्टर्न टाईमनुसार सकाळी १० वाजता आणि भारतीय वेळेनुसार संध्याकाळी ७:३० वाजता सुरू होईल. या नाकेबंदीचे मुख्य उद्दिष्ट इराणच्या अर्थव्यवस्थेचा कणा असलेले सागरी व्यापार केंद्र उद्ध्वस्त करणे हे आहे. इराणच्या बंदरांना भेट देणारे कोणतेही जहाज, मग ते कोणत्याही देशाचे असो, त्याला या मार्गावरून जाण्यास मज्जाव केला जाईल. अरबी आखात आणि ओमानच्या आखातातील सर्व इराणी बंदरे आता अमेरिकन नौदलाच्या कडक पहाऱ्यात असतील.

जागतिक घडामोडी संबंधित बातम्या वाचण्यासाठी येथे क्लिक करा : Diplomatic War: 4,596 वर्षांचा तुरुंगवास? तुर्कियेचा नेतान्याहूंना दणका; इस्रायलनेही ‘कागदी वाघ’ म्हणत केली एर्दोगानची गुपितं उघड

ट्रम्प यांचा ‘टोल’ इशारा आणि सुरक्षित मार्ग

डोनाल्ड ट्रम्प यांनी ‘ट्रुथसोशल’वर या कारवाईचे संकेत दिले होते. त्यांनी स्पष्टपणे सांगितले की, जे देश किंवा जहाजे इराणला बेकायदेशीररित्या टोल किंवा शुल्क भरतील, त्यांना खुल्या समुद्रात कोणतीही सुरक्षा दिली जाणार नाही. ट्रम्प यांनी म्हटले आहे की, “इराणला आर्थिक मदत करणाऱ्यांना आम्ही सोडणार नाही.” मात्र, ही नाकेबंदी केवळ इराणशी संबंधित जहाजांसाठीच आहे. इराण व्यतिरिक्त इतर आखाती देशांच्या बंदरांवर जाणाऱ्या व्यापारी जहाजांना यातून सूट देण्यात आली आहे, जेणेकरून जागतिक पुरवठा साखळी पूर्णपणे कोलमडणार नाही.

See more

🚨The US military just officially CONFIRMED President Trump’s massive Naval blockade of the Strait of Hormuz will ACTIVATE at exactly 10AM ET tomorrow: CENTCOM: “The blockade will be enforced impartially against vessels of all nations entering or departing Iranian ports and… https://t.co/v6CZLLfMTt pic.twitter.com/8dlI5LpTEp — Morse Report (@MorseReport) April 12, 2026

credit – social media and Twitter

नौदलाचा कडक बंदोबस्त आणि मार्गदर्शक सूचना

सेंट्रल कमांडने व्यापारी जहाजांसाठी विशेष ‘नोटीस टू मरीनर्स’ (Notice to Mariners) जारी केली आहे. ओमानच्या आखातात कार्यरत असलेल्या जहाजांना अमेरिकन नौदलाच्या संपर्कात राहण्याचे आवाहन करण्यात आले आहे. ब्रिज-टू-ब्रिज चॅनल १६ द्वारे ही जहाजे नौदलाशी संवाद साधू शकतात. तसेच, समुद्रात पेरलेले भूसुरुंग हटवण्याचे काम अमेरिका सातत्याने करत राहील, जेणेकरून मित्र राष्ट्रांच्या जहाजांना सुरक्षित मार्ग मिळू शकेल. ही नाकेबंदी इराणच्या बंदरांसाठी ‘आर्थिक फास’ ठरणार असल्याचे तज्ञांचे मत आहे.

जागतिक घडामोडी संबंधित बातम्या वाचण्यासाठी येथे क्लिक करा : India Nepal Ties : ‘ती’ मोदींची रणनीती! दिल्ली निमंत्रणानंतर PM बालेंद्र शाहांचा ‘Delhi Plan’ तयार; नेपाळची भारतासोबत खलबतं

जागतिक अर्थव्यवस्थेवर काय परिणाम होणार?

होर्मुझची सामुद्रधुनी ही जगातील सर्वात संवेदनशील व्यापारी मार्ग आहे. जगातील एकूण तेल पुरवठ्याचा २० टक्के भाग याच मार्गातून जातो. अमेरिकेच्या या निर्णयामुळे तेलाच्या किमतीत मोठी वाढ होण्याची शक्यता वर्तवली जात आहे. भारतासारख्या देशांसाठी, जे आपल्या ऊर्जेसाठी आखाती देशांवर अवलंबून आहेत, ही बातमी चिंताजनक आहे. जरी इतर देशांच्या जहाजांना सूट असली, तरी युद्धजन्य परिस्थितीमुळे विम्याचे दर आणि मालवाहतुकीचा खर्च वाढण्याची भीती आहे.