US Iran Ceasefire : होर्मुझपासून ते नुकसानभरपाईपर्यंत… इराणच्या अटींसमोर झुकणार ट्रम्प? शांतता टिकणार का?

US Iran Ceasefire : अमेरिका आणि इराणमध्ये दोन आठवड्यांसाठी युद्धविरामाची घोषणा केली आहे. यामुळे संपूर्ण जगाला काहीसा दिला मिळाला आहे. मात्र दोन्ही देशांमधील ही शांतता किती काळा टिकून राहणार याकडे सर्वांचे लक्ष लागले आहे.

• अमेरिका इराणमध्ये दोन आठवड्यांसाठी युद्धबंदी लागू
• इराणच्या अटींसमोर झुकणार ट्रम्प?
• काय आहे इराणच्या अटी?

US Iran Ceasefire News in Marathi: तेहरान/वॉशिंग्टन : अखेर एक महिन्यांपासून सुरु असलेल्या अमेरिका इराण युद्धा(US Iran War) ला दोन आठवड्यांसाठी पूर्णविराम मिळाला.  ट्रम्प यांनी मंगळवारी (०७ एप्रिल २०२६) इराणसोबत युद्धविरामाची घोषणा केली. पाकिस्तानच्या मध्यस्थीनंतर तात्पुरता युद्धविराम लागू झाल्याचे त्यांनी सांगितले. सध्या या दोन आठड्यात इराणने मांडलेल्या अटींवर चर्चा सुरु होणार आहे. ट्रम्प इराणच्या अटी मान्य करणार का याकडे लक्ष लागले आहे.

दिलासादायक ! इराण-अमेरिका युद्ध अखेर थांबले; डोनाल्ड ट्रम्प यांच्याकडून युद्धविरामाची घोषणा, इंधनाचा पुरवठाही सुरळीत होणार

काय आहे इराणच्या अटी?

इराणची सभ्यता संपुष्टात आणण्याची धमकी देणाऱ्या अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणसोबत युद्धबंदीची घोषणा केली. दोन्ही देशांमध्ये दोन आठवड्यांच्या कालावधीसाठी शस्त्रसंधी लागू करण्यात आली आहे. इराणने देखील या युद्धबंदीला आपला मोठा राजनैतिक विजय मानले आहे. इराणने अमेरिकेसमोर काही अटी ठेवल्या आहेत.

इराणचा १० कलमी प्रस्ताव

• भविष्यात इराणवर कधीही अमेरिका-इस्रायलकडून हल्ला होणार नाही याची लेखी हमी इराणने मागितली आहे.
• स्ट्रेट ऑफ होर्मुझ (Strait of Hormuz) या जागतिक तेल व्यापाराच्या मार्गावर इराणचे नियंत्रण राहील.
• इराणला त्यांच्या अटींवर युरेनियम संवर्धन सुरु ठेवण्याची परवानगी अमेरिकेला द्यावी लागेल.
• अमेरिकेने लादलेल्या सर्व प्राथमिक अटी तातडीने हटवण्यात याव्यात, अशी मागणी देखील करण्यात आली आहे.
• तसेच इतर देशांसोबत असलेले व्यापार निर्बंधही हटवण्यास इराणने सांगितले आहे.
• संयुक्त राष्ट्र सुरक्षा परिषदेतील इराणविरोधी प्रस्ताव रद्द करण्याची मागणी केली आहे.
• आंतरराष्ट्रीय अणु उर्जा संस्थे मार्फत दिलेले सर्व आदेश मागे घेण्यात यावेत असे या अटींमध्ये नमूद करण्यात आले आहे.
• युद्धात झालेल्या नुकसानीची भरकपाई देखील इराणने अमेरिकेकडे मागितली आहे.
• पश्चिम आशियाई देशांतील अमेरिकन सैन्य माघारी बोलावावे हे १० कलमी प्रस्ताव मांडण्यात आले आहे.
• हिजबुल्लाह आणि सर्व आघाडींवर लष्करी कारवाया थांबवण्याची अटही इराणने मांडली आहे.

शांतता टिकणार का?

सध्या ट्रम्प यांनी इराणच्या या अटींवर प्राथमिक सहमती दर्शवली आहे. येत्या १५ दिवसांत पाकिस्तानच्या इस्लामाबाद येथे दोन्ही देशांमध्ये अटींवर सविस्तर चर्चा होणार आहे. परंतु शांततेचे चित्र अजूनही अस्पष्ट आहे. इराणच्या या अटी मान्य झाल्यास मध्यपूर्वेत शांतता प्रस्थापित होईल. तसेच जागतिक तेल व्यापाराचा मार्ग सुरु होईल, मात्र त्यावर इराणच्या नियंत्रणामुळे किंमतीमध्ये अनिश्चितता राहील. तसेच युरेनियम संवधर्नाची परवागी देखील भविष्यात अण्वस्त्रांचा धोका निर्माण करु शकते. यामुळे सध्या संपूर्ण जगाचे लक्ष इराणच्या या कठोर अटी ट्रम्प मान्य करणार का, याकडे लागले आहे. यावरच युद्धाचे भवितव्य अवलंबून आहे.

US Iran War: आज रात्री ‘तबाही’ अटळ? Donald Trump यांच्या शेवटच्या धमकीनंतरही इराण झुकण्यास नकार; चर्चेचे सर्व दरवाजे कायमचे बंद!