दुर्दैवी घटना! अमेरिकेत घराला लागलेल्या आगीत भारतीय विद्यार्थीनीचा होरपळून मृत्यू ; कुटुंबावर शोककळा

अमेरिकेत एक मोठी दुर्घटना घडली आहे. एका घराला लागलेल्या आगीत भारतीय विद्यार्थीनाचा होरपळून मृत्यू झाला आहे. तिच्या अकाली निधनाने कुटुंबावर शोककळा पसरली आहे. या घटनेवर भारतीय दूतावासाने देखील दु:ख व्यक्त केले आहे.

• अमेरिकेत भारतीय विद्यार्थीनीचा दुर्दैवी मृत्यू
• घराला लागलेल्या आगीत ९०% भाजली
• भारतीय दूतावासेन केले दु:ख व्यक्त

Indian Student Dies in America : वॉशिंग्टन : अमेरिकेत (America) एक दुर्दैवी घटना घडली आहे. एका भारतीय विद्यार्थीनीचा आगीत होरपळून मृत्यू झाला आहे. या घटनेने विद्यार्थीनीच्या कुटुंबावर शोककळा पसरली आहे. सहजा रेड्डी उदुमाला असा या भारतीय विद्यार्थीनीचे नाव आहे. अमेरिकेच्या न्यूयॉर्कमध्ये ही घटना घडलवी असून भारतीय वाणिज्य दूतावासाने यावर तीव्र शोक व्यक्त केला आहे. तसेच सहजाच्या कुटुंबाला सर्वतोपरी मदतीचे आश्वासन दिले आहे.

ब्रिटनमध्ये भारतीय विद्यार्थ्याची चाकूने हत्या; कुटुंबावर शोककळा, सरकारकडे केली मदतीची मागणी

मिळालेल्य माहितीनुसा सहजा रेड्डी उदुमाला (वय २४) ही न्यूयॉर्कमध्ये अल्बानी येथे राहत होती. पदव्युत्तर शिक्षण घेण्यासाठी ती येथे आली होती. मात्र काळाने तिच्यावर घात केला. एका घरात लागलेल्या भीषण आगीत सहजा ९०% भाजली गेली. तिला जखमी असवस्थेत रुग्णालयात दाखल करण्यात आले होते. मात्र उपचारादरम्यान तिचा मृत्यू झाला.

अल्बानी पोलिसांनी दिलेल्या माहितीनुसार, आगीची माहिती मिळताच अग्निशमन दलाने तात्काळ घटनास्थळी धाव घेतली होती. आगीने संपूर्ण घराला विळका घातला होता. काही विद्यार्थी आतमध्ये अडकले होते. अग्निशमन दलाने तातडीने आग विझवून विद्यार्थ्यांना बाहेर काही. त्यांना घटनास्थळी उपचार देण्यात आले. पंरुत सहजा गंभीर जखमी झाली होती. वैद्यकीय तज्ज्ञांनी तिला वाचवण्याचा प्रयत्न केला. परंतु सहजा ९०% भाजली गेल्याने तिची प्रकृती अधिक खालावत गेली. तिचे संपूर्ण अवयव निकाली झाले होते. ज्यामुळे तिचा उपचारादरम्यान मृत्यू झाला.

नेमका कसा घडला अपघात?

स्थानिक पोलिसांनी दिलेल्या माहितीनुसार, ४ डिसेंबर रोजी ही घटना घडली होती. (स्थानिक वेळेनुसार) सकाळी ११ च्या सुमारास कामावरुन घरी परतली होती आणि न्यूयॉर्कमधील अल्बानी येथील तिच्या घरात तिच्या खोलीत झोपली होती. यावळे अचानक आग लागली. सहजा झोपली असल्याने तिला आग लागल्याचे लक्षात आले नाही आणि ती या घटनेत गंभीर जखमी झाली. सध्या या आगीचे कारण स्पष्ट झालेले नाही. सहजा ही आंध्र प्रदेशच्या विशाखापट्टणम येथील रहिवासी आहे.

भारतीय वाणिज्य दूतावासाने केले दु:ख व्यक्त

दरम्यान, न्यूयॉर्कमधील भारतीय वाणिज्य दूतावासाने या घटनेवर शोक व्यक्त केले आहे. एक्सवर केलेल्या पोस्टमध्ये दूतावासाने म्हटले आहे की, अल्बानी येथे घराला लागलेल्या आगीत सहजा रेड्डी उदुमलाचा बळी गेला, तिच्या अकाली निधनाने खूप दु:ख झाले आहेत. या कठीण काळात आमच्या संवेदना तिच्या कुटुंबासोबत आहेत. तसेच आम्ही उदुमालाच्या कुटुंबाच्या संपर्कात आहोत आणि शक्य ती मदत करु असेही दूतावासाने म्हटले आहे.

भारतीय विद्यार्थीनीचा कॅनडामध्ये संशयास्पद मृत्यू; समुद्रकिनारी आढळला मृतदेह