अमेरिका इराणमधील युद्धविराम धोक्यात का आहे?

ट्रम्प यांनी इराणचा १० कलमी प्रस्ताव फेटाळला असून रेड लाईन आखली आहे. तसेच इस्रायलचे लेबनॉनवरील हल्ले थांबण्याचे नाव घेईना. यामुळे इराण संतप्तहोऊन युद्धविराम करारातून माघार घेऊ शकतो.

ट्रम्प यांनी इराणचा १० कलमी प्रस्ताव का नाकारला?

ट्रम्प यांच्या मते, इराणचा १० कलमी प्रसाव अयोग्य आहे. इराणने युरेनियम संवर्धन पूर्णपणे थांबवावे अशी त्यांनी अट घातली आहे. यामुळे हा प्रस्ताव नाकरला असल्याचे व्हाईट हाऊसच्या सेक्रेटरी लेविट यांनी म्हटले आहे.

US Iran Ceasefire : इराणचा प्रस्ताव थेट कचऱ्यात! ट्रम्प यांचे सूर पुन्हा बदलले; इराणसमोर आखली ‘रेड लाईन’, युद्ध अटळ?

US Iran Ceasefire Update : अमेरिका इराण युद्धबंदीबाबत अनिश्चिततेचे वातावरण निर्माण झाले आहे. ट्रम्प यांनी इराणचा १० कलमी प्रस्ताव फेटाळला आहे. तसेच दुसरीकडे इस्रायलचे लेबनॉनवर हल्ले सुरुच आहे.

By स्वराली शहा

Updated On: Apr 09, 2026 | 09:09 AM

Trump Rejects Iran's 10 Point Proposal

इराणचा १० कलमी प्रस्ताव ट्रम्प यांनी फेटाळला
युद्धविराम संपुष्टात येणार?
लेबनॉनवरील हल्ल्यामुळे युद्ध आणखी भडकणार?

Trump Rejects Iran’s 10 Point Proposal : वॉशिंग्टन : मध्यपूर्वेतील अमेरिका इराण युद्धविरामाबाबत अनिश्चितता निर्माण झाली आहे. इराणने सादर केलेला १० कलमी प्रस्ताव अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी फेटाळून लावला आहे. व्हाईट हाऊसने इराणच्या प्रस्तावाला केराची टोपली दाखवली आहे. यामुळे दोन आठवड्यांचा युद्धविराम धोक्यात येण्याची शक्यता आहे. दुसरीकडे इस्रायलचे लेबनॉनवरही हल्ले सुरुच आहे. यामुळे तणाव वाढला असून इराणने हल्ले थांबले नाही तर युद्धविराम कारारतून बाहेर पडू असा इशारा दिला होता. यामुळे पुन्हा भडका उडण्याची शक्यता आहे.

Israel Iran War : लेबनॉनवरील हल्ले थांबवा, अन्यथा…; इराणचा इस्रायलला उघड इशारा, युद्धबंदीच्या प्रयत्नांवर फिरणार पाणी?

अमेरिकेची आक्रमक भूमिका

व्हाईट हाऊसच्या प्रेस सेक्रटरी कॅरोलिन लेविट यांनी स्पष्ट केले आहे की, इराणचा १० कलमी प्रस्ताव ट्रम्प यांनी फेटाळला असून तो कचऱ्याच्या टोपलीत फेकून दिला आहे. हा प्रस्ताव एकतर्फी आणि गंभीर्यपूर्ण नव्हता आणि ट्रम्प यांना तो वाटाघाटीसाठी पात्र वाटला नाही. यामुळे आता प्रस्तावाची एक नवी सुधारित योजना सादर करण्यात आली आहे. तसेच ट्रम्प यांच्या १५ कलमी प्रस्तावाशी जोडून आता वाटाघाटींची चर्चा होणार असल्याचे सेक्रटरी कॅरोलिन लेविट यांनी स्पष्ट केले. ट्रम्प यांनी इराणसमोर रेड लाइन आखली आहे. इराणने युरेनियम संवर्धन पूर्णपणे थांबवावे अशी अट ट्रम्प यांनी घातली आहे.

#WATCH | White House Press Secretary Karoline Leavitt says, “…Iran has agreed to open the Strait of Hormuz, and as the president said, we have received a proposal from the Iranians that has been determined to be a workable basis on which to negotiate…The Iranians originally… pic.twitter.com/kBLBqd5Hb4 — ANI (@ANI) April 8, 2026

लेबनॉनवर हल्ले सुरुच

दुसरीकडे इस्रायलकडून युद्धबंदीच्या घोषणेनंतरही लेबनॉनवर हल्ले सुरुच आहेत. यामुळे इराणने संताप व्यक्त केला असून हल्ले थांबले नाहीत, युद्धविराम करारातून बाहेर पडण्याची धमकी दिली आहे. यामुळे मध्यपूर्वेतील अमेरिका इराण तणाव (US Iran War) पुन्हा एकदा भडकण्याची भीती निर्माण झाली आहे. इस्लामाबाद मध्ये १० एप्रिल रोजी होणाऱ्या चर्चेपूर्वीच ट्रम्प यांनी आपले सूर बदलल्याने मोठा पेच निर्माण झाला आहे.

#WATCH | White House Press Secretary Karoline Leavitt says, “President Trump and the team determined the new modified plan was a workable basis on which to negotiate and to align it with our own 15-point proposal. The President’s red lines, namely the end of Iranian enrichment in… pic.twitter.com/egMK5CJsbV — ANI (@ANI) April 8, 2026

US Iran Ceasefire : होर्मुझपासून ते नुकसानभरपाईपर्यंत… इराणच्या अटींसमोर झुकणार ट्रम्प? शांतता टिकणार का?

💡

Frequently Asked Questions

Que: अमेरिका इराणमधील युद्धविराम धोक्यात का आहे?

Ans: ट्रम्प यांनी इराणचा १० कलमी प्रस्ताव फेटाळला असून रेड लाईन आखली आहे. तसेच इस्रायलचे लेबनॉनवरील हल्ले थांबण्याचे नाव घेईना. यामुळे इराण संतप्तहोऊन युद्धविराम करारातून माघार घेऊ शकतो.
Que: ट्रम्प यांनी इराणचा १० कलमी प्रस्ताव का नाकारला?

Ans: ट्रम्प यांच्या मते, इराणचा १० कलमी प्रसाव अयोग्य आहे. इराणने युरेनियम संवर्धन पूर्णपणे थांबवावे अशी त्यांनी अट घातली आहे. यामुळे हा प्रस्ताव नाकरला असल्याचे व्हाईट हाऊसच्या सेक्रेटरी लेविट यांनी म्हटले आहे.